مشكله( مروحة الاب توب تطلع صوت قوي وحرارته عاليه)

[صوت الضمير]

السلام عليكم ورحمة الله وبركاته


عندي مشكله في الاب توب توشيبا

سنه الشراء 2006 استعمال شخصي .. نظيف

لكن مشكلته اللي بدأت من سنتين

المروحة تطلع صوت قوي .. وحرراته بسرعه تصير عاليه

وصاير بطي ..

والمشكله الثانيه .. البطاريه ماتشتغل الا بالشاحن .. اول مافصل الشاحن تفضي

هل لو غيرت البطارية بتروح المشكلة؟..

ابي اصلحه لكن ابي نصايحكم..

هل اقدر اغير المروحه ؟..

وهل تعرفون مكان راح يصلح الاب توب بأمانه ..

هل شركة التوشيبا اللي عندنا بتصلحه لي؟؟

ناس قالوا لي وديه للسوفتيل .. بس انا ابي اعرف اسعار التصليح

عشان مابي حد يكذب علي

وشكرا

[shadad]

السلام عليكم ورحمة الله ...

البطاريه اخوي لازم تتبدل لان زمنها الافتراضي انتهى, وعادة الشركات تعطي ضمان سنتين او سنة ونص على البطاريه ( بعض الشركات ), وللبطاريه اسباب وياد انها تتلف منها الشحن المتوالي اكثرم ن اللزوم او افراغها بالكامل وتركها بدون شحن لفتره .
بالنسبة للحراره والمروحه فهاي مرده لعدة اسباب, ان المعالج متحمل اوامر برمجيه كثيره ( مرات تصير في حالة تشغيل العاب ثقيله مرة ), او ان المرحه فيها غبار وما تبرد تمام .
قدامك يا تغيرها او تجرب ترش عليها بهوا ( بلوار ) نفس حقين مغاسل السيارات, بتلقى الغبار طلع بقوة من الجهاز ..اذا ما نفع يمكن عليك تبدل المروحه وهاي ما تكلف وايد .
خلي بالك صوت المروحه في اوقات يعتبر طبيعي لكن عملها بصوت عالي وقوي لمده طويله يستوجب الوقوف عندها والبحث عن اسبابها.
وموفق ان شاء الله .
راجع جرير شغلهم وايد زين احسن من السوفتيل ( ومضمون ) .

[ابو ضمير]

انا في مرة كان مروحة الكمبيوتر تسوي ازعاج بطلت الكمبيوتر وحطيت نقطة زيت على محور المروحة ورااح الصوت

بلا سوفيتيل بلا بطيخ عندك سكروب بطل الالبتوب ووده عند اي مغسلة سيارات وخلهم ينفخون عليه هوى قوي يطير الغبار لانه الغبار يلغي فعالية المروحه وبعدها حطي نقطة زيت مثل ما قلت والامور ان شالله سهلات

انت اول ما تبطل الالبتوب بتنصدم من الغبار الموجود داخل

[صوت الضمير]

السلام عليكم ورحمة الله ...

البطاريه اخوي لازم تتبدل لان زمنها الافتراضي انتهى, وعادة الشركات تعطي ضمان سنتين او سنة ونص على البطاريه ( بعض الشركات ), وللبطاريه اسباب وياد انها تتلف منها الشحن المتوالي اكثرم ن اللزوم او افراغها بالكامل وتركها بدون شحن لفتره .
بالنسبة للحراره والمروحه فهاي مرده لعدة اسباب, ان المعالج متحمل اوامر برمجيه كثيره ( مرات تصير في حالة تشغيل العاب ثقيله مرة ), او ان المرحه فيها غبار وما تبرد تمام .
قدامك يا تغيرها او تجرب ترش عليها بهوا ( بلوار ) نفس حقين مغاسل السيارات, بتلقى الغبار طلع بقوة من الجهاز ..اذا ما نفع يمكن عليك تبدل المروحه وهاي ما تكلف وايد .
خلي بالك صوت المروحه في اوقات يعتبر طبيعي لكن عملها بصوت عالي وقوي لمده طويله يستوجب الوقوف عندها والبحث عن اسبابها.
وموفق ان شاء الله .
راجع جرير شغلهم وايد زين احسن من السوفتيل ( ومضمون ) .

