تغريدات ..

[بنت سيف]

تغريدات ..




من فترة قصيرة .. اشتركت في عالم التغريدات Twitterعلى الانترنت ..

الصراحة .. لقيته .. مفيد .. ناحية الآب ديت Up Date .. في كثير من الأمور ..

من الأمور الإخبارية ..
إلى تحديثات المدونات ..
إلى الصفحات الشخصية لبعض الشخصيات ..
إلى مقالات ..
إلى سوالف ..
والكثير الكثير .. مواعيد الصلاة .. وإعلانات .. ومقتطفات أدبية ..

لي متتبعين ..Followers
واتتبع الكثير .. وكل يوم أضيف حد أوحد يضيفني .. في قائمة التتبع ..

التغريدات .. من الكل حلوة .. صحيح إنها محكومة بـ140 حرف للتغريدة الواحدة ..
وهذه ميزة ..
إلا إن الواحد ساعات وده يكتب أكثر .. وهذي محلولة بعد .. لأن الواحد ممكن يكمل السالفة في تغريدة ثانية ..

عالم مختلف .. مليان من الناس .. من كل مكان ..
نقاشات كثيرة تصير على التويتر ..
ويمكن لأكثر من طرف يشارك فيها ..

أحس إني أدمنت .. قراءة التغريدات ..
مع إن مشاركاتي نسيبا .. قليلة ..

ساعات أحس إني ضايعة فيه .. لأني ادخل من تغريدة إلى أخرى ..

مؤخراً .. بدأت أشعر .. إن كُتاب المنتديات .. والمدونات .. سوف ينجذبون لعالم التغريد ..لأنه بجد مغري .. وغني وثري جدا ..

وحقيقة .. بدأت استصعب الكتابة .. في مواضيع .. وأصبحت أتابع النقاشات على التوتير ..

ومع حبي الكبير .. للكتابة في عالم المنتديات والمدونات ..
أحس إني هاليومين .. مركزة على عالم التغريد ..

وحقيقة .. في داخلي قناعة .. إني سأرجع أكتب .. بمزاج في المنتديات والمدونة ..
بس .."تفكني" .. حالة الانبهار .. بعالم التغريد ..

بالمناسبة .. لقيت وايد ناس أعرفهم من المنتدى هناك ..
ولقيت ناس .. من الشغل ..
وناس .. من البيت ..
وناس من المجتمع .. والكثير ..

سؤال .. للقاريء .. هل جربت أن تغرد؟؟

تحياتي

بنت سيف

[The Blade]

140 حرف تعبر عن 1000 حرف في تويتر وهذا مايميزه عالم اقل شئ اقدر اوصفه انه مدهش وثري بالمغردين ( كتاب , اساتذه , مفكرين , الخ.. ) يستحقون المتابعة كل دقيقه .

[بنت سيف]

صحيح .. بعضها .. ثرية جدا ..

المعلوماتية الآنية .. سريعة جدا فيه ..

شاكرة مرورك .. The Blade

تحياتي

بنت سيف

[Petroleum]

مرحبتين فيج في هذا العالم و ان شاء الله يكون له مساهمه في تشكيل او بلورة جزء من الرأي الشعبي القطري و نستفيد من ادواته و قوته


تقبلي مني التحية

[فرحة ايامي]

اين من عيني حبيبا ساحرا فيه عز و جلال و حيــــــــــــاء

واثق الخطوه يمشي ملكـــا ظالم الحسن....شجي الكبريـاء

عابق السحر كأنفاس الربا ساهم الطرف كأحلام المســاء

أينما حللت غاليتي عقد أنت في جيده وليس Twitter وحده.

[بنت سيف]

مرحبتين فيج في هذا العالم و ان شاء الله يكون له مساهمه في تشكيل او بلورة جزء من الرأي الشعبي القطري و نستفيد من ادواته و قوته


تقبلي مني التحية

شاكرة لك الترحيب ..

وأنا من متتبيعنك ..

وأأمل أن يكون هناك استفادة من تغريداتي ..

