مدرسة نيوتن العالمية

[ام السعف]

صبحك الله بالخير اختي
ارشح لكي عن تجربه المدارس الهنديه
بنتي الله يحفظها أدخلتها المدرسه الهنديه
ماشاء الله عليها اكاديمياً واخلاقياً التزام
بمعنى الالتزام بس الدراسه صعبه ومافيها
يمه ارحميني بس انتم القطريين اعتقد الا
بموافقة المجلس الاعلى للتعليم .

ما عندي مشاكل ان كان هناك ضغط على الطالب ..........> افضل هالمدارس بشكل عام

بس سؤالي : في أي منطقة هالمدرسة ؟
هل هناك فصل مابين البنات والشباب في المرحلة الثانوية ؟
واذا كان هناك فصل : هل اللي يدرسون حريم والا رجال ؟
وليش موافقة المجلس الأعلى للتعليم للقطري ؟

[ummalaz]

ما عندي مشاكل ان كان هناك ضغط على الطالب ..........> افضل هالمدارس بشكل عام

بس سؤالي : في أي منطقة هالمدرسة ؟
هل هناك فصل مابين البنات والشباب في المرحلة الثانوية ؟
واذا كان هناك فصل : هل اللي يدرسون حريم والا رجال ؟
وليش موافقة المجلس الأعلى للتعليم للقطري ؟

مدرسة الدوحه الهنديه الحديثه بالقرب من محطة بترول ابو هامور
الجديده وفي نفس الاتجاه الهنديه المثاليه بعد اكاديمية الجزيره
خلف مدرسة قطر التقنيه .
الفصل يبداء من الصف الثالث الابتدائي جناح للبنات وجناح للأولاد
منفصلين تماماً داخل سور واحد .
بنتي تدرس في الصف الثالث الابتدائي كل مدرساتها حريم
يدرسون الانجليزيه بالطبع لغه رسميه وتختارين لغتين غيرها
نحن اخترنا العربيه والفرنسيه .
حصص العربي والشرعيه اربع مرات في الاسبوع والفرنسي مرتين
عندما احضرنا استمارة القبول كان مكتوب بها احضار موافقة من
المجلس الاعلى بالنسبه للطلبه القطريين ماعدا مرحلتي kg 1 و kg2
اعتقد اي قطري يود ادخال اولاده مدارس جاليات يطلب منه هذا الشئ
لو في اي استفسار انا في الخدمه

[P!nk@P!nk]

ما شاء الله بس للاسف وايد بعيده عن منطقتنا

[ام السعف]

جزاج الله كل خير يا ummalaz

ان شاءالله تكون لنا زيارة ميدانية مع عيالنا للمدرستين
ونشوف مدى تقبلهم للمدارس ،، ونستخير في الدعاء
واللي فيه الخير ربنا يقدمه ان شاءالله ،،

وان شاءالله ان استجد شي يحتاج الى استفسار راح اتواصل معاج ،،

[القطرية1]

لكل اللي عندهم أعيال في نيوتن
ايش رايكم فيها من حيث التعليم والناحية الأكاديمية
بنتي صار لها سنتين فيها روضه وتمهيدي
مواليد 2006
وللحين يادوب تكتب الحروف ومش بذاك الاتقان
شليتها من شهر ووديتها مدرسة ثانية
شفت نفس عمرها يعطونهم كلمات وبالفعل قدرت تقره كم كلمة
بس للأسف لاحظت ان مدرستها الجديدة امركزين على الكتابة والقراية دون اللعب
اما نيوتن فبلعكس امركزين على اللعب والعيال لا يعرفون يكتبون ولا يقرون
هذا الكلام بالنسبة لأطفال 2006
وش رايكم ياجماعة*

[القطرية1]

لكل اللي عندهم أعيال في نيوتن
ايش رايكم فيها من حيث التعليم والناحية الأكاديمية
بنتي صار لها سنتين فيها روضه وتمهيدي
مواليد 2006
وللحين يادوب تكتب الحروف ومش بذاك الاتقان
شليتها من شهر ووديتها مدرسة ثانية
شفت نفس عمرها يعطونهم كلمات وبالفعل قدرت تقره كم كلمة
بس للأسف لاحظت ان مدرستها الجديدة امركزين على الكتابة والقراية دون اللعب
اما نيوتن فبلعكس امركزين على اللعب والعيال لا يعرفون يكتبون ولا يقرون
هذا الكلام بالنسبة لأطفال 2006
وش رايكم ياجماعة*
من واقع تجربة بعد ما اعيالكم تعدوا المراحل الاولى
شكرًا لكم

[ام السعف]

القطرية

ولدي بدايته كانت في نيوتن ،، وهو من مواليد 2003
خلص الروضة وهو يعرف يكتب اسمه واسم ابوه
واخوانه ،، ويقرا كلمات كثيرة ،، وكان يكون جمل ،، فقلنا بيطلع فلتة
كانت مدرسته مس كرستن الأمريكية ،،

في التمهيدي : كانت مدرسته بريطانية ،، تعرف على الحروف واصواتها
وكان عنده دفتر خاص للحروف والكلمات ،، غير عن الأوراق ،،
بس مدرسته ما كانت نشيطة وحركية وهذارة مثل الأمريكية ولأن طبيعته
اساسا متراجعة ،، ويبي له دز علشان يتفاعل ،، تراجع في استخدام اللغة
وهالشي أثر عليه في الصف الأول ،، لدرجة انه خلص الصف الأول وهو
بعده في ليفل 3 في قراية القصص ،،

هالسنة اللي يدرسه رجل ،، للأمانة اني تركته هالسنة يواجه مصيره بروحه
من غير ما اخذه يوميا واركز عليه ونقعد معاه ونشرح له ،،

اشوفه تطور وااايد بفضل من الله،، وصل ليفل 6 في القراية و يقرا بشكل طلق

يعطونهم قصة : مطلوب منهم الكلمة اللي ما يعرفها يكتبها ويبحث عن معناها
يعطونهم 12 كلمة اسبوعيا مطلوب منهم يحطونها في جمل ،،

يكتب قصص قصيرة ،، يكتب عن نفسه ،، او عن صورة او عن لعبته
ما اقدر اظلم المدرسة لأني هالسنة مركزة عليه خارجيا اكثر من تركيزي على
المنهج المدرسي ،،

بس مبسوطة جدا انه يدرسه ريال .......> تغيرت شخصيته 180 درجة
فالحمد لله رب العالمين ،،

فإذا كان هناك تراجع في ولدي شخصيا احمل نفسي المسؤولية
لأن الأطفال في هالعمر محتاجين دعم الأهل بشكل كبير علشان التأسيس يكون
على قواعد سليمة ،،

[1HAMAD1]

اي والله صار بزنس شوف برتش كانسل

[معيوف]

بغظ النظر عن الرسوم ولدي صار له اسبوع غايب خبر خير سحبت ولدي وسجلته في مدرسه ثانيه لان من كثر الطلاب ما يعرفون يشوفون من او يفهمون من صدقوني يطلع الطالب من عندهم ميح وتمشي الايام و يقولون لك ادفع ويتصلون حق الرسوم ولكن استلمت ولدك او تاخر او ماحضر محد يسال والله على ما اقول شهيد

[ام السعف]

بغظ النظر عن الرسوم ولدي صار له اسبوع غايب خبر خير سحبت ولدي وسجلته في مدرسه ثانيه لان من كثر الطلاب ما يعرفون يشوفون من او يفهمون من صدقوني يطلع الطالب من عندهم ميح وتمشي الايام و يقولون لك ادفع ويتصلون حق الرسوم ولكن استلمت ولدك او تاخر او ماحضر محد يسال والله على ما اقول شهيد

في هذي اتفق معاك مليون في المية