اخواني و خواتي
حابه اسألكم حد من اللي رفع كتاب تظلم بخصوص التقييم السنوي استفاد وتعدل تقييمه ولا لا
انا موظفه المجلس الأعلى ملتزمه بدوامي من اجي الين يخلص الدوام ماقوم من مكتبي وكل شغلي اخلصه اول بأول ماعندي شغل يتم لين يوم ثاني وشغلي يبي له ضبط نفس لأنه يتضمن التعامل مع الجمهور وكلكم تعرفون التعامل مع الجمهور يبي له بال طويل منهم العصبي منهم المتفهم فنتعرض لمواقف ومضايقات في احيان كثيره ومع هذا الحمد لله ولا مره بينت لأي مراجع شي يكرهه مني و كثير منهم يروحون وهم يدعون لنا الحمد لله ماعرف شنو المطلوب مني اكثر من هشكل عشان اكون موظفه ممتازه في نظرهم عطوني تقييم جيد فقط والموظفه اللي اتجي تحط الشنطه على المكتب وتاخذ سويك السياره وتطلع او تقعد ادور بين المكاتب وماتخلي حد في حاله متهاوشه مع الكل وتهاوش المراجعين عطوها ممتاز
وحابه اي شخص يقدر يضبط لي صيغة كتاب التظلم ولا عليكم امر
السيد / مدير إدارة الشئون القانونية المحترم
السلام عليكم و رحمة الله و بركاته
أود إحاطتكم علماً بأنني قد تسلمت تقرير الإداء الوظيفي عن العام الدراســـــــــي ( 1010 / 2011 ) و فوجئت بتقدير ( جيد ) رغم التزامي بالدوام و أداء الأعمال التي أكلف بها دون تأخير أو تقصير و عدم حصولي على أي لفت نظر أو إنذار كما أنه لم يتم توقيعي على التقرير المبدئي لمستوى الأداء .
لذا أتقدم بتظلمي هذا للتكرم بالبت فيه حسب الإجراءات القانونية المتبعة لديكم .
و تفضلوا بقبول فائق التقدير و الاحترام ،،،
مقدمه :
الرقم الوظيفي: .. / .. / 2011
|
رد مع اقتباس
المشاركة الأصلية كتبت بواسطة همسه
