رحلة Kuwaiti88 الرائعه إلى المدينه العالميه " هونج كونج " 2011 ...

[بومحمد911]

ماشاءالله تقرير ولا اروع الله يعطيك العافية

بصراحة امتعتنا وعيشتنا الجو

[Kuwaiti88]

هلا بالأخ Kuwaiti88 ،
فعلا أماكن جميلة وجهد متعوب عليه وربي يعطيك العافية وأخوي راح السنة الماضية مع عائلته وقال العيال انبسطوا آخر انبساط،وميزة هونغ كونغ انها كانت مستعمرة بريطانية وبالتالي سهلة التفاهم معاهم لأن يعرفون انجليزي،لكن حسب علمي ان ناشفين شوي بالتعامل مع انهم صاروا أحسن من بعد ماصارت تابعة للصين،فكيف شفت تعاملهم في اماكن التسوق؟

الله يسلمج بالفعل اهي كانت مستعمره بريطانيه واستقلت عام 1997م من بريطانيا ...

تعتبر من أغنى دول العالم من ناحية معدل دخل الفرد بجانب قطر والإمارات والكويت ...

تعدادها أتوقع 5 ملايين نسمه ...

بس حسيتها صغيره يعني من طقة البحرين ...

عاد الحين من كبر الكويت ...

أهلها شايفين خير وبالعكس كانوا مؤدبين معانا وما شفنا منهم الا كل خير ...

وكل ديره فيها الزين والشين ...

أذكر كنت داش محل " جيوردانو " في هونج كونج اللي موجود بكل دول الخليج واهو بالأساس

شركه هونج كونجيه ...

حطيت كاميرتي على رف الملابس وكنت قاعد أشوف T-SHIRT وسرحان ...

جان تشهق البائعه وتقولي دير بالك لا يبوقونها ...

اهني عرفت أمانتهم وأخلاقهم الطيبه ...

[Kuwaiti88]

نشكر مجهودك وتعبك

الله يسلمك يا سمسم ...

ما قصرت وألف شكر على مرورك اللطيف ...

[Kuwaiti88]

قطريه ماركه: الله يسلمج ...

غزلان: الله يبارك فيج ...

شرفتونا بمروركم المعطر بأحلى عطور باريسيه ...

[Kuwaiti88]

ماشاءالله تقرير ولا اروع الله يعطيك العافية

بصراحة امتعتنا وعيشتنا الجو

تستاهلون كل خير ...

جم بومحمد عندي آنا ...

شاكرلك مرورك الراقي ...

[Kuwaiti88]

0

0

0

0

0

0

0



أول شي بقول شغله: طوفولي سالفة إني أتكلم بالعاميه بعدين أقلب فصحى ...

انشالله راح تكون حلقتنا الحين عند مدينة الألعاب العالميه ديزني لاند ...

طبعا ديزني لاند تعتبر ضمن منتجات شركة ديزني العالميه بجانب الأفلام اللي لطالما

تمتعنا فيها واحنا صغار سواء كنا أولاد أو بنات مثل: ليون كينج - سنو وايت - علاء الدين -

سندريلا إلخ ...






وتتواجد ديزني لاند في كذا دوله ومنها الولايات المتحده واليابان وفرنسا وهونج كونج ...

وكانوا بيفتحون وحده بدبي بس للأسف قالوا إن لازم في حد أدنى للزوار حق الحديقه

ودبي في الوقت الحالي ماراح تقدر تتخطى الرقم الأدنى للزوار ...

جان تقولهم دبي آنا أراويكم وقررت تسوي دبي لاند أكبر تجمع لمدن الملاهي في العالم ...







شرينا التذكره مسبقا من المركز السياحي في الفندق بسعر 12 دينار كويتي أتوقع 150 ريال

قطري تقريبا ...

وبعد ماركبنا المترو غيرنا كذا محطه عشان نركب قطار ديزني لاند اللي من أول ما تدخله

راح تشوف تفاصيل ديزني عليه من الكراسي والسقف والديكورات ...





طبعا ديزني لاند مقسمه حق كذا عالم ترفيهي سواء الخيالي أو المستقبل أو المثير وراح

تشوفون كل شخصيات ديزني اللي تحبونها ...

وراح تحسون بشي بقلبكم يتحرك من الفرح والوناسه ...

وكل هالشعور الحلو بسبب الديكورات والألوان والموسيقى المميزه ...





وراح تشوفون بكل مكان في محلات ومطاعم وكافيهات وأكشاك صغيره

تبيع منتجات ديزني العالميه من ملابس ومجوهرات وألعاب وحلويات

وخرابيط واكسسوارات على كيف كيفكم ...





هذه الصور من تصويري الخاص:


في المترو الخاص بديزني لاند هونج كونج ...








شوفوا المسكه مالت الأمان في المترو على شكل ميكي ماوس ...












مدخل ديزني لاند هونج كونج ...






















منظر يفتح النفس ... جهد يشكرون عليه ...













وافل ديزني المشهور – يحطون عليه كريمه وصوص الكاكاو والفراوله الطازجه ...












هذه الصور الإضافيه تم أخذها من منتدى خط الطيران:

[we-r-sawa]

كأنها مدينة مصغرة من ديزني لاند في كاليفورنا وأورلاندوا ورحت لهم الثنتين

[Kuwaiti88]

كأنها مدينة مصغرة من ديزني لاند في كاليفورنا وأورلاندوا ورحت لهم الثنتين

صح بالفعل مع اني مازرت ديزني لاند غيرها بس قالولي بأنها أصغر ديزني لاند في العالم ...

[بوخالد88]

اول شي الف الف مبروك علي التخرج اخوي

وثاني شي خذ راحتك يامعود فصحه او عامية كله واحد يمشي الحال

ويعطيك العافية علي المجهود والتصوير وفي انتظار باقي الصوور وبالاخص بوكت

[Kuwaiti88]

اول شي الف الف مبروك علي التخرج اخوي

وثاني شي خذ راحتك يامعود فصحه او عامية كله واحد يمشي الحال

ويعطيك العافية علي المجهود والتصوير وفي انتظار باقي الصوور وبالاخص بوكت

الله يبارك فيك يا بوخالد ...

وانشالله مع إني كنت مقرر إني أنزل تقرير بالي بس عشانكم بنزل بوكيت قبله ...