أخواني وخواتي .. حفظهم الله
الله يجزاكم الف خير عنا وعن المسلمـين أجمعين ,,
,, إبراء ذمه ,,
من لديه مطالبات للمغفور له إن شاء الله ( خالد بن عبد الرب المالكي )
يرجى التواصل مع أخوي صاحب نك لــ/ Lonely
أو معــي
ومن كان على خلاف معاه أنه يبيحه ويحلله ويدعو له يارب ,,
اللهم أغفر له وأرحمــه ,,
اللهم أغفر له وأرحمــه ,,
,, نبــذة عن المرحوم ,,
إنسان يصلي والحمد لله
إنسان بار بوالدينـه
قايم في زوجته وبناته
مع أخوانه كانهم ربعـه
مع ربعـه كأنهم أخوانــه وأكثر
ويشهد الله على كلامي
أي مسج يجيه عرس أو عزاء يعرف الشخص والا ما يعرفـه لازم يروح ويسلم أنا صاحبه قلت له تجي معاي نروح هالمكان الفلاني نزور فلان في البيت المستشفى أي مكان يقول إن شاء الله
فرح عزاء خارج الدوحه يشل عمره ويروح
انت في حاجه له في أي مكان وتتصل عليه ما يقول لك لا ولا مره سمعته يقول لا
كريم وسخي ويعطي ولا ينتظر من أحد أنه يرد له ,,
يحب يتواصل مع ربعـه داخل قطر وخارجها لو وين يتواصل معاهم ولا يقطعهم ,,
أي أنسان يقطعه فترة يتصل عليه يقوله انت زعلان مني إنا ضايقتك في شيء ,,
أن زعل منك يقعد مع نفسه يراجع نفسه ويرجع يكلمك ولا كأنه صار شيء ,,
أنسان بشوش لي دخل مكان قلب المكان ضحك ووناسه ,,
رجل حج السنه الي طافت والله يتقبل منه يارب ,,
الله يرحمك يا اخوي خالد الله يرحمك اش بقول والا اش بتكلم عنك ,,
الله يغفر لك ويسكنك فسيح جناته يارب يارب
""يمنع وضع ارقام الجوال- و اي تواصل
بين الاعضاء يكون عن طريق الخاص - الادارة"
|
