قص المعدة عند ................ ؟

[مرتبش]

أنا سويتها عند عبدالعظيم من شهور ووالله من يومها ان العافية والصحة في صوب وانا في صوب ولا زلت مريضة واعااااني فنصيحة لحد يرووووووووووح عند عبدالعظيم

سلامتج..ماتشوفين شر

ممكن توضحين لنا طبيعة المشاكل اللي تواجهينها.. لاني بصراحة اشوف الردود للموضوع متنوعة بعضها يمدح وبعضها يذم يا في العملية بحد ذاتها او الدكتور..

شالفايدة من العملية مثلا لو ان الشخص بيستمر عقبها على رجيم سوائل لمدة كم شهر

يعطيج العافية

[V!P]

السلام عليكم

لوسمحتوا اللي سوو تكميم او تحويل مسار

شصار عليكم

وبخصوص الجلد هل ترهل

اهم شي الجلد يترهل ولا اشلون شديتوه ؟؟؟

[ريتويت]

من تجربه شخصيه.. انا سويت ربط معده تقريبا من سنتين ونص كان وزني 90 الحين صرت بين ال59 واحيانا 70 علي حسب الطول والعظم يوزن.. واشكره جزيل الشكر دكتور عبدالعظيم .. جزاه الله الف خير ماصادتني عواقب ولا الام والبنج ولله الحمد مب صعب ابدا .. دفعت 30 الف كامل شامل الاقامه فالمستشفي الاهلي.. والحين انا حياتي تغيرت تماما وصحتي ونظام اكلي.. يعني فاليوم مثلا مايتعدي اكلي اكثر من 5 ملاعق عيش والباقي عصاير وماي.. اهم شي الصحه والشكل العام راضيه عنه مليووووون٪ والحمدلله اني قمت بالسلامه

[حمود قطر]

نصيحتي لج

اتسوينها عند الدكتور / محمد العمادي لأنه معتمد من قبل البروفيسور الفرنسي الزائر

والدكتور عبدالعظيم عنده حالات فشل كثيره في عمليات الربط و القص للمعده

على فكرة .. اخوي من شهر مسوي العمليه عند العمادي والأمور كلها طيبه

[مكين]

اذا لابد من العملية

سوي عند ميشيل جونييه

مافي أحسن منه

[V!P]

انا خذيت موعد مع الدكتور ميشيل

بس انا سؤالي عن ترهل الجلد بعد العمليه

من ترهل عنده الجلد وشلون تصرف

او شاف حد مسويها اشلون صحته

[naif3]

انا خذيت موعد مع الدكتور ميشيل

بس انا سؤالي عن ترهل الجلد بعد العمليه

من ترهل عنده الجلد وشلون تصرف

او شاف حد مسويها اشلون صحته

بالتوفيق ياخوي وانا بعد عند الدكتور مشيل بس للحين ماعطوني موعد ويش السالفه بعد لازم واسطه