الأمور طيبة والحمدلله ,,
دخلت البحرين بتاريخ 1/4 وطلعت 2/4 ورديت دخلت بتاريخ 8/4 وطلعت 9/4 , ابشركم الأمور سهالات والحمدلله والجسر مافيه زحمه ابدا , 5 دقايق وانت مخلص كل الاجراءات عالجسر , والتفتيش كان عادي جدا ( مجرد طلة عالأغراض فالسيارة ) , وقبل الدخول من بوابة الجسر ( قبل دفع الـ 20 ريال ) في نقطة تفتيش ويتأكدون من الهوية ، وشفت الكويتيين يدخلون البحرين بنفس الطريقه ، أما بالنسبة للسعوديين فأعدادهم قليلة جدا ماتنذكر والظاهر في منع عليهم , وأعتقد فيه استثناءات للبعض لأني شفت سيارات سعودية قليلة جدا ..
اما داخل البحرين فالأوضاع الحمدلله مستقرة , من محرق للمنامة للرفاع ومدينة حمد الوضع كان أمان والحمدلله , مع وجود بعض نقاط التفتيش اللي ماوقفوني ابدا , ومجرد طلة عليك وانت ماشي بدربك ..
الله لايغير عليهم ان شاء الله , ويجعل بلدهم آمنا سخاءا رخاءا وكافة بلاد المسلمين ..