اي طلعت براءه .. بس محتاج نفحص على عضلاتك صالحه للتمارين ام لا
اخوي مرتبش راح يسوي لكم اختبار داخلي منتدياتي معنوي
اما عن اخونا خلدون
طلع قصته قصه جايده وفيها طفوله .. ومراهقه .. وفشل .. وتحدي
وووو.. يبيله قعده رياضيه .. تأهيليه من جديد
الله يحفظكم يارب .. ويعطيكم الصحه والعافيه
جملكم الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
مداخلات جميلة عن الحديد
متفهم وجهة نظر خلدون على الاخر.. شخصيا دخلت الحديد وتركته اضطراريا (مشاغل الدنيا) ورجعت له وتركته بعد فترة اضطراريا ( اصابة) وحاولت عقبها ورجعت الاصابة فتوكلت على الله ونسيت موضوعه ..
لاحظ الاجانب ( عنجليز وشلتهم) يلعبون حديد وهم كبار..الفرق بينا وبينهم ايضا يرجع للسر اللي كشفته في مداخلتي الصباحية عن معشر العرب..احنا ماعندنا وسط ياتدريب حديد شديد واوزان او لا شي (صدقوني شباب توهم ايام في الصالة وطايحين في الاوزان العالية وما شاء الله يشيلون) يمكن هو حماس زائد..الله اعلم .
المهم.. انتبه للطريقة الصحيحة لاداء التمارين..خذ راحتك في التأقلم مع التمرين باوزان اقل الى ان تتقن التمرين ..استفيد من تجارب المدربين والشباب المجربين..لا تنسى التسخين الجيد وتمارين التمدد (كله متعارف عليه في النادي).. والله يوفقك
كابتن تحداني ما شاء الله نصايحج مفيدة ورائعة وابقاء روح التحدي والاصرار لهالموضوع شي مميز جدا وتشكرين عليه..يعطيج العافية
بارك الله فيج
بناء على هذا التحدي انا صرت احس الحين من هذه اللحظه اني ما اقدر اترك الحديد و انه مصير هذه الرياضة الحين صار متوقف علي و اني صرت مسير مب مخير و اني لازم البي المسؤولية المطلوبه مني لرفع شأن هذه الرياضة ان شاء الله
الوعد بعد سنة ان شاء الله بس ما اعرف اي ساعة علشان اقولج النتيجة
التمدد اعني stretching
يمكن له مسمى اخر
شوف الصورة كمثال
ايضا انتبه لما تمارسها ان بعض الاشخاص عندهم ليونة عضلات اكثر وبامكانهم التمدد اكثر من الاخرين.. كل شخص على مقدرته
الله يرضى عليك يا اخوي مرتبش هذا بفضل الله عز وجل
ومن ثم بفضلك وتواجدك الدائم مع الموضوع والاخوان والاخوات
وبفضل بعض الاخوان الي مصرين يتحدون اي صعوبات تواجههم
اي ساعه يا اخوي خلدون ؟؟
الساعه الي تلقاني فيه وتحس انك انتهيت من المده المحدده للتحدي
...........................
في شي استوقفني في هالموضوع والي لفت انتباهي لهذا احد الاعضاء
ان نسبه مشاهده هذا الموضوع عاليه جدا .. بالرغم المشاركات المكتوبه قليله لو تم مقارنتها
يا ترى كل هذا الكم الكبير من الاشخاص الي يتابعوننا ايش سبب صمتهم ؟؟
هل نحن قاسون ؟؟ ام كلماتنا جارحه ؟؟
ام نصائحنا لا تحلم طابع الهدوء ونلجأ احيانا الى الصوت العالي في رسم الاراده والاصرار ؟؟
اسئله كثيره ولا اجد لها اجابات .. وهذا شي يحزني كثيرا
واضع اللوم على نفسي والنصف الاخر اضعه على اخوي مرتبش ..
ما ادري اشرايكم
جملكم الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..