بالفعل صادق بشان البطارية لاني كنت كله احطه ع الشاحن مع انه فول

اتوقع انها فيها غبار .. لانه يبين من برا انه في كميات كبيره غبار

وش هوا بلوار .. صوتها موب طبيعي كلش لانه ع طول اول ماشغله لين ماسكره

وعشان من شهر ماشغلته يوم شغلته احين احس الصوت راح وخفيف..

المشكله انه جرير بيضربون على ضربه .. والسوفتيل ارخص محل ..

اول بجرب البلوار وين احصله؟؟

مشكور جدا على ردك

[صوت الضمير]

انا في مرة كان مروحة الكمبيوتر تسوي ازعاج بطلت الكمبيوتر وحطيت نقطة زيت على محور المروحة ورااح الصوت

بلا سوفيتيل بلا بطيخ عندك سكروب بطل الالبتوب ووده عند اي مغسلة سيارات وخلهم ينفخون عليه هوى قوي يطير الغبار لانه الغبار يلغي فعالية المروحه وبعدها حطي نقطة زيت مثل ما قلت والامور ان شالله سهلات

انت اول ما تبطل الالبتوب بتنصدم من الغبار الموجود داخل

ماعرف ابطله حاولت اكثر من مره ماقدرت وخفت افتحه ولاعاد اعرف اسكره

عادي اوديه ينفخون عليه بدون مافتحه ..

والله يعطيك العافيه على النصائح

[صوت الضمير]

انا في مرة كان مروحة الكمبيوتر تسوي ازعاج بطلت الكمبيوتر وحطيت نقطة زيت على محور المروحة ورااح الصوت

بلا سوفيتيل بلا بطيخ عندك سكروب بطل الالبتوب ووده عند اي مغسلة سيارات وخلهم ينفخون عليه هوى قوي يطير الغبار لانه الغبار يلغي فعالية المروحه وبعدها حطي نقطة زيت مثل ما قلت والامور ان شالله سهلات

انت اول ما تبطل الالبتوب بتنصدم من الغبار الموجود داخل

جزاك الله خير يااخوي

تدري خذيت المكنسه الكهربائيه وحاطيتها على المروحه

شفطت كميه لاباس بها من الغبار

ودي افتحه واكمل على الغبار اللي داخل بس ماعرف

شغلت الاب توب مافيه صوت ..نجحت طريقتك

أبداع

[ابو ضمير]

جزاك الله خير يااخوي

تدري خذيت المكنسه الكهربائيه وحاطيتها على المروحه

شفطت كميه لاباس بها من الغبار

ودي افتحه واكمل على الغبار اللي داخل بس ماعرف

شغلت الاب توب مافيه صوت ..نجحت طريقتك

أبداع

هع حاضرين لك

[العقل المدمر]

لهالدرجه السالفه طلعت بسيطه ؟!
لابي يطلع اصوات مب طبيعيه ولما وديته قالوا لي لازم يركبون مروحه خارجيه وبتكلفني قريب سعر اللاب نفسه قلت بلى منه وشريت لي جديد

[xbox2004]

ايه نوع الاب توب
البطاريه مالها دخل بصوت المروحه فى الجهاز او السخونه - المشكله بتكون فى المروحه نفسها مش بتعطى التبريد الكامل نتيجه تركم الغبار على المبرد النحاسى الموجود
لما يسخن الجهاز المروحه تبداء بالعمل فى اقصى سرعه ممكن لتبريد حراره البرسيسور
ولكن نتيجه للغبار الموجود فى المبرد تظل المروحه تعمل بالسرعه القصوه