استفسار : ابغي اسافرمن يقترح لي دولة اقضي فيها اسبوع جميل وهادئ

[المسافره]

تايلاند حلوه واجد ويناسبها اسبوع

[فيصـــل]

اختي ما انصحج بتايلند لان ديره بصراحه وصخه والخمور ولحوم الخنزير الله يعزكم فكل مكان ..

وبتتلعوزين مع الاكل الحلال ..

روحي ماليزيا حلوه او المالديف .. وفيه جزيرة اظن فاندونيسيا يمدحونها نسيت اسمها

واذا الخليج .. عندج صلاله حلوه

بالتوفيق

[HiTec]

الجزيرة في اندونسيا - بالي

اسبوع
عندج خيارات كثيرة وحسب انتي وين رحتي قبل
تركيا
ماليزيا
الصين - لازم الاجزاء الشمالية بكين لان كوانزو وشنزن وهونك كونك حر هالايام

[ابو علاوي]

لاتروحين تايلند
حااااااااااااااااااااااااارة ورطوبة ووصاخة ومسخرة وريحة شينة

واذا رحتي لاماكن حلوة بتايلند رح تعذبين بالاكل الحلال
لان الاماكن الحلوة مافيها عرب للاسف



روحي تركيا براااااااااد على كيفج

[مهل]

4 ايام في مكه ( يتخللها في يوم زياره للتسوق في مدينه جده و ايضل يتخللها يوم زياره للهدى)
3 ايام في المدينه

وصل الله وبارك .. باقي الدول السياحه اما حاره اما مزدحمه اما كلن سان سكينه يبي يقصب السياح

[(حوريه)]

اوكي شكلي باختار تركيا

[بـــــــنت النوخـّــــذه]

لاتروحين دول عربيه كلها ثورات وتهديد ل (000000)

[المـهـفـة والـســفـرة]

الرسول صلى الله عليه وسلم قال لنا :
لا تشد الرحال إلا إلى ثلاثة مساجد ، المسجد الحرام ، ومسجدي هذا ، والمسجد الأقصى .
فأتركي ياأختي الفاضلة الدنيا عنج , ونحن مقبلين على شهر رمضان.

وآجر الصلاة فيهم بــ 100 ألف وصلاة بـ 1000 وصلاة بـ 500 صلاة.

ولج القرار والإختيار ,, وفقج ربي لما يحبّ ويرضى،

ولانزكي أنفسنا على الله ولا أي من خلقه .

[رآعي موآجيب]

الصراحه انا استغرب من بعض الردود


صاحبة الموضوع كاتبه (( أبغي اسافر )) في قسم (( السياحه والسفر ))

وحددت دولتين و واضح من اختيارها انها تبغي تتبرد كم يوم وتاخذ لها لفة سياحيه

وبعض الأخوه والأخوات يقولون روحي مكه افضل وروحي جده لأن جده غير !!

ياجماعه جزاكم الله خير هذا قسم للسياحه والسفر ، واللي ما ينصح بالسياحه والسفر عنده حل من ثنين ، يا اما ما يدخل هالقسم ويريح راسه ، او يكتب للأداره ويطلب منهم حجب القسم من عنده بشكل تام
آدري ان النصيحه مستحبه وانتوا نيتكم صافيه وتبغون الخير للناس والله يعطيكم على قد نواياكم

ولكن هذا يعتبر من التعدي ، انشد عن موضوع ويجي شخص ويقول لا خل عنك كذا وروح لكذا !!

ما يصير الله يرضى عليكم

=======

تركيا زينه هاليومين وبارده بس مصروفها شوي اغلى من الأردن وتونس

وانصح بتركيا طبعا

بالتوفيق ان شاء الله

[م.زووس]

السوووووووووويد احلى دولة من ناحية الطبيعه والهدوء
ولندن حلووه من ناحية الطبيعه والحشره والازعاج