المسابقة الرمضانية الحصرية في منتدى الاسهم القطرية :(يوميات الراوي الشايب وأم بطوله)

[Qtr95]

الحلقة العاشرة

الشايب : وينج ياأم بطولة
أم بطولة : كاني يمك علامك كبرت وماتشوف
الشايب : آآآيــــه خليها على الله.
أم بطولة : الكبر شين يالشايب .
الشايب: الا... الأعيال وينهم ... ماسمع لهم حسّ.
أم بطولة: راحوا يلعبون ( بالــ )
الشايب : يلعبون بالـ(......) حزة القايلة!؟
ام بطولة: قلتلهم بس ما يسمعون الحجي.
الشايب: الله يحفظهم

(اكمل الفراغ المفقود بالكلمة المناسبة)

_______

الرسته

مبرووك !
وانت وايد فايز

الفائز هو :ANONYMOUS

والإجابة هي: الرسته وهو الشارع ..

ومبروك عليك الفنر !




وانشالله ينور دربك !

[بـــــــنت النوخـّــــذه]

الحلقة رقم (11)

(أم بطوله وجارتها أم حمد وزوليه من السدو )

الشايب : مساج الله بالخير يام بطوله

ام بطوله : هلا هلا مساك الله بالخير والسرور

الشايب : شقاعده اتسوين يا ام بطوله 00من وين لج كل هال (!!!!!)

ام بطوله : أبد العصر كنت في بيت ام حمد وكانت تغزل الخيوط وقالتلي بعد ما اغزلها انتي اخذي ال (!!!!!!) ووديهم بيتج وان شاء بكره بعون الله الصبح بنكمل شغلنا عشان انسوي زوليه السدو

الشايب : صحيح لازم يكون عندكم عدد كافي والوان منوعه من ال(!!!!!!!!!!) عشان تبدون اتسوون السدو بدون لاينقص عليكم شي

أم بطوله : اي عاد بسويلك ذيج الزوليه من السدو وبحطها بالليوان بس الحين خلني اجهز ال (00000000) الحين اخذ ولدك وروحو لعوزني ماخذ ال(000000) يحسبها طمباخيه وباييكم احط لكم العشى

السؤال: ماذا تجهز أم بطوله لأم حمد بعد غزلها للخيوط؟؟؟

وفالكم الفنر

الدجة

واخيرا" فزت معانا

الفائز هو العضو : thelord007


الجواب هو (الدجه ) : وهي مجموعة خيوط الشعر المغزولة والمبرومة بواسطة المغزل وتشبه الدجة الكرة المدورة لكنها اكبر منها حجما ، وبدون هذه الدجج لا تستطيع المرأة البدوية أن تعمل أي نوع من الاسدية

وهذا شكلها الي على الارض :



ولك واحد فنر في رصيدك





وثبتي الاجابه يابنيتنا ياشويهينه

[Qtr95]

الحقلة رقم 12 !!!



(الشايب توه راجع من المقناص )

الشايب : يالله ..
ام بطولة: يومه , يومه ,, شفيك مبهدل هاللون ؟.. شالدم اللي على ثيابك ؟..!!
الشايب: ابد , رحنا انا وبو سالم وبوحمد ندعي الطيور ..
ام بطولة: زين زين ..شلون ؟
الشايب :تلوحنا للشويهينة , بالحمام.. وأول ما تقرب الشويهينة من الحمامة , نسحبها ونكرر هالعملية عدة مرات.. وهاي يسمونه الـ (........)
ام بطولة : زين زين , عاد شصار للشويهينة ؟..
الشايب : خونت في راعيها وشردت .
ام بطولة: الحمدالله , الحمدالله , شبلاك بعوار الراس ..

( اكمل الفراغ المناسب )

التمليق
اموالق الطير
لا تقولون غلط

وانتي صح !!

الجواب هو : التمليق ..

الفائزة هي: شذى الورد

ومبروك عليج اول فنر !!

