مدرسة نيوتن العالمية

[ام السعف]

بنحطج مديره لانج عيوز .. هالوظيفه تناسبج وايد
خاصه انج اتحبين تتكلمين وايد وتكتبين وايد .. وادققين وايد .. وبطاليه وايد
ايش رايج ؟؟


شكرا مانبي افلوس .. اخاف باجر اتعايريني
وانا لو تبين الصج ماعندي حتى ربع مليون
ما ابي اخسرج عشان وصخ دنيا




مرتبش بيدور لنا مقر فيلا ولا شقه اصغيره .. واحتمال ابوه يتبرع لنا بشي من عقاراته
هالزمن الكل عنده عقار تبارك الرحمن الا انتي وانا الحمد لله والشكر لله
عندنا مبادئ تقول الغنى غنى النفس .. بس انتي صدقي
مكتب لج وله .. ومكتب لي وحق طلابي

مازلنا في صلب العمليه التعليميه وفي صلب الموضوع


جملك الله برضى الرحمن

هاهاها
اعجبتني هواياتي اللي سبقت كلمة وايد

امم،،
خلاص ما عندي مانع اصير مديرة عن بعد ،، وممكن اخصص دروس في النت

بس احب اضرب واعاقب ؟ دورا لنا حل الكتروني يساعدني على الانتاج

[ام السعف]

ما نقصد تربيه يا اخوي بوحارب .. نقصد الدراسه الاكاديميه
ترى تفرق وايد ما بين بعض المستقلات وبعض الخاص " صدقني "

بس للأسف انت ما اتحب غير البلاش .. لو عندك في الجهه الي امطرشتك شمال اطلنطي
بند اسمه " بدل تعليم " ما راح تدفع شي لا اتحاتي


اشكثر اتحبون الافلوس

انا وصلني خبر عندك فيلتين قاعد تبنيهم وتبي اتأجرهم
والثالثه قاعد تبنيها حق اليهال في المستقبل

ما شاء الله تبارك الرحمن .. يعني انت رجل اعمال
شنقول احنا الي لا تأمين على التعليم
ولا عندنا دخل ثاني


مازلنا في صلب الموضوع
نيوتن رفعت اسعارها بالفعل



جملك الله برضى الرحمن

بما اننا ما زلنا في صلب الموضوع

ليش ما انشوف ندوة لاكادميين في قطر تكون لنا وقفة مع مثل هالمواضيع

لما يكون رد ادارة مدرسة نيوتن علينا عن سبب رفع الرسوم بمثل
الدرجة الخرافية مرة وحدة يردون علينا ،، المبنى يديد وراقي ،،
والمنهج مثل ما هو

هل معنى هذا اليوم عيالنا يعانون من المبنى اللي هم فيه وتحصيلهم العلمي
متأثر بالمبنى ؟

هل على ولي أمر الطالب ان يدفع ما تكفله صاحب المدرسة من تكاليف
لبناء مدرسة راقية ،، وفي الأخير هناك مدارس مخرجاتها التعليمية اعلى
ورسومها أقل ؟

[تحداني]

هاهاها
اعجبتني هواياتي اللي سبقت كلمة وايد

امم،،
خلاص ما عندي مانع اصير مديرة عن بعد ،، وممكن اخصص دروس في النت

بس احب اضرب واعاقب ؟ دورا لنا حل الكتروني يساعدني على الانتاج

اذا تقرر الآتي .. الى الساده مجلس الاعلى للتعليم " التعليم الأهلى - بالتحديد قسم الدروس الخصوصيه .. الواقعيه وعلى الشبكه العنكبوتيه "

تحيه طيبه وبعد ..

نحيطكم علما ان الاستاذ " مرتبش " اقترح فكره تعليميه ستجدون تفاصيلها في المرفق اعلاه
هذه الفكره بإذن الله ستغير خارطه التعليم .. وستساهم في بناء استرتيجيه التعليم 2030 .. وستعد جيل قادر على مخاطبه وفود كأس العالم 2022 .. وقررنا الآتي

صاحب الترخيص : مرتبش
المديره : ام السعف
الموظف الغلبان : تحداني الزمن


في حال تعرضنا لأي حاله سلب ونهب سواء في ارض الواقع او من خلال الشبكه العنكبوتيه نتمنى تواجدكم قلبا ثم قالبا .. نظرا ان المشاركات المنشوره في هذا الصرح لاتعبر بالضرورة عن رأي إدارة المنتدى ولا تمثل إلا رأي أصحابها فقط

هذا ما باب العلم وليس الرد والتعقيب


,,, ولكم جزيل الشكر والتقدير ,,,



جملكم الله برضى الرحمن

[بوحارب]

تحداني الزمن

خلينا في نيوتن والزيادة

[تحداني]

تحداني الزمن

خلينا في نيوتن والزيادة

حاضر اصلا احنا مازلنا في صلب الموضوع اخي الفاضل
الآن بصدد وضع الخطط الجديده الي قاعده تديرها مديرتنا " ام السعف "
اتحب اتشارك معانه واتبيع في المقصف حق اليهال واتسوي لهم البارد والحار
ما عندنا مانع

