السلام عليكم ورحمة الله
وبدت أخيراً الإجازة الرسمية للمدرسين والمدرسات الله يعاطيهم العافية
ويأجرهم على التعب الذهني والنفسي والحركي طوال العام
عندي نية أسافر هالخميس 21\07\2011 بر
هل تتوقعون بتصير زحمة عالحدود في هالوقت تزامناً مع بدء الإجازة
بالإضافة إلى إنه ويكند.. وأسباب آخرى... عمرة.. وقبل رمضان..إلخ
ولا تتوقعون الأمور عادية مثل أي خميس؟
أرجو الإفادة من خبراء سفر البر وأصحاب التجارب
حتى أعرف هل يسوى علي أسافر عصر الخميس ولا أأجل إلى الجمعة الصبح..
السنه اللي طافت طحت في الزحمه .... ٣ ساعات في حدود سلوى و٣ ساعات في حدود الغويفات مع ان سفرتي كانت تسع الصبح. انصحك اجلها ليوم الجمعه وشتري راحتك
halcrow
يرحم لي والديك مشاركتك بتجربتك
شكلي بعيد النظر وأمشي على اقتراحك
جزاك الله خير
تسافر بالسلامة باذن الله
وياريت الاعضاء ينصحوا بافضل وقت للسفر عبر بوسمرة
هل بعد العصر ولا بعد منتصف الليل
ايهما افضل
انا اليوم مسافر العصر ومتردد وخايف من زحمه المركز
سبحان الله
أنا بسافر اخر الليل او بكرة
مب فاضي زحمة
اعتذر عن عدم القدرة على الرد ... لاني سأتوقف نهائيا عن الكتابة بالمنتدى
مع تمنياتي للجميع بالصحة والتوفيق
لا اله إلا انت سبحانك إني كنت من الظالمين
اتصلت في مركز بوسمرة اليوم الساعة 10:30 الصبح
قال لي الريال جزاه الله خير إن في الزحمة نفسها اللي بدت عندهم من أسبوع...
الله اعلم من بعد الدوامات..
أنا عني مسافر بكرة الصبح أو الظهر بإذن الله
احنا سافرنا الاسبوع اللي راح نص الليل بس مركز الدوحة وسلوى كان سهالات
اما البطحاء طلعت روحنا من الزحمة وماتوقعنا هالزحمة
والغويفات زحمة مووت بس سهالات
يعني من سبع ساعات للامارات اخذنا 12 ساعه
حتى لو العصر بيكون نفس الشي
يعني الله يستر من الاسبوع الجاي وقبل رمضان
تحياتي لكم وسفرات ممتعه
افكر دوم في غيابك .. واخاف اسأل و تتكبر
يالغالي انا الحين بالرياض وكنت في مركز سلوى الساعه سته ونص الصبح بصراحه تفاجأت من الزحمه وخصوصا صوب التأشيرات لانه كانت معاي الخدامه فاتوقع والله العالم بتصير زحمه مش طبيعيه الظهر والعصر
الحمدلله عالسلامة يا بوسعود
الله يعينيك ويعين كل المسافرين... وخاصة اللي معاهم عوايل وخدامات
ضوابط المشاركة
رد مع اقتباس