[بـــــــنت النوخـّــــذه]

(

(ام بطوله وتنظيف البيت)

أم بطولة : ياهلا ومسهلا بنور البيت

الشايب : هلابج يابعدهم ,,, شلونج وشلون الأعيال
أم بطولة : كلهم بخير ويسلمون عليك
الشايب: يسلمون علي؟؟؟؟ ليش وين راحوا؟؟؟
أم بطولة : الله يهداك وين بوديهم يعني 00 في اغراض بايته مالنا فيها حايه
وقلت لهم يروحون ( يـــ ) برع البيت


السؤال : ماهي الكلمة المفقودة بالنص والتي قالتها ام بطولة للشايب ؟؟؟؟؟؟

الرجاء ذكر المصطلح الشعبي

وفالكم الفنّــــــــــــــــر

يعقونها

الاجابه هي : يعقونها هو مصطلح بدوي وحضري اي بمعنى يرمونها والمفرد يعقون

الفائز : هو العضو المؤسس اللورد
وحصل في رصيده على فنر واحد



والف الف مبروك واخيرا" فزت

[Qtr95]

السؤال رقم (14)

(الشايب والطير الحرّ)

الشايب : يام بطوله يااااااااااااااااااااا ام بطوله

ام بطوله : لبيه لبيه يالشايب اشفيك

الشايب : الله يهداج البارحه كان مرتكز في الحوش وين وديتيه

ام بطوله : وشهو يالشايب


الشايب : يابنت الحلال الطير ماتشوفيه ماسكه على يدي بغيت احطه على (0000000) عشان يستريح وين ويديته البارحه مثبته على الارض

ام بطوله : اي تقصد ال (00000000000 ) كاهو اهنيه ثبته ذاك الصوب وحطيته احسن يلا تعال حط طيرك عليه خله يستريح عليه



السؤال : عن ماذا يتحدث الشايب وام بطوله ؟؟؟؟؟؟؟؟؟

الوكر

الفائزه : هي العضوه حنين

الاجابه : الوكر وهو مجسم الذي يربط به الطير للراحة أو النوم وهو يركز على الأرض




وفالج الفنر :

[بـــــــنت النوخـّــــذه]

الحلقة رقم (15 ) :

أم بطوله :الله حيه الشايب الطواش يا هلا ورحبا

الشايب : هلا وغلا بأم بطوله

ام بطولة : هات هات عنك اساعدك شكلك تعبان وايد

الشايب : اي والله كنت عند النوخذه بوراشد راد من الغوص وعاد جايب معاه الخير وشريت منه اللولو 00

ام بطوله : الله ياحلاتهم اشزينهم كبار وصغيرات ونتيفات وبيض ومصوفرين مهب مفروزين لحين ماشاء الله رحتلهم هالمره مبروكه

الشايب : النوخذه بوراشد مبروك ماشاء الله 00اقول ام بطوله جهزتي لي الصندوق

ام بطوله: اي صندوق تقصد الصندوق الي فيه ال (000000000)
عشان اللولو

الشايب: ايه يا ام بطوله وطلعيلي كل الاحجام الله لايهينج

ام بطوله : تآمر أمر


السؤال : ماهو الشيئ الذي طلبه الشايب من ام بطوله كي تجهزه له ؟؟؟

الطاسه

الفائزه هي : JN000N

الجواب : الطاسه وجمعها الطوس وهناك سبع طاسات تحدد بها احجاب اللولو متعارفه لدى تجار اللولو قديما

وهذا شكلهم :



وتحصل جنون على فنر في رصيدها

وثبتي الاجابه يابنيتنا ياشويهينه

[Qtr95]

الحلقه رقم (16 )

( الشايب وشبة الضو )

الشايب : لا آآآآآآآآآآآضآآآآآآآآآآآاق صدرييييييييي
قلت شبوووا ليييي الناآآآآآآآآآآآآآآآآآر
سوييييييييييييت كيف (ن) مـا يسـوى مثييييييييييلـه


