صفحة 1 من 10 123 ... الأخيرةالأخيرة
النتائج 1 إلى 10 من 99

الموضوع: سفرتي الى تايلند(اول مره اروحها) بالتفاصيل واي سؤال انه حاضر حياكم تعال(naklan)

  1. #1
    عضو مؤسس الصورة الرمزية أمير المحبه
    رقم العضوية
    3967
    تاريخ التسجيل
    Sep 2005
    المشاركات
    10,125

    Red face سفرتي الى تايلند(اول مره اروحها) بالتفاصيل واي سؤال انه حاضر حياكم تعال(naklan)



    (بوكت)

    طبعا هاي رحلتي لكل اللي سألني عن السفر والتفاصيل

    اخواني حياكم معاي رحلتي الى تايلند (اول مره اروح تايلند)

    في ناس اسألو وينك اختفيت مره وحده اقولهم

    اي والله اختفيت ورحت بوكت ومابغيت ارجع ههههههههههههههه

    جوف بقولكم اول شي رحت بوكت سكنت في فندق بانلماي احذا البحر

    في بانتونغ رود حلو

    المهم هالفندق عجيب بينه وبين البحر شارع بس وخذ لك غرفه ديلوكس

    لانها بتكون جنب البركه على طول يعني مكان روعه ولما كنت افتح الشباك

    على طول اجوف البحر والناس شي عجيب

    جوفو اول يوم رحت بوكيت زوو (حديقة بوكت للحيوانات) الله يعزكم

    ثاني يوم رحت صوب بانتونغ رود ركبت خيل وركبت الفيل وركبت الدراجه اللي فوق الجبل

    واليوم الثالث رحت جزيرة جمس بوند شي شي

    مغاوص على سباحه بحرهم روووعه من نضافته اتجوف السمج من فوق

    جوفو في جزيرة جمس بوند وفي بي بي ايلند بعد جزيره

    لو بتروحون وحده لاتروحون الثانيه لانه تقريبا نفس الشي عرفتو

    المهم واليوم الرابع رحت (فانتاسيا) هاي مدينه ولا اروع ولا اجمل صراحه

    فيها عروض وفيها بيوت تايلند القديمه وقصصهم القديمه

    كبر هالمدينه تقريبا من دوار التلفزيون لين دوار البريد

    وكل شي فيها هالمدينه

    اليوم الخامس مارحت مكان تععععععبت صراحه هههههههههههههههههه

    شسويت رحت البحر شورت وروووووح ههه جتسكي على البرشوط على البنانا

    ورديت الفندق ادور السرير بس هههههههههههههههه

    اقولكم دفيتها خااامس لين اليوم الثاني الصبح وعقبها رحت بانكوك

    ماشاءالله تمشيت في نانا رود جني اتمشى على كرنيش الدوحه هههههههههههههههههه

    كلهم عرب وخليجيين عاد بانكوك اخذو فيها 3 ايام بتكفيكم حق التسوق لان مافيها

    مكان للرحلات الا مكان واحد بس ورحت هالمكان بعد

    فيها (سفااااري ورد) هاي حديقه مفتوحه كنا نتمشى فيها بالباص

    على يميني اسد نايم وعلى يساري نمر يتمشى جدام الباص دب قاعد يلعب

    يعني لو واحد فيهم طنقر راحت عليكم 10 صفر

    طبعا باص عادي لا مصفح ولا هم يحزنون

    بس واقولكم تسوقت في بانكوك وسكنت في فندق

    (زينيث) هاي 5 نجوم والسيرفس عجيب فيه سومنغ بول وفيه جم

    على اعلى مستوى ولازق بالسوق يعني تروح السوق مشي

    لو بتروح مع ام العيال بعد لاتحاتي بينكم وبين السوق شارع بس

    روحو وركبو التك تك وتذكروني ههههههههههههههههههههههه

    بيطلع لكم اورقه فيها وايد اماكن وانتو تختارون اي رحله تبغون

    بس حاسبو (الاطيور) اللي فالشارع يضيعون حتى المطوع (الكلام للرجال فقط)

    (هاي كلام ارجال مهب كلام نواعم)

    افهمها عاد (الكلام للرجال)

    اااخ ضهري خلاص ياخواني وخواتي تعبت انشاءالله قدرت اختصر لكم الاماكن والرحلات

    واي سؤال اسالو ولايهمكم شي انه حاضر

    هاي الموضوع حطيته عشان اللي يبي يسافر يسألني اي سؤال وده

    طبعا في بانكوك لاتنسون اتكركون عند ناديه

    اسمه (كرك ناديه) كركها عجيب)

    وفيه محل اسألو عنه اسمه محل (فريده علي) هاي المحل عنده كل شي كوبي ون

    ساعات ازره قلامه ساعات كل شي شنط حريم (كل شي على 1000 و 2000 بات)

    يعني بالاقطر 100 و 200 ريال وكوبي ون بلااااااااش صراحه


    يالله انطر اسألتكم

    Unknown
    التعديل الأخير تم بواسطة أمير المحبه ; 20-06-2011 الساعة 10:41 PM


    Unknown

  2. #2
    عضو مميز
    رقم العضوية
    606
    تاريخ التسجيل
    Mar 2005
    المشاركات
    1,445
    عودا حميداً

