ياجماعه بس بغيت استفسر عن محلات تأجير السيارات في مطار دبي .. هل الأجار يكون مع تأمين شامل ؟؟ واذا حد يخبر لي محلات تعطيك تأمين شامل يعطيني الاسامي ولاتهونون
ياجماعه بس بغيت استفسر عن محلات تأجير السيارات في مطار دبي .. هل الأجار يكون مع تأمين شامل ؟؟ واذا حد يخبر لي محلات تعطيك تأمين شامل يعطيني الاسامي ولاتهونون
هلا
اعتقد شامل
http://www.dubaiairport.com/DIA/Engl...es/Car+Rental/
اخوي ولد قطر انا دائم التردد على دبي ودايما أأجر سيارة من شركة ثريفيتي في المطار وهذي شركة عالمية ، يعطوني التامين على حسب الطلب وانا دايما اطلب تأمين شامل ، والحقيقه هذي الشركة من اروع الشركات اللي تعاملت معاها في دبي .
تسلم اخوي محمد .. الرابط موجود عمدي بس ابي اعرف الشركات الي تاجر بتامين شامل ..
يعلك تسلم اخوي قطري طموح .. ان شاء الله بجرب هالشركه .. الله يحفظك ويوفقك
جرب Sixt
انا دوم اتعامل معاهم
وبخصوص التأمين اظن تقدر تطلب شامل
ما احب انا المركز التالي . . . الاول اموت واحيا به
والمركز الأول يبا عزم وابهار
ياللي تحداني ولا تدري العوق
ابوي علمنا التحدي والاصرار
اشكركم كنت محتاجه هالموضوع حق سفره دبي
كنت اتعامل مع شركة كانت روعه بس كنها اتكنسلت
والله يعطيكم العافية
نصيحه ،
نصيحه ،
نصيحه ،
دايماً تعاملوا مع شركات عالميه ،
عقودهم قانونيه ومب على مزاجهم مثل شركات التأجير المحليه ،
http://www.qatarshares.com/vb/showthread.php?t=429495
الله يحفظكم يا أهل قطر ،
خذ من المطار وخذ معاك فيزا كارد عن لايقولن لك خل مبلغ وبعدين يقولون بنراسلك ونرده لك ويماطلون
صارت معي واقرب فرصة سافرت لهم واخذت فلوسي من شرطة المطار بعد ما حسيت بمماطله جديده
وجهة نظر وأحترمها يالمعنى ،
بس أنا أتكلم عن تجارب عديده في دول الخليج وكنت أقرا شروط التأجير بالعقد والفرق مابين الشركات المحليه والدوليه ،
صحيح الأسعار تكون شوي أغلى بحكم حسبتهم على سعر السياره وموديلها و و و ،
هالشي طبيعي نظراً للشروط العالميه بتأجير السيارات وفرق الأسعار مابينهم وبين المحلات العاديه هذي بحد ذاته موضوع
بس صدقني المحلات الأرخص سعر هم ألي ربحانين أكثر ،
والمكاتب العالميه ميزتهم يخيرونك مابين نوعية التأمين أن كان ضد الغير ولا شامل بلا لف ودوران ،
عموماً شروط العقد تعطي كل حق حقه أن كانت متضرر أو متسبب بالحادث (بعيد الشر) ،
وأمور كثيره لاتحضرني لكن أقلها وأهمها عشان تعرف فرق التعامل مابينهم ،
لو صار حادث لاقدر الله وأنت ماكنت متسبب فيه بس تتصل ع شركة التأجير الدوليه وواجب عليهم يجيبون لك سياره نفس نوع السياره ألي أجرتها أو مواصفاتها قريب منها ،
وأن كنت متسبب راح ياخذون منك مبلغ متفق عليه مسبقاً حسب قانون عقد الأجار توصل حق 4% أن كثر من قيمة التصليح أو تكنسل السياره ع حسب الشروط ،
لكن الشركه المحليه يستانسون لو صار حادث خشن وتتكنسل السياره وينشرون المستأجر مثل المنشار ،
يطلعون منه مبلغ الأجار اليومي لوقفة السياره وهي تتصلح أو جاري كنسلتها وقيمة تصليح خياليه من أحد كراجات ربعهم و و و و ،
وبالأخير ياخذون قيمة السياره منك ومن التأمين ويضربون عصفورين بحجر!! ،
التعديل الأخير تم بواسطة باسكن روبنز ; 21-04-2011 الساعة 11:08 AM