كل واحد يحط اسم افضل مطعم في قطر او الحساء .... وافضل وجبة

[s4qatar]

احلى مطعم في الدنيا مطعم بابااااااااااااااااي اللي في شارع الكهربا
احلى ذكريات وسندويشات الدجاج بالكاري والعادي وورق العنب والحمص ممممممم
والدجاااااااج والمتبل
او لالالاا يفوتك الشكن برغر مالهم
لا يفوتك العدس مع الرز الابيض،،، هذا المطعم مايحتاج دعايه كم مره نلقى الامير يطلب من السياره....

./.

وشوربة الدجاج الخطيرة

[Abdulraman]

صراحه مافي احسن من مطعم ساره وتطلب مخ عشان تعدل مخك

[..الاميرة..]

وش سالفة الحريم مع الفنادق

مافي مطاعم شعبية

او مطاعم في الدواعيس مثل سارة وابوسالم

يعني اطيب وانظف وارقى طبعاً إذا حبيت تاكل برى البيت ..

وترى ناكل من المطاعم الثانيه بس طلبات خارجية (للبيت) مثل :

مطعم شبستان - البيت الشامي - مطعم النبلاء في سلوى وغيرها ....


بس ما فيه مانع ناكل من مطاعم الدواعيس

حط لنا ولا تهون ياخوي خريطة مطعم سارة وابو سلوم بالتفصيل الممل ترى من صجي ..

[البدع]

بشرر شلون كانت التجربه

مارحت الصراحة

قررت ابدا مطاعم (الدواعيس) اول شيء ... عشان ادعمهم مساكين

عقب الفخفخة

بس اكيد بروح له

[البدع]

وشوربة الدجاج الخطيرة

اليوم عشاي في باباي

وبشوف بعيني وبحش في بطني بالكلام الي تقولونه

[البدع]

صراحه مافي احسن من مطعم ساره وتطلب مخ عشان تعدل مخك

انا يعجبني عنده (لحم مخصوص) او خصوصي

والهريس الي لونه غريب

بس مخ ماجربته

بس يبيلي اجربه

[البدع]

يعني اطيب وانظف وارقى طبعاً إذا حبيت تاكل برى البيت ..

وترى ناكل من المطاعم الثانيه بس طلبات خارجية (للبيت) مثل :

مطعم شبستان - البيت الشامي - مطعم النبلاء في سلوى وغيرها ....


بس ما فيه مانع ناكل من مطاعم الدواعيس

حط لنا ولا تهون ياخوي خريطة مطعم سارة وابو سلوم بالتفصيل الممل ترى من صجي ..

مطعم ابوسالم:

دوار التلفزيون وكانك رايحة دوار المرخية

عند دوار المرخية تاخذين يمين - وكانك رايحة مدينة خليفة

عند دوار مدرسة خليفة الثانوية تاخذين يمين

اول دوار يجيك تاخذينه يسار

بتسوفين دواااار صغير وبجنبه معصرة بوسالم

احلى شيء عنده البرجر لحم .... يجنن

وسندويش لحم

[البدع]

مطعم سارة:

تاخذين جسر الجيدة وكانك رايحة اشارات كيوتل القديمة

بتشوفين الهوم سنتر

قبل الهوم سنتر في لفة يمين ... تاخذينها

تمشين 500 الى 800 متر وبتشوفين شارع ضيق .. تلفين يمين وتشوفين مطعم سارة على بعد 200 متر على يدك اليسار

شكله غلط

وحاط الوان قوس قزح قدام المحل

[..الاميرة..]

مطعم ابوسالم:

دوار التلفزيون وكانك رايحة دوار المرخية

عند دوار المرخية تاخذين يمين - وكانك رايحة مدينة خليفة

عند دوار مدرسة خليفة الثانوية تاخذين يمين

اول دوار يجيك تاخذينه يسار

بتسوفين دواااار صغير وبجنبه معصرة بوسالم

احلى شيء عنده البرجر لحم .... يجنن

وسندويش لحم

مطعم سارة:

تاخذين جسر الجيدة وكانك رايحة اشارات كيوتل القديمة

بتشوفين الهوم سنتر

قبل الهوم سنتر في لفة يمين ... تاخذينها

تمشين 500 الى 800 متر وبتشوفين شارع ضيق .. تلفين يمين وتشوفين مطعم سارة على بعد 200 متر على يدك اليسار

شكله غلط

وحاط الوان قوس قزح قدام المحل

تسلم ياخوي ماقصرت ..

شكله لازم اطرش أحد يجيب الطلب ما ينفع انروح له ..

[almaf1a]

افضل شاورمة شاورمة الهندي سوق العلي اعتقد اسمه العروبه.

اي بطنيييي
لا يبا الله يبعدنا منه
الاول البطن يستحمل هل المطاعم اللحين الواحد يخاف