استفسار : عن تايلاند والاماكن السياحيه

[ام علي1981]

مشكورة اخت خشوف كفيتي ووفيتي

[لوردغاليري]

حاولت ارسل على الخاص بس متروس عندج

تفضلي

هذا الردعلى رسالتج الي جاتني


رحلة موفقه الى معشوقتي تايلند
طبعا احبها كل سنه اروح تقريبا رحت لها17مره كل سنه اروح
شوفي حبيبتي اول ماتوصلين انزلي من المطار الوصول الى الطابق الي تحته على طول واحجزوا على اسيا اير الى بوكت ماراح تتعطلون لانه كل ساعه توجد رحلة قيمة التذكرة الى بوكت 100دولار للشخص
مدة الرحلة 45دقيقه
اول ماتوصلون اخذي لوموزين بس عليج بالمكاسر وقوليله ابي الباتونق بيتش
الباتنوق هذا شارع كبير على البحر وفيه تقريبا كل المنتجعات عندج هوليدي ان روعه وعندج بانتاي اروع
وعندج تورا بوتينق بعد حلو الي يميز هالفنادق انها منتجعات ارضيه على بركة السباحه والبحر يبعد 500متر بس
وايد حلو
اقعدوا في بوكت 3ليالي حلويين
وزعيها بين اليوم الاول جيمس بوند
الثاني تمشي وتسوق في مجمعاتها الراقيه بس نصيحه لاتشترين شي لانج بتردين العاصمه بانكوك ام الاسواق

الثالث روحوا فتنازيا ملاهي وسيرك وعرض رائع
الرابع احجزوا من اي كشك نفس الطريقه العوده الى بانكوك او اذا ودكم شنغماي روعه وطبيعه بعد اخذ3 ليالي
واخر شي ردوا بانكوك خلوها4 ليالي للتسوق والشوبنق وحديقة الحيةان
في بانكوك انصحج تسكنين اماري بيلوفارد قريب حولج كل حاجه
واي استفسار من اسواق وغيره حاضرة بس بليز عطيني المدة والتاريخ
وعيوني لج

[we-r-sawa]

دول الشرق الأقصى حارة ورطوبة بالصيف وفي السنوات الأخيرة بسبب السياحة الخليجية في كوالالامبور بشكل مكثف أصبحوا الناس يتعرضون للسرقات وفي ناس معرفة كانوا مع عيالهم و تم اقتحام غرفتهم أثناء تواجدهم خارج الفندق مع أنها مقفلة في فندق الماريوت قبل سنتين وسرقوا محتوياتها من كاميرا فيديوا وأشياء قيمة وحاجات تم شراؤها من هناك وبرأيي للذي يريد السياحة بدون التركيز على التسوق يذهب خارج بانكوك في تايلاند أو خارج كوالالامبور في ماليزيا ويكتشف الطبيعة والمناظر الخلابة

[بوخالد911]

هلا


رحلة مووفقة

روووحي بانكوك وبوكيت
واستانسوا


وعندي تايلند افضل من ماليزيا بوااايد

واللي يقوول حر ورطوبة : صج حر هناك بس مو مثل اهنيية

ومايزيا معرووفة بالرطوبة
بعكس تايلند

[الدوسري قطر]

ام علي بصراحه انتو معزمين ولا ودي اقولج ان البلد هذا صعب ترتاح فيه كعائله محافظه و تستمتع بالرحلات السياحيه و خصوصا في الصيف .
فريها صوب ماليزيا اسهل

الزين والشين بتلاقونه في كل مكان بس على حسب انت وين تروح

مثلا المجمعات في تايلاند محترمين وكلن في حاله ولا تشوف المصاخه ولا تشم ريحتها , المصاخه تتجمع في شارع العرب لانهم يدرون انهم بيشفطون فلوس العرب من طرارة ومن اشياء ثانيه
يعني الواحد يتجنب شارع العرب قد مايقدر

الفرق بين ماليزيا وتايلاند حق العائلة ان ماليزيا فيها خيارات اكثر واماكن اكثر للاطفال

اما تايلاند تنفع حق الشباب من ناحية الرحلات والحريم الي يحبون السوق وسوقها احلى من ماليزيا بألف مرة


كنصيحة مني بما اني زرت البلدتين

تايلاند ان شاء الله بتعجبكم اكثر من ماليزيا

[ام علي1981]

الزين والشين بتلاقونه في كل مكان بس على حسب انت وين تروح

مثلا المجمعات في تايلاند محترمين وكلن في حاله ولا تشوف المصاخه ولا تشم ريحتها , المصاخه تتجمع في شارع العرب لانهم يدرون انهم بيشفطون فلوس العرب من طرارة ومن اشياء ثانيه
يعني الواحد يتجنب شارع العرب قد مايقدر

الفرق بين ماليزيا وتايلاند حق العائلة ان ماليزيا فيها خيارات اكثر واماكن اكثر للاطفال

اما تايلاند تنفع حق الشباب من ناحية الرحلات والحريم الي يحبون السوق وسوقها احلى من ماليزيا بألف مرة


كنصيحة مني بما اني زرت البلدتين

تايلاند ان شاء الله بتعجبكم اكثر من ماليزيا

شكرا اخوي
انا فعلا ناوية باذن الرحمن على تايلند
لاني رحت ماليزيا من قبل والحمدلله استانست لكن ودي بالتغيير

[mazag]

تايلند مب للعوائل بالصيف كلها شباب
وتكون ككوتيل