نبي تجارب فعلية لإزالة حب الشباب من الوجه ... اللي جرب يدخل

[بـن عدوان]

السلام عليكم ورحمة الله وبركاته


صباحكم خير >> مواصل

شباب وبنات

رجال ونساء

طبعا اكيد وايد منكم يشتكي من الحبوب اللي تظهر في الويه وخصوصا الخشم

وبعدين يعني شالحل معاها

انا في ويهي في حبوب بس ماتنبان واطلعها بأظافري >> شعور عجيب

بس لين متى ؟؟؟ !!

فــ الله يخليكم .. اللي كانت هالمشكلة موجودة عنده وحلها يفيدنا بارك الله فيكم

نبي تجارب فعلية مب منقولة

مانبي حط قشور بصل يوم كامل او فلان قال

يلا اللي جرب ونجحت تجربته يحطها هني

وتفضلوا بقبول فائق الاحترام والتقدير ،،،

بـن عدوان
المدير العام

مدير وشو مادري بس المهم مدير

[الوان]

غسل الوجه بمنظف خاص للوجه
خل عندك على طول كريم مضاد حيوي (بو اسد ) اظن اسمه فيوسين او فيوسيد ،، المهم اول ما تحس ان بتظهر لك حبه حط عليها من الكريم و خلاص و لا اتشوفها بعد ..

[pure]

اخطر شي تسويه لويهك انك تشيل الحب بيدك

صدقني اخوي مب زين عقب بيتم ويهك محفر او فيه اثار !

البشرات تختلف بطبيعتها وتركيبتها وشلون تتفاعل مع الادويه

فالاشيا اللي نفعت ويا غيرك مب ضروري تنفع وياك

فـ اسلم واحسن شي تسويه انك تروح لدكتور جلدية مره او مرتين وان شاءالله تنحل مشكلتك ,,

عندك عيادة عايدةة الصالح
وعيادة ابو حلاوة

ومووفق

[بصمة قطرية]

اخطر شي تسويه لويهك انك تشيل الحب بيدك

صدقني اخوي مب زين عقب بيتم ويهك محفر او فيه اثار !

البشرات تختلف بطبيعتها وتركيبتها وشلون تتفاعل مع الادويه

فالاشيا اللي نفعت ويا غيرك مب ضروري تنفع وياك

فـ اسلم واحسن شي تسويه انك تروح لدكتور جلدية مره او مرتين وان شاءالله تنحل مشكلتك ,,

عندك عيادة عايدةة الصالح
وعيادة ابو حلاوة

ومووفق

داخله ابي اكتب نفس هالكلام ..
تحمل تحاول تشيلها بيدك الاثر ما راح يروح ..
اذا كانت بشرتك دهنية استخدم صابونة بيبي جونسون البيضة مالت اليهال
بتنشف الحبوب على طول

يفضل تروح لدكتور
وبصراحة وعن تجربة مني ومن غيري
الدكتور بهيج الحتلة ..
ممتاز

[لوردغاليري]

اخوي سو جلسة الفراكسل عند حسن العبدالله اوتقشير احماض الفواكه
وراح تدعيلي

[تحداني]

اذا تعدى عمرك الــ 18 ومازالت الحبوب موجوده لازم تراجع طبيب جلد
انا ارشح : د . فهد الباكر .. د . بدريه المحمود
وعلاج حب الشباب انواع .. منها بالاكريمات وتجيب نتيجه
ومنها بالحبوب الي تاكلها 6 اشهر " الريكوتين " هاذي تمتص كل الدهون
واطلع حب الشباب من الجسم نهائيا

مثل ما وصوك الخوات تحمل باليد
لان ان كانت الحبوب بشعه .. فالأثر أكثر بشاعه

لا تستخدم شي من الصيدليات
او من الجمعيه .. ولازم تستعمل كريمات وصابون طبي


جملك الله برضى الرحمن

[الخـود]

انا ما فادني الا حبوب ( الريكوتان ) 6 شهور بس صج ارتحت من الحرار ..
واستخدم صابون من الصيدلية مثل الجل اعتقد اسمه avene
هذي صورته

احسن من نيتروجين
وبسسسسسسسس

[Dawn]

حب الشباب سببه صغر المسامات ، الدهون تتجمع تحت الجلد ،، الحل بسيط جدا : حمام بخار كل اسبوعين مره .. جهاز البخار رخيص بتلقاه ب 70 ريال في محلات متخصصه مثل النزيه .. هذا ارخص وافضل حل لحب الشباب وآثارها .. وأأمن حل لان مافيه كيماويات فقط تعريض الوجه للبخار مدة 10 دقايق ( ممكن تسوي سكرب مره واحده او حتى مرتين في الشهر ) لا تاخذ السكرب الماركات خذ شي من الصيدليه افضل ،، فيه سويس فورميولا او بعض الصيدليات عندها كلارنس وحرك بشكل دائري وقت تعرض الوجه للبخار في اخر دقيقتين وتجنب منطقة حول العين .. وبعدها اغسل الوجه بماء بارد او امسحه بماء الورد حتى لا تطلع مسامات في الوجه .. ( هالنظام مجرب على فكره وفادني اكثر من الدكاتره ) وفايدته للحبوب واثارها ..

على فكره حب الشباب دليل على المناعه القويه للجسم ... بالتوفيق ان شا الله

[كازانوفا]

المهم قبل عمل حمام البخار للبشره لازم غسل البشره مرتين بصابون مخصص للبشره الدهنيه لان باين على كلامك ان بشرتك باستمرار فيها حبوب وهاي اكبر دليل انها دهنيه لذلك اشتري صابون مخصص للبشره الدهنيه واغسله كويس وبعدين حمام البخار وانتبه وانت اتشيل الحبه من وجهك لا تحاول اتشيلها من اول مره لانه ممكن اتموت الخلايا اللى حواليهاا وتترك اثر ما يروح نهائياااا
وبالتوفيق ان شالله

[STAR]

يالمدير اذا بتوظفنا بنعلمك الحل (=