الى المواطن القطري ... التجارة في قطر للمليونيرات فقط

[مبرمج QA]

العضو "قطري طموح " ... داش حرب ...
العضو " البدع" قال رأيه بشكل فكاهي قريب من الواقع ...
ممكن تصحح له وفعلا بعض نقاطك جميله وصحيحه وممكن يكون كلامه أيضا يكون صحيح ... أما تقول له انا خصيمك وخصيمك وخصيمك .. اشجدعوه يا خوي الموضوع ما يستاهل...

[معيوف]

تبي وكالة ... مش بوزك مابنخليك

مثل هذي المواضيع معقده وايد واي محلة تبي تفتحه لازم عندك في رصيدك 100 الف ريال مجمده لاي طارئ

تبي تستاجر محل ... ادفع ايجار 10 الاف وطالع... وراح نجلدك بالخلو (حتى لو المحل فاضي بتدفع لنا خلو)

شنسوي

تبي تفتح معصرة على البحر .... مش بوزك .. ترى احنا دخلنا لعبة المعاصر بعد

قول مغسله سجل تجاري للمغاسل الناس ذبحه على مغاسل السيارات ومافيه مغاسل وصارت المغاسل تغسل بسرعة وصارت تغسل بس السيارة النظيفة يعني تيي من سيلين ولا من غيره محد يغسل لك روح غسل في البيت بعدين يغسلون سيارتك ماتبي كيفك شوف مغسله ثانيه اذا حصلت المغاسل الي في الغرفه كنسولهم ولا فيه بديل

تبي تشتري ارض تستثمرها ... راح نخليك تدفع دم قلبك ... لاننا محوطين الاراضي ورافعين الاسعار .. ونضحك ونقول .. زاد الله من زاد ... هاهاهاها

هذي شوي يمكن على بعض الاماكن وتقدر تشتري مكان ثاني على قدك

حتى ارقام الجوالات .. رفعنا اسعارها ووصلنها ل 100 الف طالع .. بس اكراما منا .. خلينا لكم ارقام معفوسة شوي تكشخون عليها

اذا مب قد الارقام لاتشتريها لانها اصلا مب ضروريه وغير مهمه فشخره زايده

اما اراقام السيارات .. فاحسن لك لاتقرب من الثلاثي ... وعلى العموم قررنا نغير الارقام عشان نحرق قلويكم

نفس الموضوع الشرطي الي بيتغربل اذا يبي يسجل رقمك ليش تحط له رقم سهل بعد خله يبحلق عينه لين يسجل الرقم

الى المواطن القطري

ماعندك غير الوظيفة والبورصة

البورصة وين ياحسره راحت كلوها

لان التجارة في قطر لنا احنا بس

التوقيع:

هوامير قطر

ونت صاج اللتجاره لاهل غرفة التجاره

[سهام]

يعطيك العافيه البدع وفعلا انك انت قطري مادامك عشت مأساتنا ...صار لي كم سنه اركض على مشروع وماانفتح هالمشروع الا لغيرنا من الي قطر لهم .. تحياتي

[مساهمة بسFresh]

ياخوي تصدق اني حبيتك تعرف ليش ؟
لانك خليتني هامور بالغصب .

الله يسمع منك واصير هامور ولا يشمت فينا ولا فيك عذول قول امين بس .
اللهم لاشماته .

اي حد يعارض الشكاوى حتى لو كانت غلط في غلط يسوونه هامور هنيه

[الـخـور]

لو بس الاراضي والفلل تنزل اسعارها تنحل باقي المشاكل كلها

لو رجعنا بالزمن يمكن 10 سنوات كان الواحد 500 الف يقدر يجيب بها بيت بالدوحة
والاجارات 4000 او 5000 يعني بحدود المعقول للفلا

والموظف السنير ياخذ راتب بحدود 14 الف في ذيج الفتره

الان صحيح الموظف السنير وصل دبل يمكن ياخذ 25 الف

لكن للاسف الفللل ماتدبلت من 500 الى مليون

بل تضاعفت يمكن 4 او حتى 10 مرات

لهذا الي تلاحق على عمره بالاراضي ايام الرخص يعتبر الان هامور ومثل هالموضوع ماياثر عليه ويشوف ان الاسعار معقوله

لان دخله اصبح يوازي اسعار الاراضي وقادر عليها واعتماده مش من راتب الحكومه ولكن من مدخوله الثانوي