السلام عليكم

اخواتي واخواني في المنتدى ( بالذات التجار ) ابغي مشورتكم ونصيحتكم .

انا تاجره في ايباي ابيع واشتري من كل دول العالم تقريبا .. وتحديدا امريكا ..

طبعا مع معرفة من حولي في المنتديات بنشاطي التجاري هم يطلبون مني شراء اغراض من المواقع وبالذات ايباي ..

صار هالشي مصدر قلق بالنسبه لي


بعد زلزال اليابان وصلت الاشعاعات على حدود امريكا

الاسبوع اللي طاف وحده طلبت مني اشتريلها اغراض من تاجر في ايباي وما انتبهت انه موجود في كاليفورنيا .. الا يوم راسلته بخصوص رقم متابعة الشحنه ،، حسب ما فهمت من الاخبار ان كاليفورنيا هي اكثر الولايات تأثرا بالزلزال في اليابان والانفجارات في محطتهم النوويه

انا الحين خايفه من الطلب

اخاف يوصل وهو محمل بالاشعاعات الضاره بالصحة

ابغي حد عنده فكره يجاوبني على هالسؤال

هل فيه اجهزه في قطر تكشف البضائع الملوثه بالاشعاعات الضاره عند وصولها وتستبعدها قبل ما توصل المواطنين والا لا ؟؟

هل امريكا الحين تدقق وتمنع البضايع اللي متأثره بالاشعاعات ؟ والا البضايع تشحن بدون مراقبه ولا فحص ؟؟

وشكرا لكم