المشاركة الأصلية كتبت بواسطة مضارب دوسري
اي نعم يهمه رفع نسبة التقطير ولكن على اسس ان هالشخص يكون قد المسؤوليه ومايعرض الشركه او القطاع الى مشاكل تاثر على اشخاص ثانيين
في موضوع الاداره الخطوره اقل
ولكن تبيه يوظف ناس غير كفؤ بان يعملون في مصنع من مصانع الغاز
المصنع منطقه حساسه مب اي واحد تعال وبحطك وبعتمد عليك وانت ممكن تودي المصنع الى انفجار او حرائق
في ناس تم الاعتماد عليهم وفالاخير وهو فالشفت يكلمونه فاللاسلكي روح سو العمل الفلاني
والاخ يكون خاااامد
هاي هو اللي تبونه يمسك في مصنع
لا بالله الا يطفشونهم ويطنشونهم وخل يروحون الشركات او المؤسسات الثانيه واتحدى اي مؤسسه او اي مكان في قطر يعطي راتب مثل الشركات التابعه لقطر للبترول
انا درست 3 سنين وراتبي كان 6800 واخر سنه حصلت زياده صار 7900
وغيري فالعسكريه وغيرها من الاماكن يضحك يقول بسس هاير رواتبكم وبعد ما خلصت وتثبت وصل راتبي الى تقريبا20000
خل يروحون وين مايبون ولكن فالمصع منطقه صعب تسلمها لاي واحد وصعب تعتمد على اي (قطري) لان مب كلهم تقدر تعتمد عليهم
وتقدر تروح تشوف فالوزارات والموسسات الحكوميه كيف ان بعض القطريين مايؤدون شغلهم على اكمل وجه
وتشوف موظف بين 5 اشخاص هو الوحيد اللي يشتغل بجهد وغيره يداوم بجريدته في يده
في هذي الاماكن ممكن تقول مب مشكله ومافيها اخطار كبيره
ولكن في مصنع لااااااا اخوي غلطة الواحد ممكن تاخذ ارواح ناس غيره ممكن تؤثر على اقتصاد بلد
كفايه ان هالعمل فيه خسارة ارواح في حال لاقدر الله اهمل احد المعتمد عليهم في شغله
واسف على الاطاله
ولكن كلمة الحق ماتزعل