آليه نقل الاسهم

**راعي البورصه** · 26-04-2005 04:09 PM

أيش الآليه لنقل اسهم من شخص الى آخر في شركه ناقلات او أي شركه أخرى مع العلم أن النقل لأقارب من الدرجه الأولى أي الأخ _الأخت _الزوج

**relaax** · 26-04-2005 05:16 PM

اخوي .. اذا اتعرف حد تثق فيه في شركة الوساطة اللي اتعامل معها .. هو يقوم بعرض الاسهم اللي ترغب في تحويلها .. وبعدين يرجع يشتريها لك ... لازم اتكون عندك سيولة عشان تحطها في حسابك فالشركة .. عشان عملية البيع والشراء .. وفالنهاية المبلغ اللي دفعته في فالشراء بيرجع لك ...

**المراقب** · 26-04-2005 06:12 PM

العملية سهلة جدا في إدارة الشؤون القانونية في السوق الطابق الأول,

يعطوك كل المعلومات.

**عليان** · 26-04-2005 06:14 PM

الطابق الثاني , عفواً أخي

**راعي البورصه** · 27-04-2005 07:44 AM

مــشــكــور اخــوي

**qshark** · 27-04-2005 07:48 AM

ترو لهم الطابق الثاني ومعاك البطاقات الشخصية ، والمتنازل لازم يحضر شخصياً إلا إذا كان المتنازل إبنه أو إبنته وكانت دون 18 سنه ، يحتاج إذن قاضي القاصرين بالبيع والشراء لأبنائه .

**jajassim** · 27-04-2005 08:02 AM

qshark

وماهي اجراءات لاخذ إذن قاضي القاصرين وشكرا

**qshark** · 27-04-2005 08:37 AM

شلون اكتتبت لهم من البداية ، عالعموم تروح لهم ( مقرهم جنب وكالة الرنج - مبنى الفردان في السد - الباب من الخلف ) تروح أظن الدور الثالث ، بس لا تنسى تاخذ معاك صور جوازاتهم ، أو صور شهادات الميلاد اذا ما عندهم ، وبيعطونك طلب تعبيه وتدش على طول عالقاضي ويكتب الحكم ويدش الطباعة ، اذا رحت من صباح الله خير ، يمكن تخلص في نفس اليوم . بس نصيحة اتصل على ادارة التركات وشوؤن القاصرين قبل لأنهم كل شوي يغيرون الاجراءات !!!! أصلها سايبة على قولة المصريين !!!!!!!!!

**jajassim** · 27-04-2005 09:46 AM

qshark

اشكرك على اهتمامكم ، بالنسبة للاكتتاب تقدمت بطلب اكتتاب للعيال في ( الوطني ) فقط طلبوا مني نسخة من البطاقة الشخصية و نسخة من شهادة الميلاد دون اى اجراءات أخرى
مع أطيب التحيات

الموضوع: آليه نقل الاسهم

أدوات الموضوع

عرض

آليه نقل الاسهم

ضوابط المشاركة