وعن أبي هريرة - رضي الله عنه - قال:
قال رسول الله -صلى الله عليه وعلى آله وسلم-:
من قال سبحان الله وبحمده مائة مرة حطت خطاياه،
وإن كانت مثل زبد البحر متفق عليه.
صبحك الله بالخير يابوخليفه ...
للحين ما نزلو الفايده اقصد البنك الاهلي..
مع العلم القرار صدر 10 اربعه واللحين قدنا في 13 سته
هلا اخوي بو جاسم ..
نعم هناك بنوك تقليديه لم تطبق القرار بعد مثل البنك البريطاني و البنك الاهلي .. على حد علمي ان الانظمه لديهم لا تستوعب هذا التغيير الكبير والمفاجىء لذلك مصرف قطر المركزي منحهم او حدد لهم مهله اكثر من البنوك الاخرى ..
اما بخصوص البنوك الاسلاميه ..
نعم اغلبية البنوك الاسلاميه لم تطبق القرار في قروض المرابحه و ذلك حسب الفوائد التي يستحقها البنك قبل خصم القسط الأول .. فلا يمكن للبنك استرجاع او تخفيض الفوائد المستقبليه .. لأنه لا يوجد !
و الله يسلمك من الشر ..
تحياتي من البلكونه
حمد لله عالسلامه يابو خليفه واستفساري باعتباري من المقترضين القدامى بعدما خفض لي بنك الدوحه النسبه والمده هل بيخفضون القسط لاني سالتهم قالوا بس حق العملاء الجداد بس اما انتوا لااا وانه ادا تم تخفيض القسط راح ترجع المده السااابقه للقرض قيل التعميم مع بقاء نفس النسبه الحاليه وارجاع قيمه الفوايد اللي طاحت لاني خفضت القسط فمااااذا يقول التعميم وماااا رايك انت وجزيت خيرااا
لكل قلب اذا ما حب أسرار ... وكل حب لغير الله ينهار
يصبحك بالنور يا نوارة الموضوع اخوي عبدالله ..
اتوقع البنك الاهلي الآن اصبح في قائمة احد البنوك المخالفه حسب اجتيازه او تعديه المهله المحدده من المصرف المركزي .. لأني اشوفه مشغول بالعروض والمسابقات و الى حد الآن ما شاف له حل مع تخفيض الفوائد لـ "بعض" القروض ..
لكن هناك بعض المقترضين لدى البنك الاهلي استفادوا من القرار ..
تحياتي من البلكونه
وعن أبي هريرة - رضي الله عنه - قال:
قال رسول الله -صلى الله عليه وعلى آله وسلم-:
من قال سبحان الله وبحمده مائة مرة حطت خطاياه،
وإن كانت مثل زبد البحر متفق عليه.
مسيو بو خليفة..
بونجوغ...
تصدق..رحت للبنك ابي سلفه
و ما وهبني..
قال مركز المعلومات الائتمانية
مبهدل (فيني)!!
قلته افا...قال هذي العلوم
و خذها مني..
عندك و عندك..و عندك و لا ما عندك..
قلت اسكت..اسكت يا سيادة المدير
لا تفضحني..
ما خلو شي والا و اعرفوه عني!
قال و ازيدك من الشعر بيت..
فيه عليك و عليك و عليك..
قلت..اصبر اصبر..
اسمحلي يا خوي ان هذا "التقرير"
مكركب و لا فيه من الواقع
الا "القشور"..
قال لا..لا تقول..هذا تقرير "رسمي"..
قلت له..
طيب..انت تقول ان علي السلفة الفلانية
و مستحق علي القسط الفلاني..
قال التقرير يقول هالشي..
قلت له..و هالسلفه عند اي بنك..
قال..ها... (بنكنا)!!!
قلت له:
و لا عليك امر..
افتح السستم اللي عندك..
و شوف بنككم..شيقول..
علي انا هالسلفة و لا قدها منتهية قبل صدور التقرير..
قال..لا بالله..(بنكنا) يقول ان ما عليك التزام عندنا
و انت اديت اللي عليكم بالتمام و الكمال من اخر شهر خمسه!!
قلت له الحين شتقول في التقرير
اللي مطلعني مليونير و مديونير في الوقت نفسه..
حتى البطاقات الائتمانية الملغية..ما هو ملغيها عني!!
ارجوك يا (مدير) من اللي كاتب التقرير..
شوف مصدر التقرير من (مركز ائتماني)
و لا من بلكونة في الشنزليزية
او بورتا ارابيا!!
*
*
،،
بعد هالقصة..
ايش قولك يا بو خليفه..
المعلومات الائتمانية لما تكون (غلط)
و فيها معلومات (مغرضة) و غير واقعية..
و ما هي "ابديتد"..
ايش ذنب المقاول اللي يبي دفعه
و البنك ما هو براضي يعطيني !!
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
مرحبا اخوي والله يسلمك من كل شر ..
اذا تم تخفيض القسط ماراح تستفيد لأنه تلقائياً اذا تم خفض القسط ماراح تنخفض الفائده .
اذا انخفضت الفائده والقسط تم على ماهو عليه = تنخفض مدة القرض
رأيي الشخصي :
خطوة البنك خطوه موفقه من ناحية تخفيض الفائده لان الهدف الرئيسي من القرار نفسه هو تخفيض الفوائد العامه على القروض الشخصيه و ليس الاقساط لتخفيف العبىء اليومي .. انما على طول المدى .
تحياتي من البلكونه