انت قطري ؟ اي نعم ... طيب ادفع اكثر !!

[سهم طايح]

السلام عليكم ورحمة الله وبركاته

شيء غريب يا جماعة الخير !

قبل كم يوم قلت باخذ ام العيال نغير جو شوي في احد الفنادق في الدوحة ! بلادي ! وطني ! ديرتي !

على العموم اتصلت في كذا فندق اسأل عن الحجوزات واسعارها فتصوروا وش كان رد الفنادق !؟

بعطيكم مثال :

سهم طايح/ الو السلام عليكم

الفندق / وعليكم السلام فندق -------------

سهم طايح/ اخوي ابغي اشوف اذا في عندكم حجوزات ليوم ------------

الفندق / ولو تكرم عيونك لو مافي بدنا نطلع لك حجز

سهم طايح/ ماتقصر يالطيب ( كم سعر الغرفة )

الفندق / سعر الغرفة 800 ريال شاملة الضريبة 20%

سهم طايح/ حلو عيل الجناح على كم

الفندق / السويت عنا نوعين شي ب 1200 شاملة الافطار والضريبة وشي ب 1800

سهم طايح/ طيب اخوي احجز لي سويت ( ابي اعيش ملك يومين )

الفندق / باسم مين

سهم طايح/ --------------------

الفندق / عفوا انت قطري ؟

سهم طايح/ اي نعم اخوي

الفندق / بالنسبة للقطريين الغرفة ب 1500 ريال + ضريبة 25% والسويت يبتدي ب 3500 ريال

سهم طايح/ رضخت السماعة في وجهه

[ماري جين]

[قطري مغامر]

عاااااااااااااااااادي انت في الدوحة

[خاربه خاربه]

إذن أنت في قطر

[ROSE]

هذي رقع التيلفون في ويهه شوي عليه

[قطرية عسل]

[لمت داون111]

المفروض تسأله وتقوله علي اي اساس القطري يدفع هالكثر ؟

واذا كان جوابه مادري

عليك بالخط الساخن مال الشرق ووطني الحبيب صباح الخير والله مالهم الا الفضيحه عشان يخافون ربهم

معقوله الاجنبي مرتاح اكثر من المواطن ؟ ولا والي يزيد الطين بله انه الممواطن ماجنه في بلاده !!! وكل يوم والثاني يقعد يدافع عن ابسط حقوقه !!!!!!!!

ولاحول ولا قوه الا بالله

[Qa6ar]

عادي يعتبر رخيص

الخطوط القطريه تاخذها من قطر غاليه بس خل احد ياخذها من برا قطر ارخص حيل

اما بالنسبه للفنادق فندق 3 نجوم امس واحد يقول لي السفره اللي جا فيه قبل الليله 1800

يعني على حسب السوق او الموتمرات الموجوده

اما انا حجزت بكذا فندق بقطر محد سألني قطري ولا غير قطري

مثلا الريتز الريدجز او الانتر عادي

بس يمكن فيه تعليمات جديده... يعني اقصد الاقربون اولا بالمعروف(يخبرون فيه ناس خسرانه بالبورصه)

[شمعة الحب]

طيب اخوي احجز لي سويت ( ابي اعيش ملك يومين )

[abo rashid]

المفروض تسأله وتقوله علي اي اساس القطري يدفع هالكثر ؟

واذا كان جوابه مادري

عليك بالخط الساخن مال الشرق ووطني الحبيب صباح الخير والله مالهم الا الفضيحه عشان يخافون ربهم

معقوله الاجنبي مرتاح اكثر من المواطن ؟ ولا والي يزيد الطين بله انه الممواطن ماجنه في بلاده !!! وكل يوم والثاني يقعد يدافع عن ابسط حقوقه !!!!!!!!

ولاحول ولا قوه الا بالله

ترى الاجنبي لة معاملة خاصة جدا في جميع الشركات و اسعار السيارات غير و البنوك غير من حيث المعاملة

انت غير انت تدفع اكثر