السلام عليكم
ياليت اللي عنده خبره بالموضوع يفيدني
بغيت اروح الامارات اشتري البورسلان من هناك.. الكميه كبيره واسعار الدوحه غاليه جداً مقرنه بالبضاعه
فقلت بروح الامارات آخذ من هناك ... يمدحون الشارقه بس وين مادري
هل في محلات معينه مشهوره بجودتها وسعرها الطيب؟
وهل حد جرب ياخذ من سيرايك رأس الخيمه من مصدره هناك وشلون اسعاره مقارنه بالدوحه؟
واهم شي شركات الشحن وين مكانها
وجزاكم الله خير
وكيل راك في الشارقة ارخص من الشركة الام (r.a.k ) اللي في راس الخيمة
محل اسمة( سيراميك راس الخيمة )
ومن عندة بعد يعطيك تليفون المخلص الجمركي والسائق اللي بيوصل الشحن
نصيحة تصفح موقعهم على الويب سايت قبل لا تروح حتى تقدر تختار اللي يعجبك فعلا
اخوي اهم شارع بالشارقة شارع الملك فيصل متفرع من شارع البي ام بدايته تقاطع مشهور اسمه اشارات مازا الف واحد بيدلك عليه وانت جاي من بداية شارع البي الام (محلات التواير على يمينك) بتروح سيده لين ما بتحصل الاشارة اللي عندها محل تزويد٤*٤ اعتقد اسمه الماجد علي يسارك اول ما تشوفه بتلف على يسار المحلات على الشارع على الصوبين وبتحصل وكيل راس الخيمة ووكيل السراميك المصري والعماني هناك وفيه محلات وحوطات وراهم وبالدواعيس يبيعون سيراميك بالهبل يعني اسال وفر كل المحلات لاتشوف اللي على الشارع بس
الشارع فيه كل شي سيراميك وحمامات وبيبان جاهزة واقفال وخلاطات والبلوك اللي وراهم كله محلات اثاث صوب وكالة الفطيم بس شوفه وشوف بالليل سوق الصين التنين في دبي لانه فيه محلات سيراميك وايد وتشكيلات بالهبل بتحتار واصحاب الشركات كلهم صينين وبيعطعونك خصم كبير للكميات انصحك روحلهم لابس سبورت (تعرف القطري صار علامة تجارية) خذ خريطة السوق بالاول وفر عليهم كلهم والله الله بالمكاسر اللي يقولك ب ١٠٠ عطه خمسين
واي خدمة احنا حاضرين لعيون اخوانا اعضاء احسن منتدى
التعديل الأخير تم بواسطة BoFahed ; 04-04-2011 الساعة 04:57 PM
الله يجزاكم كل خير
الشراء سهل بس اللي احاتيه المصداقيه و الشحن
هل في حد تعامل مع شركات شحن هناك ؟ وشلون اسعارهم
شوف الصين افضل لك حنا نتعامل مع الصين عن طريق النت واذا لك خاطر ممكن تمر المكتب وتشوف العينات من سيراميك وبورسلان وحنا نكفل لك وصول البضاعه واكيد ان ارخص من السوق
السلام اعليكم البورسلان متواجد بالدوحة باسعار اقل من السوق بكثير والكمية الف متر اداحبيت ممكن التواصل لتزويدك بالمعلومات بالتوفيق ان شاء الله
التعديل الأخير تم بواسطة بوهاجر11 ; 05-04-2011 الساعة 06:12 AM سبب آخر: تغيير
& ماشاء الله لا قوة الا بالله &
السلام اعليكم الاخ المزن الرياني انا ما قدر ارد عليك على الخاص حسب قوانين المنتدى على العموم
متوفر 1000 متر مربع بروسيلان 60في 60 صيني نخب اول والسعر ان شاء الله مناسب
& ماشاء الله لا قوة الا بالله &
الشكر الجزيل لخوي الشمالي 111 على مساعدته في تحميل الصور
& ماشاء الله لا قوة الا بالله &
لوسمحت اخوي ابوهاجر11 بكم سعر المتر
سبحان ربي ،،، كرم النفس بأخلاق
الطيب عمّي ،،، ومصدرالجود خالي ..؟
السلام اعليكمالمشاركة الأصلية كتبت بواسطة روان قطر
السعر اخوي 45 ريال المتر وبالتركيب 65 ريال
& ماشاء الله لا قوة الا بالله &
ضوابط المشاركة
رد مع اقتباس