ما نضمن لك الراتب .. واذا ما حصلت شي
اعتبرها لوجهه الله سبحانه وتعالى


يعني عملك راح يكون وقف ولا سبيل


جملك الله برضى الرحمن

[مرتبش]

صحيح مازلنا في صلب العملية التربوية

مثلا.. انا ابي ادرس عيالي ( في الابتدائية) ساينس وماث وانجلش
الانجلش مش مشكلة كبيرة لكني غير متخصص في اللغة
اما الساينس والماث فعادي ان شاء الله

شنو بيصير لو اضفت معاهم مجموعة من عيال الفريج ودرستهم مع بعض..اقلها اكون عارف شنو يدرسون

وهكذا لباقي المتطوعين ..شوية ترتيب والامور تمشي لا نص مليون ولا ربع ..بس نبي هابي ميل عقب الدرس خل اليهال يفرفشون

تحداني الزمن تبرعت مشكورة في التجربة التطوعية..

وننتظر الاقتراحات.. عندي اقتراح جديد تبون مجموعة تتطوع بجهودها عن طريق الانترنت؟ يعني نجهز مواد تعليمية ..ننشئ موقع تعليمي الكل يتبرع ببعض الوقت ويشتغل فيه؟ عندي لستة حليوة من المواقع التعليمية اللي جربتها ومجانية.. اشياء من هالقبيل


نبي ايجايبية ..الصراحة توني شارب كابتشينو والايجابية طاغية

[تحداني]

يا اخوي " مرتبش "

اي شي فيه مصلحه الطلاب من الــ كي جي 1 الين ما ودك فيه
انا تحت امركم الكترونيا ورقيا شخصيا استراتيجيا .. انا متطوعه وامام الملأ
وماابي غير ان النتائج تكون " ممتازه " وما اقبل اقل من ممتاز ..


عاد انت والمديره " ام السعف " تناقشوا في الخطوط العريضه
وانا الغلبانه خلوني مع الكتب والمناهج والطلاب

لا اتحاتي الاكل في الطريق ان شاء الله بيتبرع لنا واحد امشارك في العمليه التربويه ولكن من الناحيه الغذائيه هو الحين قاعد يفكر اشوي ومتردد يمكن قاعد يحسب ويجمع
بكلم قسم التموين الي على احساب الدوله يوفرون لنا الامور الاساسيه
والامور الي راح يضيفونها عشان ما ايحاتي وايد


وباقي الاكواب والاصحون بنشتريها من الرونق او من رامز
بس ما ادري اذا ضمن الشروط الصحيه ولا لا

عادي يب معاك اعيال الجيران
اعيال المنتخبين والمرشحين
وبندور اشخاص يدعونا .. المرشحين هالايام راح انركز عليهم
هم مستانسين فراح نحاول ناخذ منهم تبرعات

والله يا اخوي الدنيا فانيه
كلها يومين وكلنا بنموت على الاقل هالمجتمع يساهم في شي
مو بس ينتقد دون حلول


خبروني اول باول شيصير
مو اتخلوني مثل الاطرش في الزفه

الله يوفقنا كلنا عشان يطلعون اعيالهم من نيوتن
ويدخلون مدرستنا ابلاش


جملك الله برضى الرحمن

[بوحارب]

حاضر اصلا احنا مازلنا في صلب الموضوع اخي الفاضل
الآن بصدد وضع الخطط الجديده الي قاعده تديرها مديرتنا " ام السعف "
اتحب اتشارك معانه واتبيع في المقصف حق اليهال واتسوي لهم البارد والحار
ما عندنا مانع

ما نضمن لك الراتب .. واذا ما حصلت شي
اعتبرها لوجهه الله سبحانه وتعالى


يعني عملك راح يكون وقف ولا سبيل


جملك الله برضى الرحمن

اسف ماحب ازعاج البزران

عادي اسممهم بسبب السندراه

سؤال كم تكاليف الروضة مادري شتسمونه انتوا ؟؟

للسنه الكاملة !

[مرتبش]

شكرا لك تحداني الزمن.. بنشوف المطلوب ونعطيج خبر

ام السعف وين الخطط اليابانية؟ مانبي اللي تحت البلاطة .. اللي تحت البلاطة مالنا شغل فيهم .. اسهل امر هو توفير مواد وموارد تعليمية من النت..دروس ..افلام ..كتب ..مواقع تفاعلية

والعين ماتعلى على الحاجب

[ام السعف]

يا اخوي " مرتبش "

خبروني اول باول شيصير
مو اتخلوني مثل الاطرش في الزفه

الله يوفقنا كلنا عشان يطلعون اعيالهم من نيوتن
ويدخلون مدرستنا ابلاش


جملك الله برضى الرحمن

يالمرتبش ..............> المواد والدروس والقنوات التعليمية يا كثرها في النت
بنفتح قناة لتحداني صوت وصورة تعطي فيها دروس خاصة ،،
وبنحدد اوقات الحصص والأيام ،، واللي ييغيب ما يحضر معانا ،

ممنوع حضور اولياء الأمور