:: Samsung galaxy tab :: نبذه بسيطه عن الجهاز :: بالصور :: حياكم معاي ::

[akeralengood]

بسم الله الرحمن الرحيم


طبعا كلنا عارفين ان اجهزه ابل والبلاك بيري اكثر مبيعا في السوق

وطبعا في فئه كبيره من المجتمع ماتفكر اتجرب الاجهزه الثانيه اللي هي تحت مسمي الاندرويد

وهذي نبذه بسيطه عن الجلكسي تاب وطبعا بالصور اتمني تعجبكم


طبعا في البدايه هذا الشكل الخارجي للجهاز حلو وصغير وتقدر اتشيله بيد وحده



وهذا شكل القائمه الرئيسيه للجهاز ومثل ماتشوفون اللي يميز الجهاز انك تقدر تتصل منه واطرش رسائل والخدمات الاخري مثل التصفح والالعاب والبرامج المفيده



وهذا شكل الجهاز من الخلف وغير متوفر منه الا لون واحد الابيض وفي منه حجمين 16 + 32
ويحتوي ع كاميرا وفلاش



وهذا الماركت اللي تحمل منه البرامج والالعاب



واللي يميز اجهزه الاندرويد ان جميع البرامج مجانيه



وهذي فرق الحجم بينه وبين الايباد وطبعا معظم الاشخاص اقولون لك شنو الفرق بينه وبين الايباد << طبعا انا برأي الشخصي لا تسوي مقرانه بين جهازين لايحملون نفس النظام



(2)





وطبعا مثل ماقلنا الجهاز يحتوي علي حجمين ولكن اللي يميزه انك تقدر اتضيف له ميموري كارد بحجم يصل الي 32 اضافيه للجهاز + فتحه السيم كارد العاديه



واخير




وعن تجربه شخصيه الجهاز حلو في حجمه ووزنه والبرامج ولكن التصفح فيه شوي مانسبني والتش سكرين كذلك

ولكن ككل جهاز مناسب لمتطلبتي ولا ننسي انه يحتوي ع الفلاش ولما تشتريه معاه محفظه مجانيه

وبس هذا مافي جعبتي لليوم والله يعطيكم العافيه

*

[هلال عساف]

أشكر لك مجهودك اخي وبارك الله فيك

[خريج اعلام]

تسلم وماقصرت


ارجو من الاخوان اللي عندهم خبرة او برامج مفيدة او اي معلومة عن الجلاكسي تاب
ياليت يفيدنا اكثر

انا الجهاز توني مستخدمة وماشالله عجيب

[akeralengood]

العفو اخواني حياكم الله نورتوا الموضوع

انا مع فكره اخوي خريج اعلام ياليت اللي جرب برنامج واعجبه واحسه مفيد يطرحه لنا ونفتاح المجال للنقاش في البرامج

والله يعطيكم العافيه

[AlWakRa]

السلام عليكم

اول شي يعطيك العافية على الرفيو الحلو ، وأهنيك على اختيارك ، والحين انزلوا تابلتات أندرويد جداد بنظام الهوني كومب الخاص بالتابلت ، والأمور فيه مختلفة كثيراً عن التاب اللي عندك ، هاي فيديو بسيط عن جهاز موتورلا بالنظام اللي ذكرته

http://www.************/watch?v=BmRkDFhCxWM


عن البرامج ، أنا عندي جوال أندرويد وسستمه نفس التاب ، من البررامج اللي أستخدمها هي التويتر والفيسوبوك الرسمي ، برنامج افرنوت evernote لحفظ الملاحظات والدخول إليهم من أكثر من جهاز وبرنامج utorrent علشان أجيك على التورنت الشغاله على الكمبيوتر لما أكون برع البيت أو اضافة ملفات جديدة ، في برامج وايد منزلها بس للحين ما جربتها ، وبعد الماركت اللي بفلوس شغال عندنا وتقدرون تشترون

[غلا الريان]

ميزة حلوه ان الابلكيشنز فري
لكن الحجم اشوفه صغير ..

يعطيك العافية اخوي ع الرفيوو