صفحة 1 من 2 12 الأخيرةالأخيرة
النتائج 1 إلى 10 من 17

الموضوع: ملف المشاريع الصغيره لربات البيوت

  1. #1
    عضو مميز
    رقم العضوية
    22467
    تاريخ التسجيل
    Oct 2008
    المشاركات
    4,438

    Lightbulb ملف المشاريع الصغيره لربات البيوت

    بسم الله الرحمن الرحيم

    تنويه
    الموضوع منقول من عدة مواقع


    أولا أفكار الأخت (بزنس ومن ) من أحد المواقع الخليجية

    اول هذه المشاريع

    :_تصميم الشيل :-

    تكلفة المشروع كبداية 1000 درهم

    المواد المطلوبة

    20 شيلة قيمة كل شيلة 15 درهم وتكون الشيله ساده تمام

    التكلفة الاجمالية للشيل 300 درهم

    بعدين تروحين لمحل بيع ادوات الخياطه

    وتشترين الاسياء الحلوه اللي ممكن تسوين منها الشيل

    فيه في محل ادوات الخياطه وايد اشياء تتركب على الشيل

    وتاخذينهم وممكن يكلفج 200 درهم

    و طبعا اللي تقدرين تسوينه في البيت سوية واللي يحتاج خياط

    وديه للخياط وعطيه المديل وطبعا حطي لج مبلغ للخياط

    و طبعا لازم يكون لج توقيع معين على كل شيلج اللي بتصممينهم

    بعد ما تخلصين الشيل يبدا التسويق وحبذا لو تشترين لج كياس بلاستك شرات اللي

    يستخدمونهم في محل الشيل والعبي وتحطين شيلج فيهم

    او تروحين مصنع الكراتين لو كان قريب من امارتج وتخلينه يسوي لج كراتين

    بعدد الشيل وباسم توقيعج على الشيل

    التوزيع يا اما من خلال المنتديات او تتعاقدين مع 4 الى خمس محلات

    يعرضون لج شيلج مقابل نسبة معينه

    ====================

    الفكره الثانية لليوم هي :-

    المطبخ الشعبي او صبابات القهور

    هذه الشغله تحتاج راس مال بسيط الى جانب رخصه تجارية

    اولا عليك استخراج رخصه تجارية للعمل من المنزل اما مطبخ شعبي او صبابات قهوة

    بعدين تجهزين لج مطبخج بالافران و ممكن خدامتج تساعدج

    وعند الحاجه تجيبين خدامة اهلج تروحين تلفين على مكاتب متعهدين الافراح

    وتعرضين لهم قائمة المؤكولات والحلويات اللي ممكن تنفذينها مع الاسعار

    واحسن شيء تكون عندج فكره عن اسعار السوق

    عشان تكون اسعارج اقل من اسعارهم وتكون منافسه في حال جاتهم طلبات يتصلون عليج

    وطبعا لازم يكون بينج وبينهم عقد مكتوب + عربون مدفوع

    ثانيا اللي لها علاقات جيده بالمدارس ممكن تعرض خدماتها

    بتوفير اكل صحي وسندويتشات صحيه للطلبة وباسعار معقوله

    وتتعاقد مع المدرسه خاصه انها تملك رخصة تجاريه

    بعدين بالنسبة لصبابات القهوة نفس الشيء تعرض خدماتها في الاعراس

    وعلى مكاتب تجهيز الاعراس


    الملف الجديد صناعة البخور و العطور

    اولا اخذ دروس مكثفه في صناعه البخور من احدى الدورات

    او من خلال الانترنت بعدها القيام بتجارب عده طبعا بعد ما نكون اشترينا

    الادوات الاولية لصناعة البخور من العطار

    بعدها نعمل عينات بسيطه من كل خلطه ونقوم بتوزيعها على الاهل والاقارب بقصد التجربة

    اكثر نوع سوف تتلقين المديح عليه قومي بانتاجه وتوزيعه

