المشاركة الأصلية كتبت بواسطة ام السعف
امم
اولا بالمبارك عليج الجوال واهلا فيج في عالم الاندرويد
ومن ثم نقول :
ما في شي اسمه برامج لازم اتركبينها وبرامج اتجنبها ،،
انت شنهي ميولج وعلى اساسها نزلي البرامج اللي تعجبج ،،
في برامج محادثة
في برامج تواصل
في برامج لتشغيل ملفات الام بي ثري
في قرآن
في العاب
في سكايب
فوتوبوكت
وبعد
مشاركة في الفيس بوك نزلي تطبيق الفيس بوك
مشاركة في توتر نزلي تطبيق التوتر ...> مع ان بشكل عام هذول ينزلون
مع باقات الجوال من جوجل توك وجوجل ايرث واليوتيوب ،،
اهم شي و أول شي لازم اتعرفينه ،،
ان نظام الاندرويد علشان يشتغل السوق فيه لازم يكون عندج ايميل gmail
مستحيل تلقين جوال او تاب او اي جهاز فيه ماركت الاندرويد
ممكن يشتغل ان ما كان عندج ايميل في جوجل ،،
راح تلقين ايكون اسمه
mail
talk
gmail
هالثلاث راح يشتغلون على الايميل اللي يفتح لج الماركت
مثلا خلينا نقول ايميلج هو
muna_q@gmail.com
في برنامج talk
تضيفين صديقاتج اللي عندهم نظام اندرويد
mail
ينبهج بكل رسالة توصل لج وتمنحج انج ترسلين لهم رسايل
gmail
من خلاله ممكن تحتفظين بالكثير من البيانات من على جوالج على
حسابج الخاص فيه في جوجل ،،
مثلا لما اتصل لج على جوالج ،، وبتحتفظين الرقم راح يعطيج
خيار وين تحتفظين بالرقم ؟
في الذاكرة او الجوال او جوجل
لو اخترتي جوجل ،،
من تدخلين حسابج اللي في جوجل في خيار اسمه كونتاكت
راحت تلقين هناك كل اللي حافظة ارقامهم ،، فلو بتسوين فورمات
للجوال ما بتخافين على الأرقام من الضياع ،،
الحساب هذا يمنحج بعد خاصية المحادثة الصوتية والكتابية وبالصورة
حتى الحساب هذا راح يسمح لج ببميزات كثيرة متعلقة بالخدمات الحصرية
اللي تقدمها جوجل لمشتركيها ،،
مثل الفيس بوك موجود الكل مشترك فيه
لمشتركي جوجل هناك جوجل بلاس ( اعتقد جذيه اسمه )
نفس الفيس بوك وحسب ما قريت فيه مميزات احلى بس ما جربته
لأني ما اعرف حق الفيس بوك وايد ،،
وعلشان اتعرفين ايميلج اللي شغالة عليه اتروحين صوب
settings
accounts & sync
بتدخلين على القسم هذا راح تلاحظين اذا كنتي مثلا مسجلة في السكايب
اح يعطيج ايميلج او نك نيمج في السكايب
ايميلج في الفيس بوك
عند خانة google
راح تلقين ايميلج اللي تفعل فيه الماركت في جوالج
وهو نفسه الإيميل اللي بيتعامل مع الميل والجي ميل في جوالج ،،
مثلا خلينا نقول الإيميل مب عاجبج وسويتي غيره ،،
بكل بساطة اتفرمتين الجوال بعدة خطوات بسيطة وعقب تفتحينه راح يطلب منج
تفعلين حساب اهنيه اتحطين ايميلج اليديد ،،
نصيحة : ادخلي الماركت في الاندرويد نزلي اكثر من نسخة لأي برنامج
جربيه واحد واحد ،، ما اعجبج احذفيه ،، احكمي على البرامج من خلال
تعاملج معاه ،، ممكن هالشي يعجبني بس ما يعجبج ،،
واذا حبيتي تحذفينه اتروحين
settings
applications
manage applications
بكل بساطة مرحبا بج في عالم الاندرويد ،،