  3. #3
    تميم المجد الصورة الرمزية R 7 A L
    رقم العضوية
    34949
    تاريخ التسجيل
    Oct 2010
    الدولة
    Qtr
    المشاركات
    35,984
    الحمدلله على السلامة اخوي أمير
    ومكانك كان واضح وغيابك ملحوظ


    تقرير حلو حلو حلو
    بس ياليت لو عندك صور تدعمنا بها ونكون كتير ممنونين
    ارتقوا فإن القاع مزدحم

  4. #4
    عضو مؤسس الصورة الرمزية نفسي عزيزه
    رقم العضوية
    24829
    تاريخ التسجيل
    Mar 2009
    المشاركات
    17,162
    الحمد الله على السلامه اخوي

    مكانك مبين ومافي حد يحط لنا مواضيع رعب هههههه

    افتقدناك وعودا حميدا

  5. #5
    عضو مؤسس الصورة الرمزية naklan
    رقم العضوية
    18262
    تاريخ التسجيل
    Oct 2007
    الدولة
    فوق هام السحاب
    المشاركات
    14,393
    هلا بالغالي امير المحبة انا من هواة تايلند اموت على الجزر في بوكت رهيبة
    والحدايق والشلالات روعه وفيه مكان تروح له في رحلة سفاري اسمه كويا روعة
    في رووس الجبال ومتنزه عجيب وتركب افيال في رحلة في النهر تقول راكب سنبوق !!
    هههههههههههههههههه بس ركوب الفيل عجيب حسيت اني في هوليود
    حط لنا صور الرحلة كامله ولا تسويهم اقساط
    تجري الرياح كما تجري سفينتنا نحن الرياح ونحن البحر والسفن






    لا يمكن للإنسان أن يحتفظ في يديه بأكثر من كرتين من ثلاثه ؛ الصحة والمال وراحة البـــــــــــــال



    لا اله الا الله وحده لا شريك له العلى العظيم

  6. #6
    عضو مؤسس الصورة الرمزية أمير المحبه
    رقم العضوية
    3967
    تاريخ التسجيل
    Sep 2005
    المشاركات
    10,125
    اقتباس المشاركة الأصلية كتبت بواسطة ام عبدالعزيز مشاهدة المشاركة
    عودا حميداً
    شكرا كثيرا

    لاهنتي على المرور


    Unknown

  7. #7
    عضو مؤسس الصورة الرمزية أمير المحبه
    رقم العضوية
    3967
    تاريخ التسجيل
    Sep 2005
    المشاركات
    10,125
    اقتباس المشاركة الأصلية كتبت بواسطة r 7 a l مشاهدة المشاركة
    الحمدلله على السلامة اخوي أمير
    ومكانك كان واضح وغيابك ملحوظ


    تقرير حلو حلو حلو
    بس ياليت لو عندك صور تدعمنا بها ونكون كتير ممنونين
    هلا وغلاااااا بفتى امريكا

    مرورك اللي حلووو أوي أوي

    افا عليك عطني كم يوم بنزل الصور من الكيمره وحطها لكم يالغالي


    Unknown

  8. #8
    عضو مؤسس الصورة الرمزية أمير المحبه
    رقم العضوية
    3967
    تاريخ التسجيل
    Sep 2005
    المشاركات
    10,125
    اقتباس المشاركة الأصلية كتبت بواسطة نفسي عزيزه مشاهدة المشاركة
    الحمد الله على السلامه اخوي

    مكانك مبين ومافي حد يحط لنا مواضيع رعب هههههه

    افتقدناك وعودا حميدا
    ههههههههههههههههه يالغالي لاتحاتي رجعت لكم ومن بكره ببدا البحث عن الرعب

    والله لكم وحشه اخواني


    Unknown

  9. #9
    عضو فعال الصورة الرمزية مستر بن
    رقم العضوية
    16512
    تاريخ التسجيل
    Jul 2007
    الدولة
    دوحتنا الجميله
    المشاركات
    16,092
    اقتباس المشاركة الأصلية كتبت بواسطة R 7 A L مشاهدة المشاركة
    الحمدلله على السلامة اخوي أمير
    ومكانك كان واضح وغيابك ملحوظ


    تقرير حلو حلو حلو
    بس ياليت لو عندك صور تدعمنا بها ونكون كتير ممنونين


    لو ادعمكــ’’ يمكن

    يطييييييييييييييييييييييييييييييييح ’ خخخخخخخخخخ


    عوودااا حميييدااا يالغالي ’’

    والله مكاانكـ كان مبين ’’

    ووصفكـ جميل ’




    .
    .

    اللهم اغفر لي واجعل الفردوس الاعلى من الجنه داري . . .

    هاوي تصوير ومحب للآكل

    "
    "

    تبي مطعم ومحتار وين تاكل ؟؟
    اضغط على الرابط واختار اللي يناسبك فـ صفحتي

    www.instagram.com/vvsaaa






  10. #10
    عضو نشط الصورة الرمزية آلملآزم
    رقم العضوية
    31674
    تاريخ التسجيل
    Apr 2010
    الدولة
    DOHA
    المشاركات
    556
    الحمدلله على السلامه أخوي أمير
    لاَ تطلبُ الخَيَر مِنْ بُطْونٍ جَاعَتْ ثُمَّ شبَعَت لأنّ الشُحَّ فِيهَا باقٍ بَل اطُلبْ الخيرَ مِنْ بطونٍ شَبَعت ثمَّ جَاعَتْ لأنّ الخَير فيهَا باق

صفحة 1 من 10 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •