..[ التمشـية في قطر ]..

[فيزيائية]

بالشتا
واااااااااايد اماكن للتمشية
مرورا بالكورنيش كتارا اسباير زون وصولا الى حدايقنا
البر والكشتات الزينة ....
الصيف ...
للاسف غير البحر مافيه وشاليهات عائلية ومحترمة ونظيفة قليلة
اما عن المجمعات ظوال السنة ابتعدوا عن الويكند واختاروا وقت النهار
تكون خالية من الزحمة والمناظر الشينة...
ويابخت اللي عنده زرع او عنه او شاليه ....

[boamir]

والله حاليا صيييف
وإلي يفكر يطلع تمشايه ولا قعده بيتحسف
بالنسبه لنا حنا الشباب حلااته نجتمع كلنا بميلس واحد من الربع
ولا اقعد بالبيت

وشوارع الدوحه بعد ماتساعد على التمشايه ياما زحمه او طريق ملخلخ لين ماتقول بس
ماعندك غير الكورنيش وكله دوريات<<صوت الجمس عالي وخاايف من الدوريات هع

[QATAR2011]

أحسن مكان بالنسبة لي البحر
بس وين نحصل مكان يناسب العوايل في الويكند
الأسيوين غزو حتى البحر مانقدر نقعد فيه وخاصة الحريم خاطري أأأأأأأأأأطب في البحر ،،،،، واذا مب اسيويين شباب.. مانبي شاليهات لأنها مكشوفه وماتصلح للعوايل غير الحريه الزايدة اللي هناك الله يهدي بعض البنات.. تهقون اذا رحنا عالبحر صوب بوسمره يكلبشونا؟؟؟؟؟؟؟

[بيانو]

إن كان الجو كويس

أضرب الخط وســــيداه ------------------- على الشمال الغاريه
بالنسبه لى أحلى مكان فى قطر ارتاح إليه

وإن كان الجو مثل هذه الأيام
أفضل مكان بيكون البيت والكنبه والتلفزون ( وبطيخه صاقعه )

[بـــــــنت النوخـّــــذه]

بصراحه احلى مكان ارتاح له راحه مابعدها هو بحر فويرط والله هالمكان عجيب بس استغفر الله خربوه خربوه خربوه بشسمهم لابحر لابر لاجو متواجدين بكل مكان ذيلن اههههههه

بس جد البحر هذا منظره وريحته والسباحه فيه غريب غريب بس عاد كان يامكان

واتمنى اتمنى الدوله ترجع هالبحر لاهل قطر بدل احتلال الاجانب بمناظرهم الخليعه له اليهال يصيحون يبون يروحون البحر يتسبحون

اختي موضوعج وايد حلو عجبني وحلو نذكر الاماكن ونذكر معها المطلوب من المسؤولين عشان نسعد جميعا" برحله سعيده خاليه من الشوائب

[انا حره]

لارحنا المجمعات ماناخذ راحتنا

اغلب المطاعم مكشووفه

الكورنيش حر

كتارا<<<<لاتعليق

الؤلؤه حلووه بس بعد حر

فنادق مانقدر نستغلها مثل الدول الثانيه


الي عنده اماكن نقدر نقول عنها عائليه ياليت الواحد يقوولنا

حتى البزران نوديهم للالعاب زحمه

[بوحارب]

قطر كل شي فيها حلو وكل مكان حلو

بس لازم الواحد يصير قنوع بالموجود !

مثلا اليوم جدولنا سباحة في بحر الغارية

بتكون احلى طلعة أن شاء الله ^^

[التيما]

ماحب اطلع للاسف من البيت .. وان شاء الله تحصلين اللي تبين *

[Grnas]

أفضل مكان للتجمع والأكل والشرب ( واحتساء ) الكرك

- كافتيريا النعيمي -

هههه انتر ميلان .. هو يقصد مكان للتجمع العائلي

والرجال المجلس ابرك لهم من الجلوس في الكوفي (( و مشاهده شوفات الناس )) كل رايحه و كل جايه

مجلس في وجيه طيبة وناس ما تعقر ودوم فيه ذكر الله وكلن محترم الثاني من أفضل الأماكن الناس تقعد فيها

[قطرية فذة]

شفيه كتارا؟؟؟؟

مكان جداً هادي والناس بحالهم

استغرب من ردود الاعضاء وكان المكان فيه شي

اذا فيه شي خبروني