للاسف هذا الي حاصل في شركات الوساطه

[قناص الاسهم]

السلام عليكم
يا اخوان احنا نعاني من مشكلة مكاتب الوساطه الله لا يحييهم كلهم بسبب تاخير طلبات البيع او الشراء عن الشخص العادي وتقديم طلبات بيع او شراء الناس الكباريه المعروفه( التماسيح) ولكن انا عندي طريقه وجربتها وتبون الصج مشت وياهم بنسبة 99.99%
الطريقه كالتالي:لو كل واحد ضبط اموره مع اي واحد من العاملين في اي شركة وساطه وكون له علاقه طيبه وبعدها بفتره وجيزه يعطيه كاش في وجهه: ( يا زلمه) عفوا... يا فلان اش رايك من اليوم ورايح انا ما راح ابيع ولا اشتري الا عن طريقك مكتبكم وعن طريقك انت بالذات ؟
الزلمه...اسف مره ثانيه الاخ طبعا بيقول له : يا سيدي حياك الله احنا لكان لشون كاعدين هون؟؟ (كاعدين = قاعدين).... المهم يرد المستثمر عليه ويقول له : انا ابيك انت الي تخلص لي معاملاتي وطلباتي كلها وفالك طيب وابشر بالحلاوه الزينه ويكون احسن لو يكون هالكلام كله في مطعم بيروت ويطلب له مكس عليه حبة زياده...
طبعا اخونا الموظف في البدايه بيسوق دور الشرف والامانه وبعدها بثواني تلاقيه لا شعوريا واوتوماتيكيا قال لك: طيب قد ايش رقم جوالك ومن ايمتى بدك تشتري وتبيع ؟
وهنيه تكون انت ضامن ان طلبك يروح ويجي بكل سلاسه وسهوله واخوانا الباقين الله يكون بعونهم ويصبرهم على رنة تلفونات الشركات الي محد يرد عليها من غير استثناء
وعلى فكره هالطريقه حاصله مع كل شركات الوساطه من تحت لين تحت صدقوني
لكم مني اجمل تحيه
ملاحظه اخيره : اسأل مجرب ولا تسأل طبيب

[رحال]

أشاركك الرأي ولكن الشكوى لغير الله مذله لأن العملية لا تتحقق الى اذا وجد الظمير في زمن غاب عنه ذلك !!!

[الشرقية]

كلامك مافي شك ابدا لان الكل شايف وعارف

بس ترى الاجانب الذي يعملون في مكاتب الواساطة مايهمهم اخسرت البشر والا ضعف اقتصاد الدولة اهم شئ انه يرجع لضيعها والقرية الي جاء منها باموال المسكين يعني اهم شئ تعطيني .


اذا كان عليهم مراقبة يلعبون اشلون بدون رقيب .... الله سبحانه الرقيب يهد حيلهم زي ما هدو حيل المسكين ايش قال vip قال والله النصب والطرق الجديدة ولي على الاقل رد على الفقير الى جاء يترزق بالحلال




ها ولا لا ............... هذا كلمتهم طبعا

[راعي البورصه]

أشاركك الرأي

[الرمز]

اخي قناص الاسهم

هذا انت قلت بالدليل القاطع بان العيب فينا ( اذا واحد يعطي وواحد مايعطي) اكيد سوف يراعي الذي يعطيه حتى لو كان عن طريق المجامله للي اكرمه .

[فلان]

الحل الوحيييييييييييد لهذه المشكلة هو التداول عن طريق الانترنت وتغير سيستم البورصة العقيم اللي موديله سنة 1920

[jokar_502]

السلام عليكم ورحمه الله وبركاته

يعطيك العافيه اخوي القناص بس ابي انبهك لشي يمكن انت ناسيه الحلاوه هذه الي بتعطيه
هل هي حلال او حرام صح انه طلباتك بتنفذ وابسرعه بس فكرت انه النسبه او الحلاوه هذه
الي عطيته حلال "" رشوه "" انا اتمنى من سوق الدوحه للاوراق الماليه يسوون قسم مراقبه
على جميع شركات الوساطه هذه علشان الاستقلال هذا وانا انصحك اخوي القناص فكر قبل
لا اتسوي اي شي هل هذه الحركه جيده وثاني شي انت تنصح الاخوان في المنتدى بطريقه
فيها حرام وانت اكبر من هذا الشي . اخوي الغالي ياليت اتعدل موضوعك ونصيحه مني لك .

تحياتي : .................................................. .................................................

[miss meme]

السلام عليكم اخواني

والله سبقتني يا جوكر502

وانا اهنيك على وعيك

لانها حصلت معاي ورفضت وغيرت الشركة

لان بعد رفضي وتوضيحي للموظف الدي حاول يفهمني بطريق غير مباشر بان هدا المطلوب

صار تعامله غير

وعيني عينك هدا الي حاصل

بس لو اخسر الكثير ما اعطيهم الرشوة المغطاة باسم الاكرامية ولا تنزل علي لعنة الله ورسوله

لان اي شي تدفعه انت قصدك من وراها ان امورك تتيسر على حساب غيرك تعتبر رشوة

ولعن الله الراشي والمرتشي وسامحوني على الاطالة


بس الي ياخد دوري بفلوسه الله يتكفل به

[قناص الاسهم]

تسلم اخوي الغالي الجوكر على نصيحتك الغاليه وكثر الله امثالك والله يصلح حالنا جميع انشالله

[مالك امـــــــــل]

يعطيك الف عافيه اخوي قناص وانشاء الله انشوف مواضيع هل الحلوه دوم وانا معاك والله الاسهم مستويه لعبه لكن الله كريم