مشورة في اضاءة البيت ؟؟

[dream~qa]

السلام عليكم ورحمة الله وبركاته ،،

نصيحتكم ابغي اخلي البيت كامل سبوت لايت من النوع الكبير اللي من غير محول كهرباء ما أدري الاضاءة بتكون أوكي ولا البيت بيصير مظلم مع العلم أني ما راح أحط اسقف معلقة اللي تكون تحتها الاضاءة البيضا بس بتكون في ثريات في الوسط .

مع العلم أني بديت في أحدى الغرف وما اعجبتني قوة الانارة ؟

وسؤال عن الممرات أي نوع إضاءة يناسبها ... أحطها سبوت لايت ( وأي نوع أفضل ) ولا أحط الليتات العادية ؟؟

اتمنى تكون مشورتكم عن تجربة .

وجزاكم الله خير

[بودحوم]

وعليكم السلام

هنا بتلقى مواضيع وافكار خاصة بالإضاءة الداخلية

اتمنى انه يفيدك


(( الإضاءة الداخلية ))

[dream~qa]

الرابط مفيد جدا

بس يهمني تجاربكم وخصوصا لممرات البيت .

شكرا وبانتظار بقية الأعضاء .

[مبتدئ]

اسمعني طال عمرك شوف الانواع اللي تبيها و احفظ اسمها و روح " السعوديه " و شترها من هناك

أنا عندي بيت سويت هاذي الطريقة و فرت على نفسي 12000 الف ريال نفس الجوده و الصناعه

من اضاءه و ثريات و ما قول الا مالت على حماية المستهلك عندنا !

[dream~qa]

جزاك الله خير

فعلا الأسعار في السعودية أرخص بكثير

بس سؤالي مب عن الأسعار سؤالي عن قوة الأضاءة في البيت

نصيحتكم أركب البيت كامل سبوت لايت ولا أخليه للصالات والمجالس فقط

والأهم عندي الممرات وهي طويلة وضيقة يعني بعرض 1,5 تقريبا أي نوع من الأضاءة يناسبها ؟؟

[dream~qa]

في انتظار تجاربكم ومشورتكم ؟؟؟

[بوخالد911]

الله يوووفقكم

[فتى الجود]

عن تجربة اخوى مر على الجابري
أو الصالحية
وخذ من عنده

الدبل لمبة سعرها بــ 38 ريال
واللمبة بــ 13 ريال ضمان سنه

يعنى 38 + 13 +13 =64 ريال

والغرفه الوحدهاللى مساحتها
الــ 5 × 5 يبيلها على الأقل

4 حبات
يعني

4 × 64 = 256
ريال للغرفه وطبعاًلا الغرف 6 × 5
أو أكبر تحتاج اضاء اكبر ولمبات أكثر

وعلييك الحسبة للبيت

وفالك التوفيق

والله يبارك لك

[مهل]

لي عوده للفائده ،،، موفق خير

[Chambray]

انصحك بتركيب اضاءات led
اضاءه ماتخترب كثير وتعمر في البيت اكثر من 7 سنوات