تحياتي

بنت سيف

[بنت سيف]

اين من عيني حبيبا ساحرا فيه عز و جلال و حيــــــــــــاء

واثق الخطوه يمشي ملكـــا ظالم الحسن....شجي الكبريـاء

عابق السحر كأنفاس الربا ساهم الطرف كأحلام المســاء

أينما حللت غاليتي عقد أنت في جيده وليس twitter وحده.

جعل الله .. أيامك كلها أفراح وسعادة ..

إطراء كبير علي والله ..

تسلمين ..

تعتريني موجة .. جفاف في القلم ..

بسبب انشغالي بالسفر والعلاج والتوتير ..

تحياتي

بنت سيف

[ام السعف]

التوتر سجلت فيه مع بداية ظهوره بدعوة من احد الاصدقاء

ما توالفت معاه تركته ,, في الفترة الأخيرة جاتني أكثر من دعوة للاشتراك فيه
فكان جوابي مالي خاطر ادخل هالعالم لأني ما عندي وقت,,
فكان رد احداهن عادي مسجات على الجوال
ومب شرط من الكمبيوتر,, قلت لها ما اقدر اشتت وقتي يمين ويسار
واشترك في اي شي يطلع ,, الأهم اني اجد نفسي في المكان اللي ممكن
يمنحني حريتي وما يكون فيه ضغط علي ،،

توتر مثله مثل العالم الثاني the second life
يبي لهم وقت يبي لهم تفرغ يبي لهم قاعدة اجتماعية موسعة ،،

تحية لك يا بنت السيف

[بنت سيف]

التوتر سجلت فيه مع بداية ظهوره بدعوة من احد الاصدقاء

ما توالفت معاه تركته ,, في الفترة الأخيرة جاتني أكثر من دعوة للاشتراك فيه
فكان جوابي مالي خاطر ادخل هالعالم لأني ما عندي وقت,,
فكان رد احداهن عادي مسجات على الجوال
ومب شرط من الكمبيوتر,, قلت لها ما اقدر اشتت وقتي يمين ويسار
واشترك في اي شي يطلع ,, الأهم اني اجد نفسي في المكان اللي ممكن
يمنحني حريتي وما يكون فيه ضغط علي ،،

توتر مثله مثل العالم الثاني the second life
يبي لهم وقت يبي لهم تفرغ يبي لهم قاعدة اجتماعية موسعة ،،

تحية لك يا بنت السيف

مراحب أم السعف ..

أنا بعد سجلت في بدايته .. أو من زمان وما حبيته وقتها ..

بس جاتني دعوة مرة ثانية .. من تقريبا شهر ..

ورجعت أشوفه .. ولا متغير ..
وكميات كبيرة من الأصدقاء والمعارف والشخصيات موجودة عليه ..

وتم تواصل بيني وبينهم .. لقيته ممتع كثير ..

وبالفعل .. كما ذكرت صديقتج ..
صرت ادخل عليه من البي بي .. حتى وأنا مسافرة ..

ممتع ومسلي وفوق ذلك مفيد ..

انصحج تجريبنه مرة ثانية ..
يمكن تشوفينه بنظرة ثانية ..

تحياتي

بنت سيف

[ام السعف]

هلا ومسهلا يا بنت السيف

المشكلة ان مثل هالمواقع نحتاج لوقت ،، ما يصير انخرط في مجتمع
ما اتفاعل معاه ،، اليوم مع بروز امور كثيرة حوالينا ما بي اصير اسيرة
للأمور هذي بحيث اني انفصل من عالمي الواقعي ،،

مرات اكون عند امي الا الواتس دزززز دززززز دززززز
طيب وبعدين ؟ اسولف مع امي واعطيها وقتها والا ارد على الواتس
وان كان لي تواجد في التوتر انشغل وياه ؟

هذي امي بس طيب بو العيال و اليهال وخواتي وصديقاتي

اشوف ان مثل هالأمور بتسحبني سحب وشخصيا ما بي انسحب
فمن جذيه كتبت مالي خاطر ادخل توتر لأني ما عندي وقت