هل ارسلت ارباح ناقلات للكويت

[الرشيدي 64]

الكل منا بانتظار وصول ارباح ناقلات عبر البريد للكويت
(( الشيك ))

وباسمي ونيابه عن اخواني الكويتيون المساهمين اطلب منكم ارسال اي معلومه بهذا الشأن

والله الموفق

[FAHED Q8]

لاللحين ماوصل شي للكويت انا جيكت الاسبوع الي فات ماوصل شي بس ان شاء الله هالاسبوع لان الاخوان في قطر استلموا هذا الاسبوع
وبالتوفيق للجميع

[سهم عتيج]

هل طلبت تحويل من بنك قطر الوطني؟؟

أعتقد انك لازم تسوي طلب تحويل بموجبه يقوم بنك قطر الوطني بتحويل الأرباح لحسابك في الكويت..

وبالتوفيق..

[محمد الجفيري]

ان شالله يساعدوك الباقي ما عندي علم .

[بوجاسم 11]

انا للحين مااستلمت ارباح العقاريه من السنه اللي فاتت
هههههههههههههههههههههههههههههههههههههه

[الخليوي]

أنا رحت قطر الأسبوع الماضي .. ولكن للأسف حتى القطريـين أكثرهم لم يستلموا أرباح الناقلات عن طريق البريد .


ويوجد للأسف شخص قطري هناك إسمه ( عبدالرحمن محمد ) .. نفسيته بخشمه ويتهاوش مع الكل .. مع العمانيين والسعوديين ..

ويقولهم تعالوا باجر .. باجر ليش ؟ علشان ما تشتغل وتخلي الهندي عبدالجبار يشتغل مره ثانيه ويبطل عيونه عدل !! .

مو حاله هذي .. وقلتله أبي أرباح أخوي وقال : ما لقينهم , تعال باجر انا اللي يوم الشغل ( وايد علي ) ..


يعني هالأخ يبيني كل يوم أدفع 450 ريال إيجار علشان ماله خلق يخلّي عبدالجبار يدور مره ثانيه !!


وأشكر الأخت ( شيخه ) اللي معاه .. تبي تساعدنا بس أهو قاعد يجعمّـها قدام الناس ويقولها مالج شغل فيهم .


أتمنى السنه الجايه هالبنك ما يصير الوكيل الحصري لتوزيع الأرباح .. لأنه مو كفوووو .



وأشكر العاملين في البنك التجاري ومديره الواقع في شارع حمد الكبير لتفهمه الكبير ودماثة خلقه .

[MAZEN37]

الصبر يعني الحين خسرنا الفوق والي تحت بهالبورصه جت على ارباح بتتاخر شهر
لا ويا ريت ارباح اكبر مستثمر من الناس العاديين ما بيطلعله عشرة الاف

[الرشيدي 64]

هل طلبت تحويل من بنك قطر الوطني؟؟

أعتقد انك لازم تسوي طلب تحويل بموجبه يقوم بنك قطر الوطني بتحويل الأرباح لحسابك في الكويت..

وبالتوفيق..

نعم لقد قام بنك قطر بتحويل ارباح العام الماضي الى صندوق بريدي بالكويت

ولكن السؤال هل تم اصدار الشيكات وتوزيعها الى المساهمين داخل وخارج قطر ام لا

وشكرا على مرورك اخي الكريم

[QNB2010]

مرحبآآآآ ,,

أخواني الخليجيين اللي ماستلموو ألأرباح طرشو صورة من الجواز + بيانات الحساب في البنك مع رقم الأيبان وبينودع المبلغ في الحساب أن شاء الله
رقم الفاكس : 0097444252443

[الرشيدي 64]

مرحبآآآآ ,,

أخواني الخليجيين اللي ماستلموو ألأرباح طرشو صورة من الجواز + بيانات الحساب في البنك مع رقم الأيبان وبينودع المبلغ في الحساب أن شاء الله
رقم الفاكس : 0097444252443

اي حساب تقصد حسابي الى بالكويت ام غيره
وماذا تعني برقم الايبان

الحقيقه لانعرف كيف نحصل عليها ويجب من شركة ناقلات بارشادنا عبر رسائل بريدية او يالاتصال الهاتفي

وشكرا على مرورك واطلب توضيح اكثر