رسالة تحمل معاني كثيرة تحمل عنوان (ليش!!)
حسن الساعي- الزيادة المرتقبة للموظف القطري في المستقلة متى يا ترى؟ هل سنراها قريبا أو أنها ما زالت حبيسة الأدراج؟
- الزيادة لغير القطريين والحمد لله انفتحت لها الأدراج بكل سهولة، وسنت لها القوانين.
ليش ممكن أحد يجاوبني
ليش القطري ما اشتملته الزيادة في راتبه واشتملت غيره؟
ليش يرجع مقهور ومتضايق مهب حسد أو زعل أن غيرنا خذ، لا والله غيرنا فعلا يتعب ويشقى مثلنا ولكن قهرة من لعبة الأعصاب والوعود الزائفة.
ليش أتضايق في يومي وأكره شغلي وبيتي وعيالي وحتى الزوج بدأ يحس وبدأ ينفر مني.
ليش تواعدونه
ليش توهمونه
ليش ما تطلعون بشكل رسمي وتعترفون لنا بالواقع في زيادة ولا لاء؟
وإذا في متى واشكثر؟
وإذا ما في أحسن وجزاكم الله خيرا
ليش البعض يوقف في طريق البعض الآخر.
ليش احنا ما نسعى لخير بعضنا.
ليش نقوم الصبح متأملين خير
وليش نرجع من شغلنا حسرة وألم ما له حل؟
ليش انت تطلب لنفسك الألف والألفين؟
وليش لي أنا الامية والميتين؟
ليش انت تفرض علي القيود والخطوط والممنوع؟
وليش انت لك كل الحدود بلا حدود؟
ليش منعت استقالتي وتقاعدي؟
وليش نفرتني من عمل أحبه؟
ليش اعيالنا ما عادوا لهم حب الاطلاع والتعلم؟
وليش ازواجنا يدورون لنا على شغل برع؟
وليش انت ما تجاوب يا صاحب الشأن؟
وليش تتحامى وراء ألف ظل وظل؟
ليش البرج عالي وأبوابه كثير؟
وليش برجنا واطي وأبوابه قليلة؟
ليش ما تشوف حالنا واحتياجنا؟
ليش بعضنا زار العيادة؟
ليش بعضنا لقي نفسه برع الحسبة؟
وليش بعضنا وقف يراجع الحسبة؟
ليش الخبرات لقت نفسها مع السلامة؟
وليش الكفاءات اتبعتها على نفس المنوال؟
ليش مصيري بيد إنسان يمكن يكون ظالم؟
وليش يكون وجودي مرتبط برضاه؟
وليش بعضنا يقول ليش؟
وليش انتوا دايما جوابكم
من غير ليش؟
منقوله من جريدة العرب
مقال حسن الساعي
|
رد مع اقتباس
المشاركة الأصلية كتبت بواسطة حرقطر
