:::...كل مايخص الاندرويد...اخبار...برامج والعاب...مشاكل...:::

[The Master]

احم احم...ثم احم...

هلا ومرحب ب الجميع...

من خلال هالموضوع...

اطرح كل ماهو جديد في عالم الاندرويد...من تلفونات...وبرامج...والعاب...واي اخبار حصريه...
واكيد تعريف حق هالنظام...خاصه الناس اللي ماقد اسمعت فيه...ومايعرفون الا نوكيا او ايفون...

وطبعا بيكون عندنا كم ريفيو "تقرير"...عن الاجهزة المجربه...ورأي الناس فيها...

واي حد عنده مشكله في اي تلفون...حاضرين ب اللي نقدر عليه...

وبالطبع هالموضوع مش حصري لي...للجميع دعوة وحق انهم يشاركون...فا بهم انكمل بعض...والجميع يستفيد ان شاء الله...

وانتظرونا...جايينكم ب المشاركات...

ويامرحبا بالجميع...

[The Master]

ب اختصار...عشان اتعرف وش هو نظام الاندرويد...

الاندرويد...

خاصية البرامج بلاش بدون الحاجة لكسر للحماية...
خاصية تنوع الاجهزة وشركاتها...
اغلب التلفونات الحين تشتغل نظام اندرويد...مثل سوني اريكسون...سامسونق...موتورولا...

البرامج يتم تحديثها من برنامج يوجد في جميع التلفونات اسمه Market

اغلب التلفونات الحين ب التحديث الجديد فيها عربي كامل...وتدعم العربيه...

استخدام تلفونات الاندرويد...وكأنه كمبيوتر...من ناحية تصفح...او بيانات...او برامج المايكروسوفت...

خاصية تشغيل جميع نوعيات الفيديو...وبوضوح عالي يصل الى 1080 HD Full

ومن التلفونات الجديدة في السوق الحين...

SONY ERICSSON XPERIA ARC
"موجود حاليا..."


SONY ERICSSON XPERIA PLAY
"موجود حاليا..."




SAMSUNG GALAXY S II





LG Optimus 2X
"موجود حاليا..."




MOTOROLA ATRIX
"موجود حاليا..."




Google Nexus S
"موجود حاليا..."



وكذلك تواجد التلفونات اللوحيه...Tab

مثل...

SAMSUNG GALAXY TAB
وفيه انواع... 10 انش...9 انش...7 انش "الموجود حاليا"
"موجود حاليا..."




MOTOROLA XOOM 10 INCH
10 انش...موجود حاليا...
"موجود حاليا..."




وفي منها بينزل من شركة SONY ERICSSON
و شركة ACER



ولنا عوده مع شرح خواص كل تلفون على حده ومميزاته...

[akeralengood]

بسم الله الرحمن الرحيم

تسلم الماستر ع الموضوع الرائع وان شاء الله الجميع يستيفيدون منه

طبعا كلنا عارفين ان اجهزه ابل والبلاك بيري اكثر مبيعا في السوق

وطبعا في فئه كبيره من المجتمع ماتفكر اتجرب الاجهزه الثانيه اللي هي تحت مسمي الاندرويد

وهذي نبذه بسيطه عن الجلكسي تاب وطبعا بالصور اتمني تعجبكم


طبعا في البدايه هذا الشكل الخارجي للجهاز حلو وصغير وتقدر اتشيله بيد وحده



وهذا شكل القائمه الرئيسيه للجهاز ومثل ماتشوفون اللي يميز الجهاز انك تقدر تتصل منه واطرش رسائل والخدمات الاخري مثل التصفح والالعاب والبرامج المفيده



وهذا شكل الجهاز من الخلف وغير متوفر منه الا لون واحد الابيض وفي منه حجمين 16 + 32
ويحتوي ع كاميرا وفلاش



وهذا الماركت اللي تحمل منه البرامج والالعاب



واللي يميز اجهزه الاندرويد ان جميع البرامج مجانيه



وهذي فرق الحجم بينه وبين الايباد وطبعا معظم الاشخاص اقولون لك شنو الفرق بينه وبين الايباد << طبعا انا برأي الشخصي لا تسوي مقرانه بين جهازين لايحملون نفس النظام



(2)





وطبعا مثل ماقلنا الجهاز يحتوي علي حجمين ولكن اللي يميزه انك تقدر اتضيف له ميموري كارد بحجم يصل الي 32 اضافيه للجهاز + فتحه السيم كارد العاديه



واخير




وعن تجربه شخصيه الجهاز حلو في حجمه ووزنه والبرامج ولكن التصفح فيه شوي مانسبني والتش سكرين كذلك

ولكن ككل جهاز مناسب لمتطلبتي ولا ننسي انه يحتوي ع الفلاش ولما تشتريه معاه محفظه مجانيه

وبس هذا مافي جعبتي لليوم والله يعطيكم العافيه

*

[rayyani4ever]

و اخيييييييييييييرا موضوع عن الاندرويد..


نظام رائع بمعنى الكلمه.. احلى شي فيه التحديثات و السوفتوير المفتوح..

تقدر تتحكم و تعدل كل صغيره و كبيره في تلفونك و هذا ما يسمى بcustomization.. (و مستخدمين الآفون عندهم هالشي محدوووووود جدا جدا لان نظام الios ما يسمح بهالشي)

طبعا اجهزة الاندرويد لها انتشار محدوود عندنا لان معظم الناس ما يعرفون عنها.. بس لو طلعنا برع شوي بنشوف انه الاندرويد منتشر حاله حال الآيفون و غيره (و يمكن في بعض البلدان سوقه اكبر من سوق الآيفون)

مثل البلاكبيري.. كنت اشوف الوفود الاجنبية لما تجي عندنا يكون عندهم هالجهاز و كنت استغرب.. و سألت واحد منهم عنه و شرح لي.. و طبعا ما انتشر البلاكبيري في قطر الا عقب اكثر من سنه..

اكبر شركات الاتصالات في امريكا و اوروبا اصبحت تعطي اولوية الطرح للاندرويد نظرا للاقبال المتزايد عليها..


و مثل ما تفضل اخوي "الماستر".. وايد شركات تصنع هالاجهزه مثل samsung, LG, motorola ولا ننسى القادم و بقوه الHTC..



اشكرك اخوي الماستر على هالموضوع الرائع.. و لي عوده مع شرح مفصل لأفضل اجهزة الاندرويد


اهم شي"الماستر" صورة الآرك اشرايك تعطيهم شرح بسيط عن هالجهاز؟؟




و ملاحظه بعد اذن اخوي "الماستر".. اتمنى الموضوع يكون للافاده و الاستفاده.. لحد يقلبها استهزاء او مناقشات برع الموضوع..

و لحد يذم الجهاز و هو ما استخدمه اصلا

[hatim]

كيف يتم تعريبه اذا كان غير معرب؟
وتسلم

[بريكان]

بالنسبة للأندرويد انا مستخدمه على جهاز جالاكسي اس سامسونغ صار لي 8 شهور عليه ممتاز أقل ما يقال عنه من حيث نوعية البرامج وكميته حتى نظام التاتش فيه مرن جدا

[The Master]

لنا عودة...خل نفضي شوي...احم

كل الشكر لاخر العنقود...علي التقرير الرائع...الله ينور...

وبنرجع بمعلومات جديدة وتقارير طيبة...والاجابات المفيدة...

وتشكر اخوي رياني عالمشاركة...وابشر بالتقرير الطرطيب...

لاهنتوا ويامرحبا بكم...

[كرستال]

شكرا على الموضوع المفيد

وننتظر التجديد باستمرار

ويعطيكم العافية