وين أنودي أعيالنا تمارس السباحه في قطر ؟

[القلم الصريح]

الله على ايام بحر المحرقه


بس لاتحاتين بحر الوكره وااااايد حلوة قعدته

[برق لمع]

بحر الحويلة بعد عجيييييب

[chillis]

نادي الدانة اشتراك وبأسعار باهضة
اما سباير فالإشتراك رمزي جدا بالنسبة للدانة وأيام محدودة..
الاسبوع يوميا للشخص 90 ريال
وشهر 400 ريال يوميا والأطفال أسعار أخرى والبرك نوعين وكبيرة
أما الدانة فبركة مغلقة واحدة والعالم فيها..

نادي الدانه البرك كلها مبطله وبالعكس اخف من سباير لان يعتبر غالي فلالعضاء اقل اما سباير زحمه وكل من هب ودب اما عن نفسي اقترح الفورسيزن

[سهم عتيج]

والله فيه مكان عجيب ومريح وكل شيئ تحتاجه قريب منه.. وبصراحة أرخص من استئجار أي شاليه بالدوحة..

كل المطلوب منك تدفع 70 ريال لتأمين سيارتك بالاضافة الى تكاليف غداك أو عشاك.. والمكان مايحتاج تكسر سيارتك 20 كيلو في الحصى,, وقريب من الشارع العام,, وفيه مظلات ورمل ناعم.. وقريب منها حمامات( أعزك الله) نظيفة جدا..

وتحتاج حوالي ساعة تقطعها .. يعني الشارع مريح جدا وأربع خطوط رايح وأربع خطوط جاي..

بس تحتاج تودي معاك جواز سفرك أو بطاقتك الشخصية..

بكل بساطة المكان اللي أرشحه هو منطقة سلوى بالمملكة العربية السعودية.. بس تعدي المركز الحدودي ويقع قبل محطة ساسكو

فقد قامت السلطات السعودية بانشاء شاطئ جميل للعوائل هناك.. وكل شيئ عندك من بقالات ومطابخ تطبخ أشهى أنواع الأكل الخليجي.. وتقدر تعبي سيارتك بترول وانت جاي بنصف السعر وتشتريلك اللي تبغيه من هناك

يعني لو طلعت من الصبح لين العصر.. فراح تطلع عليك الرحلة كلها بخمسمية ريال وانت مرتاح مع عائلتك وبدون ماتشوف مفاصيخ وخلافه وبحر هادئ جميل جدا..

جرب وبتدعيلي ان شاء الله :d

والله يوفقك..

[الأصيلة]

اختي الاصيلة الاسعار للسباحة فقط قد تكون رمزية
اما بالنسبة للتدريب على السباحة فاعتقد انها غير ذلك انا امس اتصلت وقالا لي عشر حصص مع المدرب بألف ريال للشخص الواحد،،، !!!
وهذا واحنا اهل البلد ياخوفي بس تكون مجاناً للاجانب

السباحة ماتحتاج عشر حصص أصلا
إن كثرت 8 حصص
وبعدين ألف للتدريب ولااشتراك بـ 7 ألاف في الدانة والتدريب بـ سعر آخر...
والأجانب أنا شفتهم يدفعون بعد...
لكن بعد التدريب لما تروح تمارس السباحة بيكون سعر عادي...

[الساهر 17]

اسباير خوش برك وخوش مدربين

[R 7 A L]

والله فيه مكان عجيب ومريح وكل شيئ تحتاجه قريب منه.. وبصراحة أرخص من استئجار أي شاليه بالدوحة..

كل المطلوب منك تدفع 70 ريال لتأمين سيارتك بالاضافة الى تكاليف غداك أو عشاك.. والمكان مايحتاج تكسر سيارتك 20 كيلو في الحصى,, وقريب من الشارع العام,, وفيه مظلات ورمل ناعم.. وقريب منها حمامات( أعزك الله) نظيفة جدا..

وتحتاج حوالي ساعة تقطعها .. يعني الشارع مريح جدا وأربع خطوط رايح وأربع خطوط جاي..

بس تحتاج تودي معاك جواز سفرك أو بطاقتك الشخصية..

بكل بساطة المكان اللي أرشحه هو منطقة سلوى بالمملكة العربية السعودية.. بس تعدي المركز الحدودي ويقع قبل محطة ساسكو

فقد قامت السلطات السعودية بانشاء شاطئ جميل للعوائل هناك.. وكل شيئ عندك من بقالات ومطابخ تطبخ أشهى أنواع الأكل الخليجي.. وتقدر تعبي سيارتك بترول وانت جاي بنصف السعر وتشتريلك اللي تبغيه من هناك

يعني لو طلعت من الصبح لين العصر.. فراح تطلع عليك الرحلة كلها بخمسمية ريال وانت مرتاح مع عائلتك وبدون ماتشوف مفاصيخ وخلافه وبحر هادئ جميل جدا..

جرب وبتدعيلي ان شاء الله :d

والله يوفقك..

أشهد انك جبتها
لا وشكلة يغري
ونظيف

[رمادي]

نادي السد ... تدريب الاطفال وتعليمهم السباحه مجانا ..

فقط للقطرين والمولودين في قطر .. تحياتي للجميع

[الأصيلة]

نادي الدانه البرك كلها مبطله وبالعكس اخف من سباير لان يعتبر غالي فلالعضاء اقل اما سباير زحمه وكل من هب ودب اما عن نفسي اقترح الفورسيزن

لا من قال مفتوحة إلا مغلقة
اشلون الحريم يسبحون في برك مفتوحة على المطاعم...
والدانة ماتدخل إلا باشتراك سنوي الشخص 7 آلاف هذا اللي قالت لي إياه الفلبينية المسؤولة..
ومافيه تدخل بالإشتراك اليومي أو الأسبوعي أو الشهر مثل سباير
ولما شفت حوض السباحة لقيته صغير بالنسبة لسباير ومليان أطفال ونساء..
أما سباير الفترة الماضية كنت أروح أوقات النساء ألقاه فاضي وإذا فيه أحد يمكن 2 أو 3
وأكيد في الصيف يمكن تلقى فيه ناس لكن الحوض كبير جدا ويسع الكثير هذا اللي للتدريب
أما الأكثر عمقا فتلقى فيه عدد بسيط...
وبعدين عجبني فيه الأمن من النساء ( السيكورتي )..
بالإضافة إلى المنقذات الفلبينيات اللي يراقبون السباحين...
ووقت معين للنساء والأطفال ووقت للأندية الرياضية والمدارس...

[ZURICH]

الشواطئ الجنوبيه دائماً تكون نظيفة لانها بعيدة واكثر مايميزها انها رملية خاصة سيف دخان
من رأيي ان البحر افضل للاطفال وللكل من البرك والسبب في الأملاح