-
ما خاب من استشار ( ابي رايكم )
السلام عليكم
لقيت قطعة أرض تجارية
30 متر في 20 متر
عليها رخصة محلات .. وشقق 7 ادوار
سعرها 154 الف درهم اماراتي
في منطقة ام القيوين
شرايكم ؟؟
-
مؤسس
والله ياخوي يفداك الكذب مالي خبره في عقارات الامارات ولا ام القيوين
لكن اللي اشوفه ان هالـ150 الف ريال
تاخذ لك فيها 38000 سهم في أملاك للتمويل ببورصة دبي
وايد ابرك واربح
وافك لك من عوار الراس والايجارات
مجرد وجهة نظر
يعني لو انا مكانك كان خذت في هالمبلغ اسهم اعمار او املاك
فإن كتبنا عن عطايـاك يـا سيـد العطايـا
. . . . . . . مزبن اللي ضامه الوقت واضنته المجاعـه
وان كتبنا عن مزايـاك يـا كثـر المزايـا
. . . . . . . يكفي ان النور منّك مـلا الدنيـا شعاعـه
ياوطنـا والله انّـا علـى صـدق النوايـا
. . . . . . . من تقوت لك ذراعه .. كسرنا لـه ذراعـه
دام حبك فـي دمانـا .. ويلعـب بالحنايـا
. . . . . . . والله ان تبقى على عز .. وامجاد .. و مناعه
قالوا انّا كفو .. قلنـا علـى روس البرايـا
. . . . . . كفو .. نعرف نقطع الراس لا حان انقطاعه
ياوطن حييـت بالخيـر بعيـون الصبايـا
. . . . . . . ما بعد عزتـك عـزة ولا بعـدك رفاعـه
-
اف خطيره والله عليها رخصة 7 ادوار بالقيمه البسيطه
انصحك لاتفوتها والعقار بنظري احسن من الاسهم
-
اخوي انتعاش
مشكور على ابداء الرأي
رايك حلو .. بس ياخي بورصة دبي تخّوف شوي
بالنسبة لسهم اعمار .. أخبره كان في الــ 60 درهم .. روح شوف سعره الحين اعتقد 7 دراهم
انا بالنسبة لي احب العقار اكثر من الأسهم .. بس ما عندي خلفية عن منطقة ام القيوين بالضبط وعشان جذي حبيت آخذ مشورتكم
مشكور مره ثانية اخوي
-
Qatar Moon
يا هلا فيج اختي
اما خطيرة .. خطيرة بس المكان بعيد
يعني يبيلها تفكير شوي
ونظرتي مثل نظرتج .. العقار احسن من الأسهم
على قولة الوالد الله يرحمه
الأرض ما تبي لا أكل ولا ماي
ويا هلااا
ننتظر آراء الآخرين إن كانت هناك آراء
-
صج قهرتني بعد في ايش تفكر يا اخي
هي حتى لو بعيده اشوفها لقطه لان ممكن في اي لحظه ترتفع المنطقه وبعد سنه ممكن تجيبلك خير
توكل على الله وخذها
ولو ماتبغيها مررها علينا ولو ان ماعندي الحين سيوله بس بخلي حد من الاهل ياخذها
-
ههههههههههه
ولا يهمج اختي
اعتبريها من صوبج
على فكره الريال اللي قال لي .. قال ان المعروض للبيع 20 قطعه ..
في بعضهم بسعر 170 الف درهم لأنهم على زاوية
بكلمة بكره وبجيب لكم الأخبار اذا بقى منهم شي
-
هذا مخطط الأراضي
المعروض للبيع
بلوك رقم 3 بلوك رقم 7 بلوك رقم 10 بلوك رقم 12
وتصحيح .. الرخصة سكني تجاري ارضي + 5 طوابق
والأسعار تتراوح من 135 الف درهم الى 170 الف درهم
والمساحات بعد تختلف
شرايكم ؟؟
حد عنده خلفية عن عقارات ام القيوين ؟؟
-
مؤسس
العفو اخوي الغالي
واحب انوه للمره الثالثه
إن سهم إعمار يا اخوان تعرض لتجزئة للسهم
فاكيد سعره بيتغير لأنه تجزء السهم الواحد لأكثر من سهم
وقبل 4 شهور بـ 7 درهم والآن بـ 13 درهم
وصدقني ياخوي افك لك من الايجارات والصيانه وفلان دفع وفلان مادفع
وتقعد في جبدك الارض ما تنباع
السهم نزل من سعره 0.10 درهم وينصرف طواللللللللي
وشيكك في مخباك
http://www.qatarshares.com/vb/showth...=newpost&t=415
فإن كتبنا عن عطايـاك يـا سيـد العطايـا
. . . . . . . مزبن اللي ضامه الوقت واضنته المجاعـه
وان كتبنا عن مزايـاك يـا كثـر المزايـا
. . . . . . . يكفي ان النور منّك مـلا الدنيـا شعاعـه
ياوطنـا والله انّـا علـى صـدق النوايـا
. . . . . . . من تقوت لك ذراعه .. كسرنا لـه ذراعـه
دام حبك فـي دمانـا .. ويلعـب بالحنايـا
. . . . . . . والله ان تبقى على عز .. وامجاد .. و مناعه
قالوا انّا كفو .. قلنـا علـى روس البرايـا
. . . . . . كفو .. نعرف نقطع الراس لا حان انقطاعه
ياوطن حييـت بالخيـر بعيـون الصبايـا
. . . . . . . ما بعد عزتـك عـزة ولا بعـدك رفاعـه
-
الف شكر لك اخوي انتعاش على المتابعة
انا في مرحلة إعادة النظر .. وحاليا افكر في اقتراحك
الله يكتب اللي فيه الخير
شكرا جزيلا
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس