استفسار : المساعده عن لندن من الجميع

[المفترس]

السلام عليكم والرحمه
اخواني عندي موضوع وليت الكل يتجاوب معاي للي عنده خبره
حبيت استفسر عن لندن وقت الصيف او شهر 6
هل مبلغ 10000 عشر الاف تكفي لمده اسبوع بس
من ناحيه السكن والاكل بس

وليت ان كان ل اي شخص خبره يدلني على السكن المعقول سعره ان كان فندق او شقى
وتكون قريبه من الاسواق هارودز سالون استرت
وياريت لو يكون ان مثلا الفندق او اي شي من السكن هو اللي يكون عليه وجبات الاكل مثل الغدا والعشاء

يعني انا اللي اقصده بكل هالرساله ان الرحله راح تكون بس تمشي لاغير ومن غير مشتره لان راح تكون بس تغير جو وكسر روتين
فانا اول مره راح اروح لندن وياريت الكل يتجاوب معاي

واسماء الفنادق اللي تكون اسعارها معقوله او الشقق


وعساكم ع القوه انشالله

[Rashid554]

ممكن اقدر اقولك الـ 10 الاف تكفيك ممشى + اكل
لكن من غير تكاليف الفندق
وهي على حسب مصرف الشخص بالاخير ..

ع العموم هذا فندق جميل اسمه days hotel وهي عدة فنادق موجود في بريطانيا واسعاره مقارنه بالخدمه الي يقدمها جميلة

سعر الغرفه 588 ريال الليلة * 5 ليالي 3300 ريال تقريباً ..

http://www.booking.com/hotel/gb/days...fcead40c5c23X2

[Ali Fahad]

بكل بساطه ..... لا

[هارودز]

لا والله ماتكفي 10000 لاتنسا اهم شي في السفر يكون معاك مبلغ احتياط

[صــوت قطــر]

ماتكفي اخوي ..

انا رحت شهر 12 وسكنت بفندق اسمه (( ثستل ماربل ارش )) بالاكسفورد ستريت وسعره رخيص اتوقع كان بــ 700 ريال ولكن موقعه خطيررررر . وفي رجال هناك معروف عند هالقطر يحجز لك ويرتب كل شي وبصراحه جربته وايد نفعني ورخيص وارخص من النت ومكاتب السفريات ..


ومثل ماتفضلوا الاخوان الــ 10000 ماتكفي .. وياريت لو تاخذ احتياط يكون احسن لك

[بوخالد911]

مووفقيين

[(بوطلال)]

تكفي وتزيد اخوي .

شقه لمدة اسبوع بحدود 850 باوند في الاجوررود او حواليه قريب الاكوسفورد.او فندق اذا كنتوا اثنين ب100جنيه في اليوم . تقريبا نقول 5000 للسكن والباقي 5000 ريال للاكل تكفيك وتزيد .

اهم شي احجز بدري لان السعر يفرق وايد معاك يعني لو تحجز من الحين الفندق ممكن يفرق معاك نص السعر . اما الشقه اذا بغيت طرشلي رساله عالخاص باعطيك رقم واحد هناك يضبطك ان شالله

[المليونير الفقير]

كلام ابوطلال صحيج ال10الاف تكفي بس فتره اسبوع ونصيحه خذ معاك احتياط ماتدري شيصير وبالتوفيق

[المعنى88]

ليش ياناس .............. المبالغة ماتكفي
االلي عنده خبرة يقدر يسوي أكثر بهالمبلغ .......... أنا بالنسبة لي لمدة أسبوع
سكن بأحسن فندق ومواصلات وأكل حلال تكفيني 5000ريال ....

[غزلان]

ما تكفي اسبوع السكن عندهم غالي