    بشرط ان يكون الربح فيه قليل لانه في حالة الدخون كلما كان سعر المنتج معقول

    كان الاقبال عليه وشرائة حتى ولو لم يكن بالجوده المطلوبة

    والقيام بتغطية شريحه كبيرة من الزبائن احسن من تغطية شريحه صغيرة

    ====================

    مشروعنا الرابع

    بكون مشروع الدروس الخصوصية

    تكلفته المبدئية قليله

    تجهيز ركن او غرفة لديك في المنزل وتحويلها لقاعة مذاكره

    نشر اعلانات على ابواب المكاتب وغيرها

    تاخذين في اليوم عشر طلاب لمدة ساعه واحده في اليوم

    سعر الساعه 50 درهم يعني تحصلين في اليوم على 500 درهم

    تاخذينها مقدم كل يوم

    يعني في الشهر 15000 درهم وهو من المشاريع الناجحه جدااااااااااااااااااااااا

    لكن العبرة في التنوع

    يعني كل طفل يجب ان ياخذ حصتان في الاسبوع فقط

    يعني نوعي المناهج اللتي تدرسينها والمراحل اللتي تستطيعين تغطيتها

    وبامكانك زيادة ربحك مع الوقت

    ====================

    اليوم يبت لكم مشروع يديد الى وهو

    عمل البكلات والشباصات

    راس مالها بسيط تروحين وتشترين شباصات وتروحين محل لادوات الخياطه وتشترين

    الاكسسوارات اللي تريدين تركبينها في الشباصات ومسدس صمغ

    و تقعدين تزينين الشباصات وبعدها بنفس الحركه لو كنت تخجلين تبيعينهم

    ممكن في المعارض تبيعينهم او في الجمعات مع الحريم

    او من خلال محل تعرضينهم عنده مقابل مبلغ معين

    الشيء الثاني يعتمد على الابداع اللي عندها موهبة الرسم او تزين الفخار

    او صنع الاكسسوارات تشتغل على هذا الجانب

    بعد ما تكون انتجت كمية لا باس بها تعرضهم في المنتديات وخاصه اللوح والتحف

    ====================


    تجربة احدى الاخوات في نفس الموقع


    تجارة المكياج

    اول اخذت دورة بالمكياج كامل( تنظيف البشره _ومكياج البسيط وللعرايس)

    قيمة الدوره مع المكياج من 1000_3000 درهم...

    وعقب اشتريت مجموعة مكياج ماركة عالمية من امريكا وحطيت بالي بقيمة 6000 درهم

    والحمدالله اشتغلت بالكميه اللي عندي 3 شهور ...

    وطلبوا مني زبايني اني اعلمهم المكياج بالبيت لمدة اسبوع كل يوم 3 ساعات

    وكنت اخذ من كل وحده 1000 درهم وبهالطريقة نجحت في البيزنس

    والحين توسعت وصرت اشتغل بالجلابيات الكويتيه والعطورات المركزه

    ====================

    يتبع ...
    ابتسم ,,,,,,,,,,, فأنت لا تعلم اي باب من الأمل ستفتحه لغيرك

  2. #2
    عضو مميز
    رقم العضوية
    22467
    تاريخ التسجيل
    Oct 2008
    المشاركات
    4,438
    موقع مميز لتعليم الكثير من الفنون اليدوية

    http://kenanaonline.com/bnatcom/
    ابتسم ,,,,,,,,,,, فأنت لا تعلم اي باب من الأمل ستفتحه لغيرك

  3. #3
    عضو مميز
    رقم العضوية
    22467
    تاريخ التسجيل
    Oct 2008
    المشاركات
    4,438
    في موقع آخر ذكرت احدى الاخوات و التي تدعى (احب السنع ) هذه الفكرة لمشروع جديد

