وين ممكن احصل محل يركبلي بعد بدال عوار الراس اشتري وادور حد يركب
|
وين ممكن احصل محل يركبلي بعد بدال عوار الراس اشتري وادور حد يركب
مرحبا اخوي بو حمدالمشاركة الأصلية كتبت بواسطة bu 7amad
الله يباركلك في بيتك واهلك وعيالك
والله اخوي كلامك مضبوط 100% مب كل شي غربي معناته احسن شي
بس اخوي بسألك من متى مركب الرخام العماني؟ ومن وين خذته؟ لانه ياخوي سعره وايد زين
الله يوفقك ان شاء الله ويجزاك الف خير والله يريح بالك مثل ما ريحت بالي وبال كثيرين كانوا مترددين في شراء الرخام العماني
مرحبا اخوي
انا سمعت والله من الربع انه مركز الرخام والجرانيت اللي في بروه عنده ناس يركبون وبعدين يسوون الجلي للرخام بس والله مب متأكد وياريت الاخوان يفيدوننا وانت تقدر تتصل فيهم
وبقولك سالفه انا رحت المتحده للتجهيزات اللي في سلوى قال لي ما عنده حد يركب الرخام بس ممكن يدلني على ناس يركبون الرخام والناس متعامله معاهم روح لهم وشوف
وان شاء الله اذا عرفت شي بخبرك ولايهمك
خذته من جلف ستايل قريب مطعم الساحة تقاطع المجنون
الله يعطيك العافيه والله اشوف اعلاناتهم في الوسيط بمر عليهم ان شاء الله
بس اخوي كم تعطيه تقدير من عشره؟ ومتى اخوي مركبه؟
الله يسلمك اخوي مهندس وماقصرت على الكلام الطيب
خذته سلمك الله من نابينا اللي صوب المطار وصارله تقريبا سنه ونص
اسمحلي على الرد المتاخر
تسلم ياخوي على ردك وريحتني زياده انك قلت انك ماخذه من نابينا ومن سنه ونص
الله يجزاك خير ان شاء الله ومن الحين اقولك مبارك عليك الشهر
شوف يا خوي مهندس اسهم
انا باعطيك نصيحه لوجه الله وماعليك من اي فورمان ولا مقاول ، لأني انا مقاول وابني
وأشطب لنفسي فقط ،،،،، حلو
انت تعرف ايش مشكلة ربعنا في البنيان وبالذات ( مشكلة بيت العمر ) اللي ودت الناس في
مصايب ، ومن دين الى دين ويالله لحق عاد انت اركض ورى السداد !!!
وأخذها مني نصيحة مقاول مايبي منك ريال وللأخوان معاك ..
اياك وتحمل بعد !!! تشتري شيء غالي مثل الرخام الايطالي ولا الاسباني وتدفع فيه دم قلبك
ويكون تركيبه تعبان ،أو انك تستخسر في التركيب وتظن ان نوعه ولا سعره بيغطي عيوب
الشغل ، تأكد انه راحت حلاوته ولو ركبت سيراميك كان احسن لك
اللي ابيك تعرفه انسى موضوع الاسباني ولا العماني ولا التركي
أهم شيء يكون اللي يركب لك الرخام معلم صح الصح ، ومنقيه على الفرازه وتشوف شغله
قدام عينك ومب انت اللي تستلمه منه (((((( حط تحتها مليون خط )))))) لازم اللي يستلمه
استشاري ، وإذا رفض الفورمان ولا الشركة اللي بتشتغل لك ان استشاري يستلم منها الشغل
شوتها برجلك ، اعرف انه مب مضبوط ، الله يعز الجميع . ركز على التركيب اهم شيء
انا راح اعطيك مثل بسيط تمام :
انا في بيتي مركب رخام عماني ،،،،، ها اشرايك والحمد لله الخير موجود كنت اقدر اركب
ايطالي ، بس ركبت العماني لأنه كان خاطري في النوع بالتحديد ودرجة اللون
لكن اللي ركبوا لي الرخام عمال انا بنفسي جايبهم من الهند حق شركتي ولا ملحقين
وصدقني شغلهم من تركيب وجلي للرخام وتلميع ودهن الجل اللي فوق الرخام ولا فندق
الشيراتون .
فلذلك انصحك مب مهم النوع بقدر اهمية وجودة الشغل وحاسبني على كلامي
أخوك المعضادي
انا اشهد انك سنافي يا سيف العرب
جعل الله قبرك روض من رياض الجنة
الله يجزاك الف خير اخوي المعضادي على النصيحه الحلوه هاذي
وفعلا كلامك صح ومضبوط مليون في الميه التركيب وطريقة الجلي والتلميع اهم مافي الموضوع وان شاء الله باخذ نصايحك وبطبقها بحذافيرها
يعطيك الف عافيه اخوي ومبارك عليك الشهر والله يوفقك ويزيدك من خيره
جزاك الله خير اتصلت مركز الرخام والجرانيت بس انتظرهم ياخذون القياس والله يسهل
ضوابط المشاركة
رد مع اقتباس
