تجربتي: اول شهر للرجيم مع احد مراكز الرجيم

[العضو العتيج]

السلام عليكم ورحمة الله وبركاتة
حبيت اطرح عليكم تجربتي مع احد مراكز الرجيم
الهدف من الموضوع اني اشجع اللي يبون يروحون وبما اني استفدت شخصيا حبيت افيدكم بتجربتي

المدة حتى الان شهر و10 ايام

نتابع بالصورة.....



طبعا هذي صورة اول زيارة نشوف الوزن كان 111.8

الزيادة في الدهون مثل ماهي باينة 51.1
ونسبه الماي في الجسب كانت ضمن النطاق الطبيعي نشوفها على اليسار 44.4

في ارقام كثيرة بالنسبه لي اللي ذكرته هو المهم

النظام بالنسبة لي كان يمتد لمدة عشره ايام بعدها الموعد
اول عشره ايام كان النظام خالي من النشويات والدهون يعتمد على البروتينات والخضروات والاكثار من شرب الماء وهذا شي مهم وبيكون هناك شعور بالتعب والدوخة لكن ينصح بعدم ممارسة نشاط مجهد
بعد عشره ايام نشوف الصورة الثانية



الوزن 107
الخسارة 4.8
الخسارة الاكبر كانت من الدهون
3.5 كيلو
الخسارة من الماء 1 كيلو
طبعا الاسبوع الي بعدة يكون النظام شوي مختلف فيه رز بكميه قليله لمرة او مرتين وطبعا بيكون اسهل من الاسبوع الاول
ونشوف الصوره بعد عشره ايام اخرى,,



الوزن 105.2

الخسارة من الدهون كانت 2.8 كيلو
لكن هناك زيادة في الماء 700 غرام..بس مافي مشكله اهم شي الدهون ..الماي في الجسم بسرعه تفقده وبسرعه يرجع
فكانت الخسارة الاجمالية 1.8 كيلو

الاسبوع الي بعده مايختلف النظام كثير عن اللي قبل ومافيه صعوبة
ونشوف الصورة بعد 10 ايام



الوزن 103.1
الخسارة كانت 2.1 كيلو

الاسبوع الي بعده النظام بيكون اسهل وفيه رز وخبز بشكل يومي لكن بكميه قليل ونشوف الصورة بعد 10 ايام

الوزن 100.9
الخسارة 2.2 كيلو

الخسارة الاجمالية خلال شهر و10 ايام 11 كيلو تقريبا

طبعا احب انوه لشغله ان النظام الي ذكرته ممكن يختلف من شخص الى اخر لان الدكتور هو اللي يقرر اي نظام يعطيك كل اسبوع حسب حاجه جسمك وعلى حسب الخطه الي يبي يمشيك عليها

وانا طرحت الموضوع في المنتدى لهدف واحد اني اشجع اي واحد من الاعضاء اللي ودة يتبع دايت بس متردد او اي شخص يحب يسمع تجربه ويشوف قبل مايتبع النظام والنظام بشكل عام مافيه صعوبة ولكن بنفس الوقت مافيه سحر يعني لابد ان الانسان يغير نظامة ويقلل من اكله وبشكل عام في النظام ممنوع تاكل بعد الساعه 8 مساءا وانا شخصيا عن نفسي ماشوف فيه صعوبة كبيره يعني وحتى لو الواحد خربط مره او مرتين المفروض ماييأس ويستمر وبيشوف النتايج
واي استفسار او سؤال انا حاظر وهذا

بالنسبه للرياضة بتكون ممنوعه في الاسبوع الاول ويفضل عدم ممارسة اي نشاط مجهد.. وفي الاسبوع الثاني بيكون المشي يوم وترك لمده 45 دقيقه اما الاسابيع الباقي بيكون مشي يومي لمدة ساعة تقريبا


وشكرا للجميع....تحياتي,,,,