الى المواطن القطري ... التجارة في قطر للمليونيرات فقط

[البدع]

تبي وكالة ... مش بوزك مابنخليك

تبي تستاجر محل ... ادفع ايجار 10 الاف وطالع... وراح نجلدك بالخلو (حتى لو المحل فاضي بتدفع لنا خلو)

تبي تفتح معصرة على البحر .... مش بوزك .. ترى احنا دخلنا لعبة المعاصر بعد

تبي تشتري ارض تستثمرها ... راح نخليك تدفع دم قلبك ... لاننا محوطين الاراضي ورافعين الاسعار .. ونضحك ونقول .. زاد الله من زاد ... هاهاهاها

حتى ارقام الجوالات .. رفعنا اسعارها ووصلنها ل 100 الف طالع .. بس اكراما منا .. خلينا لكم ارقام معفوسة شوي تكشخون عليها

اما اراقام السيارات .. فاحسن لك لاتقرب من الثلاثي ... وعلى العموم قررنا نغير الارقام عشان نحرق قلويكم

الى المواطن القطري

ماعندك غير الوظيفة والبورصة

لان التجارة في قطر لنا احنا بس

التوقيع:

هوامير قطر

[قطري طموح]

اخوي البدع انا احترمك واقدرك بس باسئلك من صجك كتبت هالكلام ؟
من فضلك لاتجعل من نفسك رجل مفلس فكريا ، هالكلام مابي اقول عنه غلط احتراما لشخصك فقط . ولكن اقولك كلامك يحتاج للتصويب هداك الله وياليت لو تطلب الغاء هالموضوع .

[قطري طموح]

اسمحلي هذا الموضوع يجب ان يتم الرد عليه لانه موضوع فيه تجني واستخفاف بعقول الاخرين ومافي داعي تكتبه في منتدى راقي مثل هذا المنتدى ولك اخوي البدع ولغيرك ردي باللون الاحمر .

تبي وكالة ... مش
بوزك مابنخليك

الوكاله بينك وبين الشركة الام او الشركة المنتجه وشدخل الهوامير فيك وفي الشركة الي من شانها تمنحك الوكاله ؟يبدو انك قليل خبره في الوكالات التجاريه ، انا شخصيا لدي وكالات ومسجله ولم يعترض طريقي احد فارجوك اما ان تصحح ماقلته وألا فان الحجه قائمه عليك .


تبي تستاجر محل ... ادفع ايجار 10 الاف وطالع... وراح نجلدك بالخلو (حتى لو المحل فاضي بتدفع لنا خلو)

هناك محلات بدون خلو ومافي داعي للمبالغه وهناك الكثير من المحلات يملكها هوامير واصحاب نفوذ ويتم تاجيرها بدون خلو وفي حدود الايجار الذي تحدثت عنه انت .

تبي تفتح معصرة على البحر .... مش بوزك .. ترى احنا دخلنا لعبة المعاصر بعد

اخوي البدع وين هي المعصره اللي على البحر ومن هم اصحاب لعبة المعاصر على البحر ؟من فضلك قلي وين هي المعاصر على البحر ؟

تبي تشتري ارض تستثمرها ... راح نخليك تدفع دم قلبك ... لاننا محوطين الاراضي ورافعين الاسعار .. ونضحك ونقول .. زاد الله من زاد ... هاهاهاها

الكلام هذه فضفاض وفاضي اسمحلي فالاراضي يملكها الهوامير وغير الهوامير والله العظيم ان هذا الموضوع حجته قائمه عليك مهما بررت

حتى ارقام الجوالات .. رفعنا اسعارها ووصلنها ل 100 الف طالع .. بس اكراما منا .. خلينا لكم ارقام معفوسة شوي تكشخون عليها

هل تعتبر ان تجار ارقام الجوالات من الهوامير ؟ اضحك الله سنك والله انا اعرف تجار ارقام جوالات مميزه وكل واحد حافي الله يعينك

اما اراقام السيارات .. فاحسن لك لاتقرب من الثلاثي ... وعلى العموم قررنا نغير الارقام عشان نحرق قلويكم

مره ثانيه اضحك الله سنك بصراحه مواضيعك اصبحت تحتاج منك الى وقفه وتامل قبل ان تكتبها .
الى المواطن القطري

ماعندك غير الوظيفة والبورصة

لان التجارة في قطر لنا احنا بس

اسمحلي اقولك ان اي شخص قطري كان او حتى مقيم يطمح لان يكون صاحب ثوره لن يعيقه احد خصوصا في بلادنا الحبيبه قطر .

التوقيع:

هوامير قطر

[البدع]

لاتزعل مني يقطري طموح

من ردك على موضوع المعصرة والأراضي والخلو

عرفت انك ماتعرف شي

وبالتوفيق اخوي *

[قطري طموح]

لاتزعل مني يقطري طموح

من ردك على موضوع المعصرة والأراضي والخلو

عرفت انك ماتعرف شي

وبالتوفيق اخوي *

لالا اخوي البدع من فضلك لاتكتفي بهذا القدر من الرد ارجو منك الرد الوافي وقلي عن مااصبت فيه ومااخطئت فيه .
ولك مني التحيه والتقدير .

[قطري طموح]

يالبدع في مثل يقول اذ انت تاكل التمر غيرك يعد الطعام و مشكلتك تعتقد ان الناس اغبياء ولن يتجراء احد على مناقشتك .اخوي كلامك اللي ذكرته محسوب عليك واتمنى ترد .

[eXpert*]

متابع

[محمد الجفيري]

بس اكراما منا .. خلينا لكم ارقام معفوسة شوي تكشخون عليها

هههههههه ضحكتني عالصبح .

ان شالله يا رب قريبا تكون مليونير ..

الله يوفقك ياااا رب

[sahari]

[/color][/size]

اخوي البدع انا احترمك واقدرك بس باسئلك من صجك كتبت هالكلام ؟
من فضلك لاتجعل من نفسك رجل مفلس فكريا ، هالكلام مابي اقول عنه غلط احتراما لشخصك فقط . ولكن اقولك كلامك يحتاج للتصويب هداك الله وياليت لو تطلب الغاء هالموضوع .

الكلام مب للهوامير

ليش ترد وانت هامور

[قطري طموح]

[/color][/size]

الكلام مب للهوامير

ليش ترد وانت هامور

تبارك الرحمن عليك وشلون عرفت اني هامور ؟