مطلوب شريك ( خبرة في أي عمل يجيدة ) وراس المال علينا !

[رومانسي]

السلام عليكم

مطلوب واحد صاحب خبرة في اي عمل بس يكون يجيدة اجادة تامة وانا علي راس المال وهو علية الادارة

واللة يوفق الجميع

للجادين فقط

[الرسام القطري]

السلام عليكم ورحمة الله وبركاته


أنت عليك راس المال......

كم لي نسبة أذا جبت لك مشاريع ناجحة وفايدة حلوه كم في المية بتعطيني

تدري المشاريع لازم سفر والسفر تعب والزباين لازم علاقات عامة يعني تعب ووغير وغير

وايد يبون يشاركوني براس مال صعب ........ الحين الكل يدور على الراحة بس يبي آخر الشهر فلوس وهذي الشيء صعب أذا بتعطيني نسبة كبيرة بشاركك وبفيدك بارك الله فيك

تقدر تسأل عني في أشخاص داشين معاي شركاء في بعض المشاريع البسيطة والحمد الله قدرت أفيدهم ((
مثال

صاحب النك نيم ((البنز)) شارك معاي بمبلغ 5000 ريال فقط روجعت له المبلغ 9000 في أسبوعين
شوف أنت وفكر ترى أنا وايد قنوع بس أهم شيء إني ما أنظلم لأني وايد أتعب الصراحة
تدري التجارة لف في الأسواق من الصبح لين آخر الليل ...

الله يوفقك أخوي الغالي ولاتزعل من كلامي عرفت لأنه عنده وايد عروض من أشخاص في شخص في الموقع عارض علي 200 الف ريال قطري بس أهو يقول مالي خص في اي شيء عليك البيع والشراء والتعب بسأنا آخر الشهر ابي فلوس ولك 5% في المية بس هل يعقل ..

وبارك الله فيك

[مهاوي]

الله يوفقك يالرسام تستاهل كل خير والله

[بويوسف]

طيب اخوي الرسام انا اريد محل يكون في مكان جيد واذا لقيت لي شي زين لك دلالتك

[الرسام القطري]

طيب اخوي الرسام انا اريد محل يكون في مكان جيد واذا لقيت لي شي زين لك دلالتك

أخوي بويوسف

روح عند الطباعين في سوق واقف خله يكتب كتاب حق إدارة سوق واقف واجر محل هناك لأنه الأمير الله يجزاه خير الأيجار للقطري بمبلغ رمزي هناك والسوق هذي بيكون من أروع الأسواق في قطر والله أحسن من المجمعات .........أنا مقدم على ثلاث محلات بس أنتظر الموافقة ىلحق ترى ما باقي شيء أذا أنت بتقد في المحل تدفع 600 ريال
واذا بتحط واحد تدفع 1500 والله أمير الخير والبركة الله يحفظ بومشعل ويحفظه من كل سوء يا رب والله أنا أدعيله كل يوم وفي كل صلاة والله إنسان كريم ويحب الخير لكل الناس والله يوفقه ويجعله من أهل الجنه في الآخرة

[بويوسف]

جزاك الله خير بس سمعت ان من شروط الايجار انك تفتح شي تراثي.

وبعدين انه عندي مشروع يبغي له مكان كشخة ماينفع سوق واقف