[/SIZE]
بسم الله الرحمن الرحيم
السلام عليكم ورحمة الله وبركاته
للدخول الى مسابقة الشوربة الشهية I♥SOUP اضغط ع الصورة اعلاه
السموحه عالتاخير..
حبيت اشارككم هالمره بطبق بحري بحت
وسويت لكم شوربة بحريه.. من تأليف الوالده الله يحفظها
نبدا اول شي بالمكونات..
كيلو ربيان وخثاق وصقوع وباقي الجنود البحرية ماعرف اساميهم كلها تكون مع بعض (مأكولات بحريه)
جزره مقطعه قطع صغار
بصله مفرومه
كرفس مقطع قطع صغار
ملح
زبدة
فلفل اسود
فنجان زيت
ملعقتين طحين
ربع كوب ليمون
مكعب ماجي
كوبين ونص كريمة ميلاك وكوب ونص حليب مراعي
مشروم مقطع
السعرات الحرارية: Loading
الطريقة:
اول شي نغسل الربيان وننظفه ونغسل الماكولات البحريه الباقيه وننقعهم في خل وملح ربع ساعه ونغسلهم
انا غسلتهم اكثر من مره عشان تروح ريحة الزفر
وعقب نفوحهم في ماي وفلفل اسود
الحين.. نحمس البصل في الزبده
ونحط فوقه الربيان ونقلبه
وعقب الماكولات البحريه ونقلبهم
وعقب نحط الجزر والمشروم ونقلبهم
الحين نحط الماجي فوقه ونقلبه
ونحط الكرفس
نخليه على نار هاديه لين يستوي
طبعا هني انا زدت باقي الماكولات البحريه.، لان ماكنت ابي احطهم لين ابوي شار علي احطهم خخخ ورجعت نظفتهم وغسلتهم ونقعتهم في خل وملح ورديت حطيته مع الخليط
الحين نسخن الزيت ونحط فوقه الطحين يتحمر شوي
ونكت فوقه الكريمه والحليب ونمزجهم مع بعض
عقب ناخذ الخليط السابق ونضيفه للكريمه ونقلبه
نرش شوي ملح وفلفل اسود.. وقبل نطفي النار عالشوربه نحط الليمون
ونزين الشوربه بالبقدونس..
وانتهينا