إلي رايــحين لـــــــندن ((الله يعينكـــــــم ))

[كايد الوكره]

انا في لندن من 3 شهور
الحر فقط كان في يومين فقط تاريخ 27-28 / 6 وصلت درجه الحراراه الى 32

اما حالياً النهار 22 والليل 12

لندن الاشهر لزياره لندن ( 3-4-5-10-11 )

[بو خليفه 123]

والله انك صادق تونا راجعين من الهايدبارك جهة ماربل آآآرش جواتي رياضه ومشي وجلسه

على الحشيش ما تشوف عينك الا العبايات والشماغ وكبار السن يحليلهم بعيدين عن البحيره

والهدلق اللي هناك وشربنا لاتيه وكابتشينو واسبريسو الجوووووو رووووعه

يازين لندن حتى لو يوصل الباوند عشر ريالات بنجيها صيف وشتا وخريف

لفيت اوروبا وامريكا لكن لندن غير نحس فيها كنا في قطر عشرة عمر وياها

كمل وفضفض .. وتعال لندن لاتفوتك وراك ما جيتها يقولون القطريين وصل عددهم 50000 هنا الله يحفظنا

بدووووووور والله زمان عنك يالقاطعه .. وين هالغيبه

انشهد انك صادقه في ذمتي عاد انتي بنت لندن ماعلمك فيها و اهل مكه ادرى بشعابها

السنه كنت في اسبانيا مع الاهل و ان شاء الله لي زياره الى لندن وقت ما كتب ربي في اقرب فرصه ..



----


تقبل اجمل تحياتي العطره لك يا درب الساعي

[وطن]

يالبى لندن في ذمتي

من احب الاماكن الى قلبي بصراحه ..

سواءً بالصيف ولا الشتاء ولا القايله ولا صباح الله خير ..


اللي يقول للمغازل والمظاهر هذا لأنه مايروح الا للأماكن هذي فقط .. والمغازل تراه موجود بكل مكان حتى في ام غويلينه .. لكن يعتمد على اهتمام المسافر و عقليته والصحبه الطيبه الي معه..


لندن و ما ادراك ماهي لندن ..

الي بيقول منب رايح لانهم يقصون علينا و يرفعون الاسعار .. طيب ليه مازعلتوا يوم التجار الي منا و فينا ارفعوا الاسعار ولاحدٍ محاسبهم ..


هذا موسم توافد السياح عليهم .. ولا بد من رفع الاسعار و هذا للمستهلك افضل من ناحية تقليص خامة المستهلك "الذي لا ترغب بوجوده بنفس الفندق معك"


و بكل صراحه اقولها .. الي ماعنده كاش لا يروح لندن .. لانها غاليه .. و مابها الا الزين


الله .. ودك الحين تلبس جوتي رياضه تكرمون و تمشي من فندقك لين نوتنج هيل .. و تجلس هناك و تاكل الكب كيك حقهم على القهاوي الي بالشارع و تشرب ذاك الاسبريسو الي يقند الراس .. و تكتب لك بيتين شعر في لندن ..


للحديث بقيه .. يطول عنك الحديث يا لندن

لندن مابين دبي يالغالي وواشنطن .. وحيد كانك علي تحن وتراعي

[بو خليفه 123]

لندن مابين دبي يالغالي وواشنطن .. وحيد كانك علي تحن وتراعي

عاش قاعد هههههه