ابغي نصيحتكم في احسن طريقه للدفع في السعوديه

[r07]

ان شاء الله راح نشتري اغراض التشطيب من ارضيات داخلي وخارجي من السعوديه وابغي نصيحتكم في احسن طريقه للدفع؟ كاش او تحويل الخ...مع العلم ما ابغي اروح وارد اكثر من مره...وشكرا

[ابو علاوي]

اما تاخذ وياك فلوس سعودية وتدفع كاش هناك

او بعد ماتشتري منهم وتاخذ الفواتير تحول لهم عن طريق شركات الصرافة اللي بقطر ب3 ايام تكون داخلة حسابهم في بنك الراجحي

[فويرط]

مرحبا

انا شريت ارضيات البيت وبعض ارضيات وحوائط تكرم الحمامات من السعودية

وللعلم ... في تعميم في مركز سلوى السعودية اذا كانت معاك 60 ألف أو ذهب او اوراق قابلة للتداول ( يعني مثل شيك ) قيمتهم 60 الف لازم تبلغ في المركز ان عندك هذا المبلغ .... على حسب التعميم الموجود في المركز

انا شسويت ... وديت معاي 55 ألف وبدون مابلغ .... المهم ... شريت اغراض من الرياض للبيت وطلعت تقريبا 77 الف والمحلات اللي شريت منها كلها فروع تابعة لبعض ، فقلت لهم بادفع لكم اللي عندي ، واذا وصلت الدوحة باحولكم الباقي ... وعطوني رقم حسابهم ... وقالولي اوكي ... اول ماجيت الدوحة ثاني يوم طرش المبلغ ... اول ماجاتهم الفلوس على طول طرشولي اغراضي

وللعلم ... الرخام ممنوع يطلع من السعودية ... يعني لاتشتري رخام من السعودية

وحبيت اقولك اللي صار معاي ... والله يوفقك

[AL_MUTAEM]

افضل طريقه هي الدفع بالمحل عن طريق الكردت كارت اي بطاقة فيزا او ماستر ومعظم المحلات ياخذون نسبه فوق المبلغ المتفق عليه 3% وهذا مخالف لان البنك يضع الاله مجانا بالمحل وهي من وجهة نظري افضل طريقه من حيث الامان فخطر ان اخذ مبلغ فوق الخمسين الف كاش ..

اذا لم تتمكن من حمل بطاقة الكردت تتفق على السعر النهائي ويتم تحويل المبلغ من الدوحه ولكن بكثير من الاحيان تتأخر الحوالات لاكثر من خمس ايام عمل فالافضل الذهاب الى مركز سلوى الحدودي والذهاب الى بنك الراجحي ووضع المبلغ في الحساب ان وجد لهم حساب في الراجحي والمسافه لا تزيد عن 97 كيلو متر

[بوفهد 5555]

عليك بالكاش في السعودية اكثر البطاقات الي عندنا ما تقدر تشتري فيها بس تنفع تسحب كاش من مكينة الصراف الالي

[A.L.I]

تاخذ وياك فلوس كاش

[فواز1976]

ليش ما تفتح حساب باحد البنوك السعوديه ..... وتحول له المبلغ افضل وامن .

وكمان تقدر تخلي المبلغ مع احد الاخوان واول ما توصل السعوديه يعمل لك حواله سريعه وتستلمها .....

[أبو معاذ]

بالتوفيق

[ريان]

انا توني واصل اليوم وخذيت المبلغ معي كاش

[r07]

مشكورين جميعا على الرد..المبلغ اللي كنا ناويين ناخذه حول ال150 الف بس اذا يصير نحول المبلغ لي ردينا بيكون افضل بس بالنسبه للشحن هل المحلات نفسها ترتب موضوع الشحن وللعلم احتمال كبير ناخذ سراميك من عدة محلات فشلون ننسق موضوع الشحن مع اكثر من محل؟وشكرا