ام بطوله : يه يه يه شهالصوت الزين

الشايب : اي اشعبالج عيل الله الله يازين ريحه الحطب مع شبه الضو

ام بطوله : اي والله بس الضو عاده ما حمى يالشايب قهوتك ماراح تستوي جذيه

الشايب : اي اهئ اهئ لهيت بالدندنه 00اقول ام بطوله ناوليني ال (00000000000)

السؤال : ماذا طلب الشايب من ام بطوله عندما قالت له ان الضو لم يحمى بعد ؟؟؟؟

تابعونا وفالكم الفنر ^_^

المشب

ماشاء الله يا اللورد قمت اتصيد الاجابه


الفائز هو العضو : اللورد

الاجابه : المشّـبة نوعان : آلة مجوفة من الحديد تستعمل لنفخ النار



و أخرى تصنع من الخوص ولها شكل دائري وهي اداة تستخدم لاشعال النار حيث يتم تحريكها يدويا" يمين و يسار ويتنج عن ذلك هواء يساعد على اشعال النار سريعا





وحمى لنا الضو العضو اللورد




تستاهل الفنر :

وثبتي الاجابه يابنيتنا ياشويهينه

[بـــــــنت النوخـّــــذه]

الحلقه رقم (17)

(أم بطولة وجرح الشايب)

أم بطوله : ويه ويه اسمله عليك اشفيك ماتمشي عدل

الشايب : آآه يا ام بطوله تعالي سنديني ماعبر امشي الجرح ينبح عليّ

ام بطوله : شالي ضربته بريلك

الشايب : وانا داخل عتبه الباب مكسوره وكان اتصيد صبع ريلي أي أي

أم بطوله : وي ماتشوف شرّ استريح بروح اجيب لك ماي اغسل الجرح

الشايب : أم بطوله عندج (!!!!!!!!!!!!!!!!)

ام بطوله : اي موجود عندي اكيد

الشايب : هاتيه الله لايهينج معاج عشان اطهر به الجرح

ام بطوله : تآمر امر قالوها يالشايب بالامثال لاتشكي (000000000)

السؤال : ماذا طلب الشايب من ام بطوله لتطهير جرحه ؟؟وماهو المثل الذي قالته ام بطوله ؟؟؟

ملاحظه السؤال من شقين ويجب الاجابه على السؤالين ^_^

المره
ولاتشكي الضر والبيت فيه مر

المره انا والمثل ابوي
صح

الفائز هو ابو جنون لان علمها المثل JN000N اههههه

اقصد العضوه JN000N

الاجابة : (المــــــــــــــرّ)

والمثل الشعبي الذي يقال : لاتشكي الضـــــــرّ وعندك المـــــــــــرّ


وصورته :


وله عدة استخدامات منها تطهير الجروح

وتستاهلين الفنر :

وثبتي الاجابه يابنيتنا يا شويهينه

[Qtr95]

الحلقة رقم 18


(الشايب والضيف بوسعد)

الشايب : درب درب معاي ضيف , حياك يابوسعد الله حيه الله حيه

بوسعد : الله يبقيك يالشايب تسلم تسلم

الشايب : كيف حالك يابوسعد واشلون الربع والجماعه

بوسعد : جمل الله حالك كلهم بخير يسلمون عليك

الشايب : وشحال (000000000000000000)

بوسعد : جعلك بزود - ماشاء الله زادوا ثلاثة من بعد اخر مره كنت عندنا

ويستمر الحديث مع الشايب وبوسعد 0000الخ


السؤال : عن ماذا كان يسأل الشايب بوسعد ؟؟؟؟؟

الذود

مبروووووووووووك !


