كل واحد يحط اسم افضل مطعم في قطر او الحساء .... وافضل وجبة

[البدع]

اخوان الأفغاني فرع الغرافة
مندي لحم

يم يم

اليوم جربته

الصراحة شيء عجيب

وماشاء الله زحمة عنده

الله يزيده ويزيدنا

[البدع]

السلام عليكم يا اخوي شوف انا باقولك روح مطعم لوزار الي في الحي الثقافي كتارا انا اول مره رحت له طلبت و توهقت وفي ناس وايد احسهم يتوهقون اول مره يزورون هالمطعم

المره الاولى طلبت من سوق السمك الي هو مصففين السمك قدامك على الثلج و طلع وايد غالي وشوي طلع الاكل

والمره الثانيه رحت وطلبت من المنيو بعد مب شي طلع الطلب غالي والاكل شوي

والمره الثالثة كنا وايد اشخاص طلع بعد غالي بس اكل وايد طلبنا

والمره الرابعة ضبط الطلب وتم هذا طلبي المعتاد

شوف اذا شخصين او ثلاث اشخاص اطلب التالي :

1- عدد 5 حبات كلماري ( خثاق ) قطع صغيرة مقلي / او عدد 2 كلماري ( خثاق ) قطع كبيرة بعد مقلي. تحمل تطلب 5 حبات كبار بيطلع وايد
2- 6 حبات ربيان بحريني مقلي
3- قطعتين هامور استيك مقلي

هذا الطلب يكفي ويزيد حق شخصين والحساب 200 ريال تقريبا مع البيبسي

انصحك ماتطلب ام الربيان او استكوزا لانه غالي وايد والاكل قليل العصير حلو لكنه غالي وايد والماي المطارة ب 20 ريال بعد اشوفهم مبالغين

بس انا اقولك دايم هذا طلبي من عندهمم انا والمدام و3 من اعيالي صغار ويكفينا ويزيد الاكل والحساب عمره ما تعدا 220 ريال مع البيبسي

والله يوفقك واتمنى اني فدتك وفدت باقي اخوانا الاعضاء

واذا تبي مقبلات حق شخص واحد ب 35 ريال بس مب لذيذه

وخذ من عندهم خلطه لونها اخضر نعناع مع ليمون وثوم هم بيجيبون لك منها شوي اطلب منها زياده عادي فري بس خوش شي

يعطيك العافية

الصراحة انا هذي المطاعم ماحبها

احب المطاعم الشعبية

[البدع]

بسم الله الرحمن الرحيم

اسم المطعم :

مطعم ستيك هاوس



الموقع :


فيلاجيوا


الوجبة :

تي بون ستيك + بطاطا مهروسا بالزبده .



الحساب للشخص : 110 ريال تقريباً .

وفيه العافيه

جربته في امريكا واليابان

حلو

بس الشعب القطري معروف عنه انه مش من عشاق الستيك

الامريكان ذبحتهم الاستيك

[البدع]

,, قطر ,,

1- بخارا
2- السفير
3- السنبوك
4- الجازي
5- عرش بلقيس
6-ريكس
7-شيزان > بوفيه




وبالنسبه للأحساء

1- توباز بالمرتبه الاولى عندي ويوم أمس متعشي عنده
2- المطعم الهندي في فندق انتر كونتيننتال
3- مطعم مروج بالقرب من العاب الحكير .

يعطيك العافية

بس ياليت تحط اسم الوجبة الشهيرة في هذي المطاعم

شو الوجبة الي تعجبك عندهم

[البدع]

ذكرتني بايام زماان اياام الثاانويه يوووه 95 و 96مطيحين في هالمطعم ذاكر شوربة الدياااي و مجبوس الديااي عندهم خطير تقول طبااخ بيت

تكبرنا على مطعم سااره اياام التكسي البرتقاالي

مرة اخذت واحد من الشباب هناك

ماتنزل ينزل من السيارة

استحقر المطعم

بس اكله ولا اروع

الدنيا والفلوس غيرت ناس كثير

[البدع]

