ماهو افضل مكتب استقدام لـلــخــــدم ..

[شموع قطريه]

السلام عليكم ورحمة الله ..

ممكن تفيدوني بأفضل مكتب استقدام الخدم من ناحية الدقة في المواعيد والتعامل والاسعار .. لاني بغيت اجيب خادمه سريلانكيه وابي يجيبنوها لي بفتره قصيره مب يلوعون جبودنا لين توصل ..

ناطره افادتكم ويعطيكم العافيه ..

[راعي ال VXR]

مؤوسسنة هنادي لجلب الايدي العامله ...الغرافه

[الفهد1]

موضوع مكرر مافي شي اسمة احسن مكتب حضك يانصيب

[غبيش]

السلااام عليكم
انا معا كلام الفهد1
كل المكاتب نفس الشي
المشكله من الخدم مايصبرون على الشغل
والله المستعان

[تحداني]

في مكتب نتعامل معاه من زمان
والله عندهم " خوش خدامات " ما شاء الله عليهم
أغلبهم يتمون سنوات طويله .. وشغلهم امرتب .. ويجيبهم من مناطق محدده
انا اتكلم عن الاندونيسيات .. ما اعرف الجنسيات الثانيه

اسمه " الوصل " بجانب دوار الكتب



الله يسعدك .. ويجملك برضى الرحمن

[المتضرعه لله]

تعاملت مع الورد سوق العلي ممتاز
تعاملت مع الخالد شارع الشافي ممتاز
تعاملت مع الباتلكيو سوق العلي ممتاز
والخالد والباتلكيو لشخص واحد لكن التعامل معهم كثير راقي وما حصل لي معهم اي مشكله قد احضرت من هالمكاتب الثلاث ثمان خدمات على طول ست سنين مالقيت اي مشكله مع اي من المكاتب لكن الخدم حسب حظك وان استرجعت قبل الاقامه تعاملهم كثير راقي والشاهد الله


وصل الاستخاره قبل تقديم الطلب انا مجربه الشي هذا