السلام عليكم جميع ..
بنتي الصغيره عمرها 6 سنوات .. تعاني من نقص بسيط في الحديد .. والمشكلة ما تداوم على العلاج اللي يصرفونه لها من المركز الصحي
ودوم فيها خمول وما تأكل .. بغيت أعرف وين احسن عيادة او دكتور تغذية للأطفال
وجزاكم الله خير
السلام عليكم جميع ..
بنتي الصغيره عمرها 6 سنوات .. تعاني من نقص بسيط في الحديد .. والمشكلة ما تداوم على العلاج اللي يصرفونه لها من المركز الصحي
ودوم فيها خمول وما تأكل .. بغيت أعرف وين احسن عيادة او دكتور تغذية للأطفال
وجزاكم الله خير
هههه
ابتسم ,,,,,,,,,,, فأنت لا تعلم اي باب من الأمل ستفتحه لغيرك
اتصل بعيادة الاظفال المسائية في حمد وخذ لها موعد عند الدكتور الدباغ
الله يشافي بنتج ويعافيها بس حبيبتي بنت صغيره عمرها 6 سنوات المفروض انتي الي تاكلينها دواها ماتخلينها على تكلى نفسها ..انا بنتي 12 سنه ولها حبة يوميه انا الي احطها في حلجها كل يوم واتاكد انها خذتها ..هذولا امانه فديتج ^^
ودخلي لها الاغذية الي فيها حديد وشجعيها على اكله ..وبخصوص استفسارج انشالله يفيدونج اكثر ..
الله يشافيها يارب
ومثل ما قالولك ودها مستشفى حمد
وما تشوف شر ان شاء الله
هههههه
انا مع الاخت بخصوص الدوا ،، وبعد عليك بالسبانخ و الشمندر والبقدونس...
السبانخ ممكن ينحط مع اي شي : توست بالجبن / عجه / سلطات / فطاير / شوربة الخضار او شوربة الدجاج الخ / الصالونه والمجبوس والمضروبه الخ -
الشمندر مع السلطه واااايد غني بالحديد بس طعمه مب شي مثل التراب ( لكن ممكن تسويه عصير وتخلطه مع شي ثاني على اساس يخفف الطعم شوي ) -
البقدونس في السلطات -
العدس بعد مفيد وممكن بنفس الطريقه ينضاف على اي وجبه سواء رز او شوربه او صالونه
،،، ولازم بعد او قبل الاكل بساعتين تبعد عن البيبسي والكاكاو لانها تكسر الحديد ،،انا لاحظت بعض البيوت عادي عندهم يعطون اليهال في هالسن الكرك لكن الكرك فيه شاي فلازم يستبدل بحليب مبستر بدون شاي او كاكاو .. والا الدوا ماراح يجيب اي نتيجه ...
وما تشوف شر البنوته الله يحفظها ويخليها لك ان شا الله
رحت المركز الصحي وخذت لها تحويل .. وقالوا لي بنتصل عليك لان النظام تغير هم يحجزون لي الموعد ويتصلون علي .. يعطيج العافيه
خذت لها تحويل وهذا انا ناطر اتصالهم .. اذا مافي عقب بسوي اللي قلتي عليه
يعطيج العافيه
الشر ما يجيج
ماخليت شي ما جبته لها .. الشي الوحيد اللي تاكله .. اكل المطاعم
يمكن لأن اكل المطاعم مب نظيف ههههه
اهي قبل كانت تاكل في البيت وامورها طيبه .. بس في الفترة الاخيرة لعوزتني
فقلت ما بدهاش خل اشوف اخصائي تغذيه يمكن البنت فيها شي يمنع شهيتها عن الأكل
يعطيج العافيه والشر ما يجييج
هههه
السموحه اخووي مي سوري :$
امس انطرح نفس موضوعك قدامي واسمعهم يمدحون المستشفى الاهلي بس ماثبت اسم الدكتور
انا بحط لك اسماءهم الي في موقعهم وان شاء الله حد يفيدك ..وماتشوف شر البنوتة ..
الأطباء
د. احمد فايز بكر
إستشاري أطفال و الأطفال حديثي الولادة
مسؤول قسم طب الأطفال
د. ايهاب قوره
إستشاري طب الاطفال و حديثي الولادة
د. انور حسن
إستشاري طب الاطفال و أمراض الدم للأطفال
د.سرى ياسين نوري
إستشاري طب الأطفال
د. عطية خالد بشير
إستشاري اطفال
د. محمد سامر حموي
إستشاري في طب الأطفال و إستشاري في الأمراض الباطنية
د. أيمن سوراك
أخصائي الأطفال
د. امل النجاد
اخصائية طب الاطفال
د. أسيل زيدان
أخصائية أطفال
د.اسامة شحاده
اخصائي طب الاطفال
^^فمان الله
http://www.ahlihospital.com/ar/index...cs/physicians/ إذا تضغط ع الاسم يطلع لك تفاصيل وصورة الطبيب ..
التعديل الأخير تم بواسطة الدوحه% ; 21-06-2011 الساعة 09:23 AM