اللهم اجعل هذا البلد آمنا وسائر بلاد المسلمين
اللهم اجعل هذا البلد آمنا وسائر بلاد المسلمين
لو كل من جا ونجر مابقى في الوادي شجر
انا عندي شور يالبدع احسن ان تقوم الداخليه تركب اجهزه تفتيش مطوره مثل اللي في مركز بوسمره وتحطها على جميع الخطوط الداخله للدوحه والخارجه مثل الوكره ودخان والشمال وسلوى واي سياره تطلع اوتدخل تتفتش عن كل شي مخفي هروب هدرز دبه صوت استماره حوادث مخدرات مطلوب للشيكات هروب خدم وعمال اتنها لياسن واقامات ها شرايك مهب احسن
البدع دائما مبدع
كفايه زحمه الشوارع وهم يفتشونا .. رحنا فيها
ممكن يكون التفتيش ليلا وعند دخول الدوحه
ويكون الاختيار عشوائيا
مثلا اذا مر اخونا بوحارب على طول تفتيش كامل وذاتي ايضا
واذا مرت أختنا روز يؤدون لها التحيه
صادق اخوي البدع
ياليت التفتيش عندنا في قطر يصير مثل التفتيش في امريكا
دوريات امريكا 24 ساعة خارج مقر العمل تدور وتوقف وتراقب السيارات اي سيارة يشكون فيها من ناحية الشكل او قيادة راعيها اذا كانت مو مضبوطة يوقفونه وكل سيارات الشرطة عندهم مزوده بكمبيوتر
اتمنى اتمنى من مدير إدارة المرور السيد سعد الخرجي الله يصبحه بالخير يعمل دورات لافراد المرور في امريكا على شان يطبقون النظام الرائع عندنا
ارتقوا فإن القاع مزدحم
اخوي .. منضر نقاط التفتيش في اى بلاد ورجال الامن تحجز هذا وتفتش على هذا منضر مزعج
يوحي بضعف الاجهزه الامنية .. وغياب احترام الانسان المحترم.. تخيل نفسك انت وعائلتك داخل قطر وخارج في نزهه مع اولادك والاولاد مبسوطين .. فجأه نقطت تفتيش تفتش عليك . شيصير فى الاولاد على طول بيخافون وبتغيب السعاده عنهم . رجال شرطة وتفتيش. اطفال. يعني قانون طواري وهذا اللي تحاربه الشعوب في مصر وسوريا..لكن بخصوص المخالفات والمطلوبين . كل الاجهزة الامنية تعمل وتترصد ولها مصادرها وتحاول ان تجد الوقت والمكان المناسب للقبظ حتى لا ينزعج المواطن والمقيم والاسر المحترمه... في قطر كل الاجهزة الامنية التابعة لوزارة الداخلية وخاصتا مكافحة المخدرات تعمل بكل جد واجتهاد . قطر تعتبر خالية تماما
من المخدرات. شكرا لوزارة الداخلية والعاملين فيها..
المـــــقاول
بس اذا كل نقطة تفتيش بيقعدون يفكون السياره والسبير ومادري ايش ...
يبيلهم على الاقل ساعتين !!
واذا في اكثر من سياره يبيلهم ساعات وساعات
وبتصير زحمه عند نقاط التفتيش ويمكن في ناس مستعجلين
فمادري احسها صعبه شوي ان لازم السياره تتفكك
والحمدلله في بلدنا نسبه الاجرام ضئيله ولله الحمد
مع ان صح ان الدوله لازم تزيد من نسبه الامان لكن اكيد في طرق ثانيه للتفتيش تكون اسهل واسرع
ممكن يكون في جهاز تدخل فيه السياره ويفتشها مثل اللي بالمطارات
ومشكور اخوي على طرحك لمثل هذا الموضوع المهم
التفتيش تم في المعابر...
هل تم تفتيشك في امريكا او السعودية او حتى ايرات في الشارع
يجب الا نخلط الامور
التفتيش في الشارع يتم على شكل حملات امنية او بموجب معلومة او بلاغ
اما ان تتحول الشوارع الى نقاط تفتيش فهذا مرفوض فلسنا في حالة طواريء
تصيحون كل يوم من الزحمة وتعطيل السير وفي نفس الوقت تطالبوا بالتفتيش عن العمال الهاربين في الشوارع
عجبي
يابن الجزيره علشان يستتب الامن ولا انت شرايك