المشاركة الأصلية كتبت بواسطة ام السعف
بو عمير ،، وبعد إذن صاحبة الموضوع واختنا الأصيلة ،، صحيح احنا ما انتبهنا،، بس هذا لا يعني انه مب موجود ( صح ) ؟
طيب لو بعد الموضوع هذا اكتشفت ان الكلام المذكور بالفعل موجود شنهي ردة فعلك تجاه اللي بتشوفه جدامك ؟
تخيل لقيت تي شيرت مثلا عليه العين الماسونية وسبونج بوب واقف على طرفها ؟ هل تعتقد ان الموضوع هذا ما كان بفايدة يوم انك تنتبه للعين هذي ؟
فاللي ابي اقوله لربما احنا ما انتبهنا لأن اساسا مب في بالنا التركيز الا على حركات الشخصيات ،، لكن في ناس تحب اتدقق بالتالي لاحظت ما هو مذكور في الموضوع المنقول ،،
اشوف اعتراض البعض على عدم أهمية الموضوع مثل اللي يعترضون لما ينقال لهم شعار ناديي برشلونة والريال مدريد عليهم صلبان ،،يقولون لك اشدخل الصليب ، الصليب شكله غير وهذا شكل زائد ،،
تقول لهم الصلبان لها عدة اشكال نفس الخطوط العربية تلقى الحرف بعدة اشكال وكل شكل للصليب يتبع فئة معينة او توجه معين او قوم معينين ،، قالوا لنا لاااااا انتوا بس تبون اتألفون وبس ،، تفكيركم يضحك وعلى بالكم كل شي ضد الإسلام،، ( الكلام هذا لقيته بشكل شخصي من عيالي الكبار ،، ايام كانوا على اعتاب المرحلة الاعدادية وكانوا مبسوطين انهم شاريين البدل الاصلية لكل من برشلونة والريال مدريد ،، فانتبهت على الصليب وصاروا يحنون علي
انت كل شي بتحولينه مثل ما تبين تفهمينه
،، قلت لهم في صور كثيرة للصليب وراويتهم اياها ( قالوا لي هذي تأليف ) كبرنا في شد وجذب لما وصلوا المرحلة الثانوية واثيرت القضية بشكل كبير في المنتديات ،، وخاصة لما حضر اعتقد فريق برشلونة الى قطر واطفال قطر حملوا العلم وهو عليه الصليب ،،وصارت الضجة يومها بشكل كبير ،،
اهنيه رديت اتكلم عن نفس النقطة ،، قالوا لنا في المنتديات يومها احنا نشل علم فريق ،، قلت لهم الفريق هذا حاط صليب يعني لما ترفع العلم انت ترفع الصليب هذا ،، ورسولنا عليه افضل الصلاة والسلام نهى وجوده في البيت مب تشله وتلوح فيه ،، انت تحب فريق اعضاءه يقدرون الصليب اللي انت ترفعه ،،قالوا لنا مب صليب ،،
ردوا وقالوا هذي علامة زائد ،، من هالمنطلق ولتسمح لي بنت النوخذة اقول ان كل من شعار برشلونة والريال مدريد عليهم صليب واغلب الاندية الأوربية شعاراتهم عليها صليب وما يجوز تتواجد في البيت ،،
فخلونا انشوف شعار اللجنة الدولية للصليب الاحمر العالمية ،، وشعار نادي برشلونة
هذا شعار نادي برشلونة
وهذا شعار اللجنة الدولية للصليب الأحمر
شوفوا علامة الزائد موجودة في شعار اللجنة الدولية للصليب الأحمر وموجودة
في شعار برشلونة والفرق الأوربية التالية :
شعار نادي ريال مدريد الصليب موجود اعلى التاج في المنتصف ،، ومثل هالصليب ينوجد في لعبة الشطرنج على راس الملك ،، صاروا عيالي يشلونه لو دخلوا البيت قطع شطرنج
شعار فريق ايسي ميلان الصليب واضح بشكل ما يحتاج تفسير
فريق الشياطين الحمر نادي ليفربول تعتلي ثلاث صلبان قمة الشعار
نادي اسبانيول
طبعا من خلال ردي هذا اتكلم عن حالة خاصة فيني مع عيالي ،، اليوم كبروا بفضل من الله ولا واحد منهم على كثر ما كانوا يعترضون يقدرون يقولون لا ، هذا مب صليب ،، فمن جذيه ،، اليوم ولدي بو 17 سنة حصل فانيلة برشلونة يدري انه مب مسموح بقاءها وهي على ماهي عليه في البيت ،،، لكن اييني يطلب مني اتطمس الصليب ،، ان كان الشعار بالتطريز احاول بالأبرة والكور اغير شكل الصليب ،، اما لو كان طبع الله يخلي المناكير مسوي شغل محترم ،،
اما الصغير ، يابوا له هو وعيال خواله اللي في عمره بدلات برشلونة ،، بدلته غيرت الصليب
بالمناكير وطمست ملامحه وبان على انه عمود قائم ينتصف عامود منسدح بالعرض ،، يوم قلت لهم روحوا صلوا ،، وكان واحد من عيال اخواني لابس نفس البدلة ،، شفته طارد ولد اخوي من الغرفة ويصلي مع ولد اخوي الثاني قلت له ليش ؟ ،،يقول لي ما تجوز له الصلاة الصليب واضح على بدلته ،،
اليوم لما اجني مثل هالفكر من طفل عمره 8 سنين ،، اقول الحمدلله رب العالمين الولد هذا كان سبب في ان كل عيال خواله يطلبون انهم يطمسون الصليب على بدلة برشلونة والريال مدريد ،، مب بس البدلة ،، اي شي نقدر نشتريه ونقدر نغير من شكل الصليب نشتريه ،، اما لو بنلقى صعوبة في التغيير ،، نقول له صعب ،، يحطه مكانه ،، ويشل يده منه ،، لأن بكل بساطة احنا مسلمين وابسط امورنا الدينية ان مثل هالأمور نتقيد فيها ،، وما بالنا ان رسولنا الكريم عليه افضل الصلاة والسلام نهى وجودها في البيت ،،
وعلى نفس المقياس ،، لربما احنا اليوم نشوف الموضوع تافه ،، لكن لو بيننا لعيالنا الصغار
ان مثل هالعين والمجسم الهرمي وامور ثانية اساسا تابعة لمنظمة عالمية هدفها محاربة الله وتعبد الشيطان ، ممكن جدا يسهل علينا تنبيهم بالابتعاد عن امور يمكن قلوبهم تكون متعلقة فيها
بس هم يدرون انها مب من الإسلام ،،
فخذوا الفايدة من الموضوع ،، ومب شرط انتوا ما انتبهتوا يعني الشي هذا مب موجود
ويمكن هالموضوع يفتح لكم عيونكم لأمور انتوا كنتوا غافلين عنها ،،
بس طولت عليكم وايد