احس ان الوصف غلط شوي

معليش

عند دوار المرخية يسار مو يمين مثل ماقال صاحبنا الطيب

[البدع]

لولا اختلاااف الاذوااق لباارت السلع
احياانا من الكسل الوااحد يمر اي مطعم يحصل عنده شي عالسريع
بس الفول والعدس عنده عجيب

جربت الفول وماعجبني

بجرب العدس المرة الجاية

ولاحظت اغلب الي في المطعم مركزين على الفول

[البدع]

وايد مطاعم انذكرت بس خل نعطيك شوية نصايح في مطاعم واكلات:

المطعم المكسيكي في الماريوت:
الاكل: ما سمعت ان في مطعم مكسيكي غيرة في قطر واكلهم الصراحه واااايد حلو ,, نصيحتي تطلب ستيك فيليه اللي انت تطبخه في الطاوله على حجر رخام ,, بس لا تطبخه وايد خله شوي طري وغطه في السوس واكله
السعر: غالي شويه بيطلع للشخص في حدود 200 ريال
----------------------------------------------------------
مطعم بحر الخليج في الغرافة
الاكل : انا سمعت ان المالك بحريني وهو بنفسه معلمهم الطباخ واكلهم اقرب لاكل البيت منه للمطاعم. عنده طلبات حلوة بس عليك بالعيش الشيلاني والصافي احلا طلب عندي
السعر: معدل الطلب الواحد ب 30 ريال
------------------------------------------
بوفيه المؤكولات البحرية في الشيراتون ( يوم الاربعاء في الليل فقط )
الاكل: كل ما لذ وطاب من الاكل البحري
السعر: 200 ريال للشخص
------------------------------------------
لوزار - الحي الثقافي
الاكل: الصراحه اعتبرة انظف وافضل مطعم بحري في قطر ,, كل شي عندهم حلو ,, نصيحتي جرب سمكه الحمام المشوية مع صالونة الربيان والعيش بالدهن
السعر: يعتمد على طلبك بس مقارنة بالمطاعم البحرية الراقية في قطر اشوفه احسن سعر ، اذا استخفيتوا وما خليتو شي والا طلبتوه تقريبا بيطلع في حدود 250 ريال للشخص


مطاعم الؤلؤه تعبانة كلها ,, على اساس انها مطاعم عالمية وفخمه بس الصراحة ما جا في العالمية طاري ابدا ,, اكلهم تعبان واسعارهم مبالغ فيها واااايد ,, انا جربت مطاعم ميشيلان ستار (جهه عالمية تقيم المطاعم في العالم وتعطي المطاعم من نجمه لي ثلاث نجوم , الحصول على نجمة واحده يعتبر انجااااز كبير وهناك اقل من 80 مطعم في العالم حاصل على 3 نجوم ) والصراحة هناك حقا يهتمون بأصغر التفاصيل

مطعمي المفضل في العالم هو مطعم نوبو ( ياباني ) في نيو يورك , وحاليا فتح في دبي في اتلانتيس ,, اللي يبي يجرب اكل جديد يروح هناك ونصيحتي تقولون حق الويتر ميزانية معينه وهو يختار لكم الاكل اللي يجيبة بس ترا بتدفعون وانصح ان تحددون تقريبا 400-500 ريال للشخص
وترا المطعم ياباني يعن عندهم سمك ني الخ الخ بس اللي يحب هاي الاكل بيذوق شي ما ذاقة

واسف على الاطاله

تسلم ......

ولو اني ماحب السمك

يعطيك العافية

[البدع]

مطعم اسمه ( خوش كباب ) صوب العالم الجديد على يمين مطعم لامازاني اعتقد اسمه


عنده جوانح مشوية اف اف اف عليها

ولا الكفته ياسلامي والله

بالعافية للجميع

حطيناه باللستة

[البدع]

مطعم تشاو الايطالي في شارع سلوى واااايد حلو وخصوصاً أكلة الروزيتو

جربته مرة وماعجبني