    مشروع لربات البيوت

    وهو صناعة المخدة او الوسائد

    المشروع لايحتاج الى تكاليف ماليه ولا يحتاج الى جهد كبير

    المعدات المطلوبة

    1_ ماكينة خياطة = 200 ريال اكثر او اقل بقليل

    2_ قماش وخيوط = 300 ريال على اكثر تقدير

    3_ بولستر من مصانع البوليسر 200 هذا يحل محل الحشو القديم

    تتم خياطة ثلاثة اوجة ويبقا القماش مثل الكيس ويحشا بالبولستر

    ويزين بالتطريز قبل الحشو

    هذا المشروع باذن الله ناجح ولا يكلف

    البولستر يباع بالكيس البلاستيك يكون الكيس بحوالي مائة ريال

    الكيس ممكن يسوي عدد كبير من الوسائد

    اما وجودة فهو موجود في مصانع الكيماويات

    ممكن البحث عنها في قوقل

    والسر في نجاح المشاريع

    ليسس فقط التميز بل

    في ان الانسان يكون من هواياته

    لكي لا يمل بعد فترة

    فالتجارة تحتاج طول نفس

    وشكرا
    ابتسم ,,,,,,,,,,, فأنت لا تعلم اي باب من الأمل ستفتحه لغيرك

  4. #4
    عضو فعال
    رقم العضوية
    29954
    تاريخ التسجيل
    Dec 2009
    الدولة
    داخل البحر
    المشاركات
    16,015
    متابعه معاج

    ماشاء الله طرق سهله وميسره

    وانا لاحظت بالفتره الاخيره بنات قطر متجهين صوب تصميم وتفصيل العبي كتجاره

    الله يوفقهم بس سالفه التدريس هذي عوار راس اهههههههه بس الي قادره عليها تتوكل على الله00

    وبالنسبه للطبخ احب اضيف بعد فكره الي عندها مهاره الطبخ لكل الاصناف ممكن اتسوي مطبخ خاص ببيتها لتعليم الطبخ سواء لبنات الديره او للشغالات الجداد فكره حلوه بعد


    متابعه معاج كملي كملي الوان ^_^

    الموضوع يبغيله اراده وعزيمه من المحيطين بعيد عن تكسير المياديف
    الله يعطيج العافيه

  5. #5
    عضو فعال
    رقم العضوية
    29954
    تاريخ التسجيل
    Dec 2009
    الدولة
    داخل البحر
    المشاركات
    16,015
    http://www.qatarshares.com/vb/showthread.php?t=466932

    هذا الرابط ممكن يساهم في دعم ربات البيوت وهو مشروع متبنيته احدى اكبر المؤسسات بالدوله

    ممكن يساهم في تعليم ودعم من ترغب بالتجاره

  6. #6
    عضو مؤسس الصورة الرمزية عابر سبيل
    رقم العضوية
    737
    تاريخ التسجيل
    Mar 2005
    المشاركات
    12,432
    فكرة موفقة..
    اسأل الله ان يبارك فيها
    و ينفع الناس منها...

    جزاك الله خير..

    *
    *
    ،،
    عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
    " لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "

  7. #7
    عضو نشط جداً الصورة الرمزية الـمـرقاب
    رقم العضوية
    32983
    تاريخ التسجيل
    Jun 2010
    الدولة
    QATAR
    المشاركات
    1,196
    أفكار حلوه وممكن تحقق مدخول جيد ومنها اكتساب مهارات جديده،
    جزاك الله خير ..}

  8. #8
    تميم المجد الصورة الرمزية بوخالد911
    رقم العضوية
    5855
    تاريخ التسجيل
    Jan 2006
    الدولة
    QTR
    المشاركات
    46,956
    الله يسهل عليكم




    ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
    [/COLOR]

    سفرتي الى سنغافورة + استراليا + بانكوك 2008


    سفرتي الى بانكوك مارس 2009

  9. #9
    عضو مؤسس الصورة الرمزية زقرتي ومزاجي
    رقم العضوية
    359
    تاريخ التسجيل
    Feb 2005
    الدولة
    بين الأمل واليأس
    المشاركات
    11,004
    الله يعطيج العافية .. ويرزق كل مسلمة ومسلم
    قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
    " لَيْسَ الشَّدِيدُ بِالصُّرْعَةِ ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ "

  10. #10
    عضو نشط
    رقم العضوية
    25144
    تاريخ التسجيل
    Apr 2009
    الدولة
    الدوحة قطر
    المشاركات
    558
    الله يعطيج العافية
    نبض الخفوق

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •