زيادة اعتمادات الإسكان...صح النوم، وين وصل موضوع مواطني الدرجة الثانية!

[أبو عبدالعزيز]

الخبر معلن اليوم في الجرايد، مع تصريح السيد/ عبد الله عجاج الكبيسي الوكيل المساعد لشؤون الإسكان بوزارة الشؤون الاجتماعية...
ولسان حال آلاف المواطنين يقول له: صح النوم.. متى بتنصفوا مواطني الدرجة الثانية بشأن موضوع الأرض والقرض؟

[يراعٌ فراتي]

مواطنوا درجة ثانية ..؟
قصدك اخي بو عبد العزيز المتجنسين .؟
الله يرزق جميع المسلمين

[سهيل قطر]

الله يسهل عليكم وعلينا أمورنا في الدنيا والاخره

[OREO]

المواطن ماله درجات ،، قصدك يمكن القطري بالتجنس اخوي ابوعبدالعزيز

[سهم ماينزل]

الله يرزق الجميع

الاب يمكن احسبه بالتجنس
لكن العيال لا لانهم مواليد قطر المفروض غير

[المناعي QTR]

بيض الله وجهك يالكبيسي

اذا عطو كل المجنسين وش خلو حق هالقطر

[سهم ماينزل]

بيض الله وجهك يالكبيسي

اذا عطو كل المجنسين وش خلو حق هالقطر

يالمناعي لو العطايا من الكبيسي ماحد طلبها

وهم عيالهم مايعرفون الا قطر وتربوا في قطر وتناسبوا ومايعرفون الا قطر وولائهم لقطر

وفي كل الأحول أبومشعل الله يحفظه مب مقصر والكرم مخلف له من يد وعد مهما كان ومش مقياس الوطنيه بأرض ولا من غير أرض جيل يتربى على حب الوطن وطاعة ولي الأمر هذا المهم

[خليفـة]

بيض الله وجهك يالكبيسي

اذا عطو كل المجنسين وش خلو حق هالقطر

يعني انت الحين تعد نفسك مواطن أصلي
وتشوف غيرك مواطن تغليد ؟

ترى يمكن هالشخص الي انت حاقرة موجود في قطر قبل لا تطلع للدنيا يالمناعي

اترك عنك الغرور والكِبر .. وتمنى لأخوانك الخير مثل ما تتمناه لنفسك
او
خلك ساكت والعن الشيطان

خليفـة
( أبشرك .. مواطن أصلي )

[حيهور]

شووووو أوف


زيادة في ميزانية الاسكان الي راح ترجع لهم مع الربح


وطبعا الناس الي تقرا في بالها ان القرض هبه


ومايدرون ان معظم المقدمين للسكن مايقدرون يستفيدون من القرض لان الحكومة ماتوفر له ارض وسعر الاراضي بلغت اكثر من قيمة قرض الدوله



والله المستعان

[ام-سعود]

الله يرزق الجميع

الاب يمكن احسبه بالتجنس
لكن العيال لا لانهم مواليد قطر المفروض غير

لا اخوي غلطان .. الاب بالتجنس والعيال محسبونين بالتجنس بعد .. متأكددددددددة
لهم قرض بس ما لهم ارض .. وللحين مب قادرين يشترون بيت فخلوا القرض عند الاسكان يمكن يتدبل