الفايزة هي: حـ ن ـيـ ن

الجواب :

الذود
وهو مصطلح يطلق على مجموعه من الابل تتعدى ال 20 راس تقريباً

ودائما اذا حد سأل احد عن حلاله من الابل يقول شلون الذود؟, ويرد عليه صاحب الحلال جعلك بزود.

ومبروك عليج الفنر المادري جم .. ..

[بـــــــنت النوخـّــــذه]

الحلقه رقم (19 )


(عيال الشايب وام بطوله (ناصر والدانه) )

نويصر والدانه : يمه يمه يمه زهبتي ملابسنا

أم بطوله : اي يمه يا حبيباتي ,, انتي يالدانه ياشيخه البنات سويت لج ذيج الدراعه الي مطرزه وكاهو البخنق جاهز وجيستج

وانت يا نويصر يالمزيون كاهو ثوبك وقحفيتك ومعلقه السديري هناك

الشايب : ماشاء الله ماشاء الله شهالزين ياعيالي

نويصر والدانه : اي يبه اليوم (000000000000000)

ام بطوله : تذكر يالشايب يوم كنا صغار اهههه اهههه

الشايب : اي والله اذكر شفت الدانه ونويصر وابد تخيل ليّ المنظر اليوم انا وانتي اههه اههه يوم كنا صغار

نويصر والدانه : يبه يمه شلون كنتو نفسنا تلبسون


الشايب : اي يبه كنت البس الثوب والقحفيه ونتواعد كلنا احنا اليهال بعد المغرب على طول بعد مانفطر ونطلع بالفريج انا امسك الصفريه واضرب عليها وخويي ماسك الجدر الصغير ويضرب به والي ماسك جيسه والي عنده جدر وووو انسوي قرقعه بالفريج والبنات والصبيان يغنون عند كل بيت (00000000000000000000
000000000000000000000000)

ام بطوله : اي الله يازينها من ايام اقول الشايب يقولون ان قرقعتكم على الصفاري والجدور في ذيج الليله سموها الناس باسمها جذيه

الشايب : اي يا ام بطوله صحيح هالكلام


السؤال : عن ماذا يتحدث ناصر واخته دانه لوالدهم الشايب ؟؟

وماهي الاغنيه التي غناها الشايب بناء على المسمى الذي ذكره ناصر واخته الدانه 00 الاغنيه متداوله عند اهل قطر ؟؟؟

السؤال من شقين واتمنى الاجابه على السؤالين

قرنقعوه

ويغنون قرنقعوه قرقاعوه
عطونا الله يعطيكم
بيت مكه يوديكم

يامكه يالمعموره
يام السلاسل والذهب يانوره
عطونا من مال الله يسلم لكم عبدالله
عطونا دحبه ميزان يسلم لكم عزيزان

الفائزه هي بنت الخور JN000N

والاجابه : ليله القرنقعوه00وسموها قرنقعوه لان يقال قديما كان الاطفال ياخذون الصفاري او الجدور ويضربون عليها ليحدثو صوت قرقعه ويغنون الاغنيه عن البيوت واهل البيت يعطونهم المقسوم من المكسرات والحلويات ومنها جاءت كلمه قرنقعوه من القرقعه

والاغنيه :
قرنقعوه قرقاعوه
عطونا الله يعطيكم
بيت مكه يوديكم
يامكه يالمعموره
عطونا من مال الله
يسلملكم عبدالله
يالبنيه يالحبابه
ابوج مشرع بابه
قرنقعوه قرقاعوه
عطونا الله يعطيكم
بيت مكه يوديكم
يامكه يالمعموره
يام السلاس والذهب يانوره
عطونه دحبه ميزان
سلملكم عزيزان
يابنيه يالحبابه
ابوج مشرع بابه
باب الكرم ماطقه
ولاحطله بوابه
قرنقعوه قرقاعوه
عطونا الله يعطيكم
بيت مكه يوديكم
يامكه يالمعموره

وتستاهل الفنر:
وثبتي الاجابه يابنيتنا شويهينه